19-Nov-2025

ରେଙ୍ଗାଲିକ୍ୟାମ୍ପ(ଆକାଶ ମିଶ୍ର): ଅତାବିରା ନିୟନ୍ତ୍ରିତ ବଜାର କମିଟି ଅଧିନସ୍ଥ ଟୋପ କ୍ରୟ କେନ୍ଦ୍ରରେ ନିଜସ୍ବ ସ୍ଥାୟୀ ଜାଗା ନ ଥିବାରୁ ଧାନସଂଗ୍ରହ ବେଳେ ବହୁ ଅସୁବିଧାର ସମ୍ମୁଖୀନ ହେବା କୁ ପଡୁଛି। ବର୍ତ୍ତମାନ ହାଇସ୍କୁଲ ପାଖରେ ଅସ୍ଥାୟୀ ଭାବେ ଧାନ କିଣାବିକା ହେଉଛି। ଲୋକଙ୍କ ଖଲା, ବ୍ୟକ୍ତିଗତ ଜାଗାରେ କ୍ରୟ କେନ୍ଦ୍ର ଚାଳୁଛି। କ୍ରୟ କେନ୍ଦ୍ର ପାଇଁ ଅତି କମରେ ୨ଏକର ଜମି ଦେବାକୁ ସୋମବାର ଟୋପ ଗ୍ରାମବାସୀ ତହସିଲଦାର କେ ରିଚି କୁମାରଙ୍କୁ ଦାବି ପତ୍ର ପ୍ରଦାନ କରିଛନ୍ତି। ନିଜସ୍ବ ଜାଗା ନଥିବାରୁ ଖରା,ବର୍ଷା, ଶୀତରେ ଆରଏମସି କର୍ମଚାରୀ, ପ୍ୟାକ୍ସ କର୍ମଚାରୀଙ୍କ ଟେବୁଲ, ଲାପଟପ୍ ଆଦି ରଖିବାରେ ଅସୁବିଧା ହେଉଛି। ଧାନ ବସ୍ତା ଗୁଡ଼ିକ ଏଣେ ତେଣ ପଡ଼ିରହୁଛି। ମଣ୍ଡିର ବିକାଶ, ଭିତ୍ତିଭୂମି ପାଇଁ ଆର୍, ଏମ୍ ,ସି ର ପର୍ଯ୍ୟାପ୍ତ ଅର୍ଥ ଥିବା ବେଳେ ନିଜସ୍ବ ଜାଗା ନ ଥିବାରୁ ସରକାରୀ ଅର୍ଥ ବିନିଯୋଗ ହୋଇପାରୁ ନାହିଁ। ହାଇସ୍କୁଲ ସଂଲଗ୍ନ ରାସ୍ତା କଡ଼ରେ ବହୁ ସରକାରୀ ଜାଗା ଥିବା ବେଳେ ମଣ୍ଡି ପାଇଁ ଜାଗା ଦେଲେ ମାର୍କେଟ୍ ୟାର୍ଡର କର୍ମଚାରୀ, ପ୍ୟାକ୍ସ କର୍ମଚାରୀ, ଚାଷୀମାନଙ୍କ ସ୍ଥାୟୀ ସମାଧାନ ହେବା ସହ ଟ୍ରାକ୍ଟର, ଟ୍ରକଗୁଡ଼ିକ ବ୍ୟବସ୍ଥିତ ଭାବେ ଯିବାଆସିବା କରି ପାରିବ ବୋଲି ଗ୍ରାମବାସୀ ଦାବି ଜଣାଇଥିଲେ। ତହସିଲଦାରଙ୍କ ସହ ଆଲୋଚନା ବେଳେ ସୁପଭାଇଜର ଋଷବ ସାହୁ, ଓଡ଼ିଶା ରାଜ୍ୟ କୃଷକ ସଂଗଠନ ସଭାପତି ବୀରେନ୍ଦ୍ର କର ସମେତ ଗ୍ରାମର ଦୁଃଖିଶ୍ୟାମ ପ୍ରଧାନ, ଓକିଲ ଭାତପାହାର, କ୍ଷୀରୋଦ୍ର ପ୍ରଧାନ, ମୁନ୍ନା ମେହେର, କୁଶ ସାହୁ, ସୁଶାନ୍ତ ଗର୍ତିଆ, ସୋନୁ ଭାତପାହାର, ପରମାନନ୍ଦ ସାହୁ, ବଲ୍ଲଭ ପ୍ରଧାନ, ବୁଲୁ ପ୍ରଧାନ, ଜପ ପ୍ରଧାନ, ଧିରେନ ପ୍ରଧାନ, ସୁବାଷ ଗଡ଼ତିଆ, ଭକ୍ତଚରଣ ମଲ୍ଲିକ, ବୁନ୍ଦାବନ ମେହେର, ଅଶୋକ ବାରିକ, ଜୟକୁମାର ମହାପାତ୍ର, ସୁଶାନ୍ତ ପ୍ରଧାନ, ଗୁଣନିଧି ଗର୍ତିଆ, ଚକ୍ର ଭୁଏ ପ୍ରମୁଖ ଉପସ୍ଥିତ ରହି ତହସିଲଦାରଙ୍କ ସହ ଆଲୋଚନା କରିଥିଲେ । ଆସନ୍ତା ୨ ଦିନ ଭିତରେ ତହସିଲଦାର କ୍ଷେତ୍ର ପରିଦର୍ଶନ କରିଲା ପରେ ସରକାରୀ ନିୟମ ଭିତରେ ଜାଗା ଦେବାର ବ୍ୟବସ୍ଥା କରାଯିବ ବୋଲି କୁହାଯାଇଛି l