16-Nov-2025

ବରପାଲି (ସୁଦାମ ଦୀପ)
ବରଗଡ଼ ଜିଲ୍ଲା ବରପାଲି ବ୍ଲକ ର ବନ୍ଧପାଲି ପଞ୍ଚାୟତ ଲଳିତା ଦେବୀ ହାଇସ୍କୁଲ ଏବଂ ସୋହେଲା ବ୍ଲକ୍‌ର ପଞ୍ଚାୟତ ହାଇ ସ୍କୁଲ୍‌ ଚିଚିଣ୍ଡା ଠାରେ ଉତ୍ସାହପୂର୍ଣ୍ଣ ଭାବେ ପାଳନ କରାଗଲା ।
ମମତା ହେଲ୍ଥ୍ ଇନ୍‌ସ୍ଟିଟ୍ୟୁଟ୍ ଫର୍ ମଦର୍ ଆଣ୍ଡ ଚାଇଲ୍ଡ, ବରଗଡ଼ ଜିଲ୍ଲା ଦ୍ୱାରା ଆୟୋଜିତ ଏହି କାର୍ଯ୍ୟକ୍ରମର ମୁଖ୍ୟ ଉଦ୍ଦେଶ୍ୟ ଥିଲା ଶିକ୍ଷାର ଗୁରୁତ୍ୱ ବିଷୟରେ ସଚେତନତା ସୃଷ୍ଟି କରିବା । ବିଶେଷ କରି କନ୍ୟାଶିକ୍ଷା ପ୍ରଚାର ଓ ଡ୍ରପ୍‌ଆଉଟ୍‌ ହାର କୁ ରୋକିବା ଏହି କାର୍ଯ୍ୟକ୍ରମ ର ଥିଲା କେନ୍ଦ୍ରବିନ୍ଦୁ ।
ଏହି କାର୍ଯ୍ୟକ୍ରମକୁ ଜିଲ୍ଲା ସମନ୍ୱୟକାରୀ ଅଦିତି ଜାନା, ବ୍ଲକ୍ ସୁପରଭାଇଜର୍ ସୌମ୍ୟ ରଞ୍ଜନ ବାରିକ ଓ  ଯଶୋବନ୍ତ ପୁଜାରୀ, ସହିତ ଆଉଟ୍ରିଚ୍ କର୍ମୀ ଅଲୋକ୍ ମେହେର, ମୁକେଶ ଚୋହାନ, ଜିବରଧନ ସାହା, ଘନଶ୍ୟାମ ଭୋଇ ଏବଂ କ୍ଷୀରସିନ୍ଧୁ ଭୋଇ ଓ ପ୍ରହଲ୍ଲାଦ ପାଣିଗ୍ରାହି ଓ ମହାଦେବ ଭୁଏ ସଫଳତାର ସହିତ ସମନ୍ୱୟ କରିଥିଲେ ।
ଏହି କାର୍ଯ୍ୟକ୍ରମ ରେ ସ୍କୁଲ୍‌ ର 8ମ, 9ମ ଓ 10ମ ଶ୍ରେଣୀର ପ୍ରଥମ, ଦ୍ୱିତୀୟ ଓ ତୃତୀୟ ସ୍ଥାନ ପାଇଥିବା ବିଦ୍ୟାର୍ଥୀମାନଙ୍କୁ ପୁରସ୍କାର ବଣ୍ଟନ କରାଯାଇଥିଲା, ଯାହା ମେଧାବୀ ଛାତ୍ରଛାତ୍ରୀମାନଙ୍କ ଶିକ୍ଷାଗତ ସଫଳତାକୁ ସମ୍ମାନ ପ୍ରଦାନ କରିଥିଲା।
ଏଛଡ଼ା, ସ୍କୁଲ୍‌ର ଛାତ୍ରଛାତ୍ରୀମାନେ କନ୍ୟାଶିକ୍ଷାର ଗୁରୁତ୍ୱ ଓ ଡ୍ରପ୍‌ଆଉଟ୍‌ ହାର ରୋକିବା ପାଇଁ ବିଭିନ୍ନ ରଣନିତି ଉପରେ ଆଧାରିତ ପ୍ରଭାବଶାଳୀ ରୋଲ୍‌ପ୍ଲେ ପ୍ରଦର୍ଶନ କରିଥିଲେ । ଏହି ନାଟକୀୟ ପ୍ରଦର୍ଶନକାରିମାନେ କନ୍ୟାମାନଙ୍କ ଶିକ୍ଷା ଅବିରତ ଚାଲିଥିବାର ଆବଶ୍ୟକତା ଓ ସ୍କୁଲ୍‌ରେ ଭର୍ତ୍ତିରେ ବାଧାକୁ କମେଇବାର ପ୍ରାସଙ୍ଗିକତାକୁ ଉଜାଗର କରିଥିଲା ।
କାର୍ଯ୍ୟକ୍ରମରେ ସ୍କୁଲ୍‌ର ଛାତ୍ରଛାତ୍ରୀ, ଶିକ୍ଷକମାନେ ଓ ସ୍ଥାନୀୟ ଗ୍ରାମବାସୀମାନଙ୍କ ସକ୍ରିୟ ଅଂଶଗ୍ରହଣ ଦେଖିବାକୁ ମିଳିଥିଲା ।
ଏହି ଉଦ୍ୟମ ଜାତୀୟ ଶିକ୍ଷା ଦିବସର ମୂଳ ବାଣୀ—“ସବୁଙ୍କ ପାଇଁ ସମାନ ଶିକ୍ଷା ଅଧିକାର, ବିଶେଷ କରି କନ୍ୟାମାନଙ୍କ ପ୍ରତିଭା କୁ ଉଜାଗର କରିଥିଲା ।