16-Nov-2025

ସୁବର୍ଣ୍ଣପୁର,( ମନୋରଞ୍ଜନ ତ୍ରିପାଠୀ)
ସୋନପୁର ପୋଲିସ ହରଡଖୋଲ ଫାଣ୍ଡି ପକ୍ଷରୁ ଫାଣ୍ଡି ଅଧିକାରୀ ରାଜ କିଶୋର ବାରିକଙ୍କ ନେତୃତ୍ବରେ ଏକ ଟିମ୍ ସକାଳୁ ପେଟ୍ରୋଲିଂ କରୁଥିବା ବେଳେ ସୋନପୁର - ବୁର୍ଡା ରାସ୍ତାର ଅର୍ଜୁନପୁର- ବିଶିମୁଣ୍ଡା ମଝିରେ ଏକ ପଲସର୍ ବାଇକ ନଂ ସିଜି୦୬ଜି ୬୧୧୨ ରେ ଯାଉଥିବା ଦୁଇ ଜଣ ଯୁବକଙ୍କୁ ସନ୍ଦେହରେ ଅଟକାଇ ଥିଲେ । ସେମାନେ ପାଖରେ ରଖିଥିବା ଏକ ବସ୍ତାକୁ ଯାଞ୍ଚ କରିବାରୁ ସେଥିରେ ଚୋରା ଗଞ୍ଜେଇ ଥିବା ଦେଖି ଯୁବକ ଦ୍ବୟକୁ ଅଟକ ରଖିଥିଲେ । ପରେ ମାଜିଷ୍ଟ୍ରେଟ ଦାୟିତ୍ୱରେ ସୋନପୁର ଅତିରିକ୍ତ ତହସିଲଦାରଙ୍କ ଉପସ୍ଥିତିରେ ଓଜନ କରିବାରୁ ୯ କେଜି ୨୦୦ ଗ୍ରାମ ହୋଇଥିଲା । ପରେ ଯୁବକ ଦ୍ବୟ ଛତିଶଗଡ ମହସମୁନ୍ଦ ଜିଲ୍ଲା ଶଙ୍କରା ଥାନା ଅଞ୍ଚଳର ବିକାଶ ବିଶାଲ (୨୨) ଓ କଶୋଦଲ ଥାନା ଅଞ୍ଚଳର ନିଖିଲ ସାହୁ (୨୫) ଙ୍କୁ ଗିରଫ କରି କୋର୍ଟ ଚାଲାଣ କରାଯିବା ସହ ପଲସର୍ ବାଇକକୁ ଜବତ କରିଥିଲେ । ଏ ନେଇ କେସ ନଂ ୨୯୪/୨୫u/s 20(b)(ii)(B)/29 ଏନଡିପିଏସ ଆକ୍ଟ୍ ରେ ଏକ ମାମଲା ରୁଜୁ କରି ଅଧିକ ତଦନ୍ତ କରୁଥିବା ଫାଣ୍ଡି ଅଧିକାରୀ ରାଜକିଶୋର ବାରିକ ସୂଚନା ଦେଇଛନ୍ତି ।