16-Nov-2025

ବିନିକା(ହିମାଂଶୁ ଶେଖର ପୁଟେଲ)ବିନିକା ବ୍ଲକ ଅନ୍ତର୍ଗତ ଫୁଲମୁଠି ଗ୍ରାମରେ ନୂତନ କରି ନିର୍ମାଣ ହୋଇଥିବା ଇଷ୍ଟଦେବୀ ମାଁ ମାହେଶ୍ୱରୀଙ୍କ ମନ୍ଦିର ପ୍ରତିଷ୍ଠା ଉତ୍ସବ ଆସନ୍ତା ଫେବୃଆରୀ ମାସ ୨୨ରୁ ୨୬ତାରିଖ ୫ଦିନ ଧରି ଅନୁଷ୍ଠିତ ହେବ। ଲଗ୍ନ ଧାର୍ଯ୍ୟ ପାଇଁ ଶନିବାର ଗ୍ରାମର ବଦାନ୍ୟ ବ୍ୟକ୍ତି ବିଶେଷ ନିକଟ ଗୁଳୁଣ୍ଡା ଗ୍ରାମକୁ ଯାଇ ଜ୍ୟୋତିଷଙ୍କୁ ବରଣ କରିଥିଲେ ।ସନ୍ଧ୍ୟାରେ ମନ୍ଦିର ପ୍ରତିଷ୍ଠା କମିଟି ସଭାପତି ଅନ୍ତର୍ଯ୍ୟାମୀ ପଣ୍ଡାଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ପ୍ରଖ୍ୟାତ ଜ୍ୟୋତିଷ ବାସୁଦେବ ହୋତା ଯୋଗଦେଇ ଗ୍ରାମବାସୀଙ୍କ ଉପସ୍ଥିତିରେ ଲଗ୍ନ ଧାର୍ଯ୍ୟ ନିରୂପଣ କରିଥିଲେ ।ଲଗ୍ନ ଅନୁଯାୟୀ ଫେବୃଆରୀ ୪ତାରିଖରେ ଶୁଭ ସ୍ତମ୍ଭ ସ୍ଥାପନ,୧୯ତାରିଖରେ ଅଙ୍କୁରାରୋପଣ,୨୨ରେ କଳସ ଶୋଭାଯାତ୍ରା,୨୩ରେ ମଣ୍ଡପ ସୋଧନ,ସପ୍ତ ବିରୀ ବିକରଣ,କଳସ ଓ ଜୁପ ଅନ୍ୟାଭିସେକ,୨୪ରେ ମଣ୍ଡଳ,ତୋରଣ,ସମ୍ଭ ପୂଜା ଆରାଦାନ,ମହାସ୍ନାନ,ମନ୍ଦିର ନ୍ୟାସ,ଚଣ୍ଡୀ ପାଠ,୨୫ରେ ମନ୍ଦିର ନ୍ୟାସ,ଚଣ୍ଡୀ ହୋମ,ମନ୍ଦିର ଅଙ୍ଗ ପୂଜା,୨୬ରେ କଳସ ଧ୍ଵଜା,ଶିଖର ପୂଜା,ଦିନ ୧.୫୫ମି ମଧ୍ୟରେ ଦେବୀଙ୍କ ପୀଠେ ପ୍ରବେଶ, ପୂର୍ଣ୍ଣାହୂତି ।ସେହିପରି ପ୍ରତିଷ୍ଠା ଉତ୍ସବ ଅବସରରେ ୨୪ପ୍ରହରୀ ନାମ ଯଜ୍ଞ,ସୁନ୍ଦରାକାଣ୍ଡ ପାରାୟଣ,ପ୍ରବଚନ,ଅନ୍ତମୁଖି ଆଦି ଅନେକ ଆଧ୍ୟାତ୍ମିକ କାର୍ଯ୍ୟକ୍ରମ ଶ୍ରଦ୍ଧାଳୁ ଭକ୍ତଙ୍କ ଉଦ୍ଦେଶ୍ୟରେ ଅନୁଷ୍ଟିତ ହେବ ।ଅନୁଷ୍ଟିତ ଏହି ବୈଠକରେ ବିଶିଷ୍ଟ ବ୍ୟକ୍ତି ପ୍ରଶନ୍ନ ରଥ,ଗୋଲେଖ ଦାଶ,ପ୍ରମୋଦ କୁମାର ଦାଶ,ମୀନକେତନ ପଣ୍ଡା,ସନ୍ତୋଷ ଦାଶ,ମନ୍ଦିର କମିଟି ସଭାପତି ଫଗୁ ପାତ୍ରଙ୍କ ସହ ପ୍ରତିଷ୍ଠା ଉତ୍ସବ କମିଟି ସଦସ୍ୟ,ଗ୍ରାମବାସୀ ଉପସ୍ଥିତ ଥିଲେ।