16-Nov-2025

ସିନାପାଲି ( ଚିନ୍ତାମଣି ନେତାମ ) ନୂଆପଡା ଜିଲ୍ଲା ସିନାପାଲି ଜୟ ଜଗନ୍ନାଥ ସାମ୍ବାଦିକ ସଂଘ ତରଫରୁ ଆଜି ସିନାପାଲିରେ ଜାତୀୟ ସାମ୍ବାଦିକ ଦିବସ ପାଳନ କରାଯାଇଥିଲା  l  ସିନାପାଲି ଅଞ୍ଚଳର ବିଭିନ୍ନ ମାଧ୍ୟମର ସାମ୍ବାଦିକମାନେ ଏହି ଅବସରରେ ସଂଘବଦ୍ଧ ଭାବେ ଯୋଗଦେଇ ସାମ୍ବାଦିକତାର ମୂଲ୍ୟବୋଧ, ସମାଜ ପାଇଁ ଗଣ ମାଧ୍ୟମର ଭୂମିକା, ସତ୍ୟ, ନୀତି  ଓ ଲୋକତନ୍ତ୍ର ର ସ୍ୱର ଓ ଆମ ସମାଜକୁ  ସୂଚନା, ଓ ଦେଶକୁ ଜାଗୃତ କରିବାରେ  ପତ୍ରକାରିତାର ଅବଦାନ ବିଷୟରେ ଆଲୋଚନା କରାଯାଇଥିଲା ।କାର୍ଯ୍ୟକ୍ରମରେ ଅଞ୍ଚଳର ସମାଜସେବୀ  ଶ୍ରୀଯୁକ୍ତ ମନୀଷ ପଟେଲ,ବରିଷ୍ଠ ଆଇନ ଜୀବି ଶ୍ରୀଯୁକ୍ତ ସଞ୍ଜୟ କୁମାର ବେହେରା, ବରିଷ୍ଟ ସାମ୍ବାଦିକ ଗଣେଶ ବାଗ ସହିତ ମାନ୍ୟ ଗଣ  ବ୍ୟକ୍ତିମାନେ ଉପସ୍ଥିତ ଥିଲେ। କାର୍ଯ୍ୟ କାରି ସଭାପତି  ଶ୍ରୀଯୁକ୍ତ ଜଗନ୍ନାଥ ସାଗର  ମଞ୍ଚପରିଚାଳନା  କରିଥିବା ବେଳେ ସଂଘର ସଭାପତି  ଶ୍ରୀଯୁକ୍ତ ବିଘ୍ନରାଜ ତାଣ୍ଡି,    ଉପ-ସଭାପତି ଶ୍ରୀଯୁକ୍ତ ଚିନ୍ତାମଣୀ ନେତାମ, ସମ୍ପାଦକ ଶ୍ରୀଯୁକ୍ତ ଧର୍ମେନ୍ଦ୍ର କୁମାର ଗହିର, ସହ-ସମ୍ପାଦକ ଶ୍ରୀଯୁକ୍ତ ମୁଜାଫର ଖାନ, କୋଷାଧ୍ୟକ୍ଷ ଶ୍ରୀଯୁକ୍ତ ବନବିହାରୀ ମେହେର, ସଦସ୍ୟମାନେ ମଳୟ ମେହେର, ଛତିଶ ଯୋଷୀ, ପରମେଶ୍ୱର ମେହେର, ନିଳାମ୍ବର ନାଗ, ଯୌବନ ଗହିର, ଝଙ୍କେଶ୍ୱର ବନ୍ଦିଛୋର, ଆଶିଷ ମେହେର, ଦିନେଶ ଛତ୍ରିଆ, ଶୁଶାନ୍ତ ନାୟକ, ଯୁଧିଷ୍ଠିର ମହାନନ୍ଦ ଉପସ୍ଥିତ ଥିଲେ।ସଭାରେ ଅତିଥିଗଣ ନିଜ ମନ୍ତବ୍ୟ ଦେଇଥିଲେ ଯେ, ସାମ୍ବାଦିକତା ଏକ ଦାୟିତ୍ୱପୂର୍ଣ୍ଣ ପେଶା ଓ ଗଣତନ୍ତ୍ରର ଚତୁର୍ଥ ସ୍ତମ୍ଭ ଭାବେ  ସତ୍ୟକୁ  ସମ୍ମାନ,ନିଷ୍ଠା ଓ ସତ୍ୟ ସୂଚନା ପହଞ୍ଚାଇବାରେ ସାମ୍ବାଦିକମାନଙ୍କ ଭୂମିକା ଅଧିକ ବୋଲି ବଖାଣି ଥିଲେ  lଆଜିର ସଭାରେ ସଂଘର ନୂତନ ସଦସ୍ୟ ଭାବେ ଗୟା ମେହେର ଓ ହେରାମ୍ବ ବାଗ ଯୋଗଦାନ ଦେଇଥିଲେ  l  ସଭା ଶେଷରେ  ମୁଜାଫର ଖାଁ ଧନ୍ୟବାଦ ଅର୍ପଣ କରିଥିଲେ  l