02-Nov-2025

 ରେଙ୍ଗାଲିକ୍ୟାମ୍ପ(ଆକାଶ ମିଶ୍ର): ହୀରାକୁଦ ଜଳଭଣ୍ଡାରରୁ ବାହାରି ଥିବା ବରଗଡ  କେନାଲ ର ଟାଙ୍ଗରପାଲି ପାଖରେ ଆଜି ଗୋଟିଏ ମୃତ ବ୍ୟକ୍ତିର ଶବ ଭାସୁଥିବା ଦେଖି ସ୍ଥାନୀୟ ଲୋକେ  ଅତାବିରା ପୋଲିସକୁ ଖବର ଦେଇଥିଲେ।ଘଟଣା ସ୍ଥଳରେ ପୋଲିସ ପହଞ୍ଚି ଶବକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ବରଗଡ଼ ପଠାଇଥିଲା।ମୃତ ବ୍ୟକ୍ତି ଜଣକ ପାହାଡ଼ଶ୍ରୀଗିଡା ନିକଟସ୍ଥ ଖ୍ରୀଷ୍ଟିଆନ ପଡାର ଅଭିରାମ ଡାଙ୍ଗ(୫୭) ବୋଲି ଚିହ୍ନଟ ହୋଇଛି। ସେ ସମ୍ବଲପୁର ରେ ରହନ୍ତି । ଗତ ଶନିବାର ଦିନ ସମ୍ବଲପୁର ରୁ କୌଣସି କାମ ପାଇଁ ନିଜ ପୁଅ ଓ ସ୍ତ୍ରୀ ସହ  ଅପରାହ୍ନ ରେ ନିଜ ଗାଁ ଘରକୁ ଆସିବା ବେଳେ ଅମଲିପାଲି ଛକରେ ଛାଡ଼ି ସ୍ତ୍ରୀ ଆଶା ସୁନାରି ଓ ପୁଅ ସୁମିତ  ଡାଙ୍ଗ (୧୨)  ଙ୍କୁ ଘରକୁ ଯିବା ପାଇଁ କହି ନିଜେ ପରେ ଘରକୁ ଯିବେ ବୋଲି କହି  ଥିଲା।ହେଲେ ରାତିରେ ସେ ଆଉ ଘରକୁ ଫେରି ନଥିଲା।ସକାଳେ ତାର ମୃତ ଶରୀର କେନାଲରେ ଭାସୁଥିବା ଦେଖିବାକୁ ମିଳିଥିଲା।ଏନେଇ ଥାନାରେ ଏକ ଅପମୃତ୍ୟ ମାମଲା ରୁଜ୍ଜୁ କରି ତଦନ୍ତ ଜାରି ରହିଥିବା ପୋଲିସ ସୂତ୍ରରୁ ଜଣାପଡ଼ିଛି।ହତ୍ୟା ନା ଆତ୍ମହତ୍ୟା କିଛି ସ୍ପଷ୍ଟ ଜଣାପଡିନାହିଁ l