28-Oct-2025

 ବିଜେପି ସରକାରଙ୍କ ଅମାନବିକ କାର୍ଯ୍ୟ ବିରୋଧରେ କ୍ଷୋଭ ପ୍ରକାଶ

ନୁଆପଡା/ଭୁବନେଶ୍ୱର(ପ୍ରେରଣା ଖବର): ନୁଆପଡା ବିଧାନସଭା ଉପ ନିର୍ବାଚନ ଅଭିଯାନର ଅନେକ ସଭାରେ ଅଦିବାସୀ ନେତାମାନେ ବିଜେପି ସରକାରର ଅମାନବିକ ଓ ଅନତି ପ୍ରତି ତୀବ୍ର ପ୍ରତିବାଦ କରିଲେ।ସଭାରେ ଯୋଗଦେଇଥିବା ସାଂସଦ ନିରଞ୍ଜନ ବିଶି, ପୂର୍ବତନ ମନ୍ତ୍ରୀ  ସୁଦାମ ମାରାଣ୍ଡୀ ଓ  ରମେଶ ଚନ୍ଦ୍ର ମାଝି, ଦାସପଲ୍ଲା ବିଧାୟକ  ରମେଶ ବେହେରା, ପଦ୍ମପୁର ବିଧାୟିକା ଶ୍ରୀମତୀ ବର୍ଷା ରାଣୀ ସିଂ ବରିହା,ବରିଷ୍ଠ ଅଦିବାସୀ ନେତା  ବିହାରୀ ଲାଲ ବିସ୍ୱାଲ, ଜିଲ୍ଲା ସଭାପତି ଏବଂ ଜ଼ିଲ୍ଲା ପରିଷଦ ସଦସ୍ୟ ଭାନୁ ପ୍ରତାପ ସିଂହ ମାଝି, ବିଂଝାଲ ସମାଜ ରାଜ୍ୟ ଅଧ୍ୟକ୍ଷ  ହୃଷିକେଶ ବରିହା ଓ ଶବର ସମାଜ ନେତା ଶ୍ରୀ ତେଜରାଜ ଶବର,ଭୋଜରାଜ ବରିହା, ହରପ୍ରସାଦ ମାଝୀ, ଛକନ ମାଝୀ, ଆଦି ନେତାମାନେ କହିଲେ ଯେ ସ୍ୱତନ୍ତ୍ର ଆଦିବାସୀ  ଉନ୍ନୟନ ପରିଷଦ କୁ ବିଜେପି ସରକାର ନିଷ୍କ୍ରିୟ କରି ଦେଇଛି।ଏହି ପରିଷଦ ଅଦିବାସୀ ଭାଷା, ସଂସ୍କୃତି,ପ୍ରଥା ପରମ୍ପରା, ପାରମ୍ପରିକ ଜୀବିକା ଓ ପରିଚୟକୁ ସୁରକ୍ଷା କରିବା ପାଇଁ ଗଠିତ ହୋଇଥିଲା।
>ସ୍ୱତନ୍ତ୍ର ଆଦିବାସୀ ଉନ୍ନୟନ ପରିଷଦ କୁ ଦୁର୍ବଳ କରିବା ଅଦିବାସୀ ସମାଜର ମୂଳ ପରିଚୟକୁ ଦୁର୍ବଳ କରିବା ସହିତ ସମାନ ବୋଲି ନେତାମାନେ  ଖୋଭ ପ୍ରକାଶ କରିଥିଲେ.
ନେତାମାନେ ଆହୁରି କହିଲେ ଯେ ରାଜ୍ୟ ଓ କେନ୍ଦ୍ର

ସରକାରରେ ଏସଟି ଏସସି ସମ୍ପ୍ରଦାୟ  ପାଇଁ ଆରକ୍ଷିତ ଖାଲି ପଦବୀ ଭର୍ତ୍ତି କରୁ ନାହିଁ, ଫଳରେ ଯୁବ ଅଦିବାସୀ-ଦଳିତଙ୍କ ଶିକ୍ଷା ଓ ନିଯୁକ୍ତି ସୁଯୋଗକୁ ଅଶେଷ  କ୍ଷତି ହେଉଛି।
ଆଦିବାସୀ ଅଭିଯୋଗ କଲେ ଯେ ବେସରକାରି ସଂସ୍ଥା,ବିଭାଗ ରେ ଏସସି ଏସଟି ପାଇଁ ଆରକ୍ଷଣ ଲାଗୁ ହେଉ ନାହିଁ, ଯାହା ସଂବିଧାନୀକ ନୀତିର ସପ୍ରତ୍ୟକ୍ଷ ଉଲ୍ଲଙ୍ଘନ ହେଉଛି.ଅଦିବାସୀ-ଦଳିତଙ୍କ ସାମ୍ବିଧାନିକ ଅଧିକାରକୁ ଦମନ କରିବା ଅନ୍ୟାୟ ଓ ଅମାନବିକ” ନୀତି. ଅଦିବାସୀ  ସମାଜ ଏକତାବଦ୍ଧ, ସଜlଗ ଓ ସଂଘବଦ୍ଧ ହେବା ପାଇଁ ଆଦିବାସୀ ସମାଜ ର କର୍ମକର୍ତ୍ତା ଆହ୍ୱାନ କରିଥିଲେ। ସଭା ରେ ତୁଳକୁ ଶବର, ଦଶରୁ ବିଶ୍ୱାଳ, ମକର୍ଧ୍ଵଜ ବିଶ୍ୱାଳ,ହରପ୍ରସାଦ ଶବର, ରାମ ପୁନିତ ଶବର, ନରସିଂହ ଶବର, ଗଣେଶ ଶବର, ଦେବ ନାରାୟଣ ଶବର, ରାମ ବରିହା,ବିଜୟ ମାଝୀ, ସୋନକୁମାର ମାଝୀ,ଲୋକସିଂ ବରିହା, ଡମ୍ବରୁ ବରିହା, ଲଳିତ ବରିହା, ପ୍ରେମସିଂ ନାଏକ, ତୁଳସୀ ରାମ ମାଝୀ ପ୍ରମୁଖ ଉପସ୍ଥିତ ଥିଲେ