25-Oct-2025

ନୁଆପଡ଼ା(ପରମେଶ୍ଵର ମେହେର): ରାଜ୍ୟସଭା ସାଂସଦ  ନିରଞ୍ଜନ ବିଶୀ ଓଡ଼ିଶାର ବର୍ତ୍ତମାନ ଭାଜପା ସରକାର ଦ୍ୱାରା ଜାନୁଆରୀ ୨0୨୫ ରୁ ଅନ୍ଵେଷା ଯୋଜନାରେ ଏସଟି ଏସସି ପିଲାମାନଙ୍କ ପ୍ରାଇଭେଟ୍ ଇଂଲିଶ୍ ମିଡିଆମ୍ ସ୍କୁଲରେ ଭର୍ତ୍ତି ବନ୍ଦ କରିବା ନିଷ୍ପତ୍ତିକୁ ତୀବ୍ର ନିନ୍ଦା କରିଛନ୍ତି।
ସେ ଏହାକୁ ଆଦିବାସୀ-ଦଳିତ ବିରୋଧୀ ଓ ଶିକ୍ଷା ବିରୋଧୀ ନୀତି ବୋଲି ଉଚ୍ଚାରଣ କରିଛନ୍ତି।
ଅନ୍ଵେଷା ସାମାଜିକ ନ୍ୟାୟ ଓ ମାନଙ୍କ ଶିକ୍ଷାର ଏକ ଦୃଢ଼ ମଡେଲ୍
ପୂର୍ବତନ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କ ଦୃଷ୍ଟିକୋଣରୁ ଆରମ୍ଭ ହୋଇଥିବା ଅନ୍ଵେଷା ଯୋଜନା ଯେଉଁଥିରେ ଏସଟି ଏସସି ଶିଶୁମାନେ ଉଚ୍ଚ ମାନଙ୍କ ଇଂରାଜୀ ମାଧ୍ୟମ ଶିକ୍ଷା ପାଇବାର ଅବସର ପାଇଛନ୍ତି।
ଏହି ଯୋଜନା ୧୭ ଜିଲ୍ଲାରେ ଚାଲିଛି, ଯେଉଁସବୁ ହେଲେ:
ଅନୁଗୁଳ, ନୁଆଁପଡ଼ା,ବରଗଡ଼, ବୋଲାଙ୍ଗୀର, ଦେଓଗଡ଼, ଗଞ୍ଜାମ, ଗଜପତି, କଲାହାଣ୍ଡି, କନ୍ଧମାଳ, କେଉଁଝର, କୋରାପୁଟ, ମାଲକାନଗିରି , ମୟୂରଭଞ୍ଜ, ନବରଙ୍ଗପୁର, ରାୟଗଡ଼ା, ସୁନ୍ଦରଗଡ଼, ଝାରସୁଗୁଡ଼ା ଓ ସମ୍ବଲପୁର।
ଏପର୍ଯ୍ୟନ୍ତ,22,340 ଏସଟି ଏସସି ଛାତ୍ରଛାତ୍ରୀ ଲାଭ ପାଇଛନ୍ତି
୧୬୩ ଟି ଇଂଲିଶ୍ ମିଡିଆମ୍ ସ୍କୁଲରେ ଭର୍ତ୍ତି
୯୮ ଟି ଅନ୍ଵେଷା ହୋଷ୍ଟେଲ୍ ଚାଲିଛି
ହୋଷ୍ଟେଲ୍  ଯୋଜନାର ମୁଖ୍ୟ ଶକ୍ତି
ଏଠାରେ ପିଲାମାନଙ୍କୁ ମିଳୁଛି:
ସୁରକ୍ଷିତ ବସବାସ
ପୌଷ୍ଟିକ ଖାଦ୍ୟ
ପଢ଼ାଶୁଣା ସହାୟତା
ବ୍ୟକ୍ତିତ୍ୱ ଓ ସଂସ୍କୃତିକ ଉନ୍ନତି
ଭାଜପା ସରକାରଙ୍କ ନିଷ୍ପତ୍ତି ଆଦିବାସୀ ଓ ଦଳିତ ଭବିଷ୍ୟତକୁ ଅବରୋଧ
ଶ୍ରୀ ବିଶୀ କହିଛନ୍ତି:“ମନ୍ତ୍ରୀ ଓ ଧନୀ ପରିବାରର ପିଲା ଇଂଲିଶ୍ ସ୍କୁଲରେ ପଢ଼ିପାରିବେ, ତେବେ ଗରିବ ଆଦିବାସୀ-ଦଳିତ ପିଲାମାନେ କାହିଁକି ନୁହେଁ? ଶିକ୍ଷା ଅଧିକାର  ଦାନ ନୁହେଁ।”
ତୁରନ୍ତ ନାମଲେଖା ପ୍ରକ୍ରିୟା ଲାଗୁ କରିବାକୁ ଶ୍ରୀ ବିଶି ଦାବି କରିଛନ୍ତି,ଶିକ୍ଷା ହେଉଛି ସଶକ୍ତୀକରଣ। ଏସଟି ଏସସି ପିଲାଙ୍କୁ ଶିକ୍ଷାରୁ ବଞ୍ଚିତ କରାଇବା ମାନେ ତାଙ୍କର ଭବିଷ୍ୟତ ଅନ୍ଧକାର କରିବା ବୋଲି ସାଂସଦ ନିରଞ୍ଜନ ବିଶି ପ୍ରକାଶ କରିଛନ୍ତି