06-Oct-2025

ବିନିକା(ହିମାଂଶୁ ଶେଖର ପୁଟେଲ)ବିନିକା ବ୍ଲକ କୁହିବାହାଲ ପଞ୍ଚାୟତ ପଧାନପାଲି ଖେଳପଡିଆ ଠାରେ ପ୍ରଜାମଙ୍ଗଲ କ୍ଲବ ଆନୁକୁଲ୍ୟରେ ଚାଲିଥିବା ସର୍ବଭାରତୀୟ ନକ ଆଉଟ ଫୁଟବଲ ଟୁର୍ଣ୍ଣାମେଣ୍ଟର ଆଜି ଚତୁର୍ଥ ଦିବସର କ୍ୱାର୍ଟର ଫାଇନାଲ ମ୍ୟାଚରେ ନାଗପୁର ଡାଇମଣ୍ଡ  କ୍ଳବକୁ ୧-୦ ଗୋଲରେ ହରାଇ ଝାରଖଣ୍ଡ ଧନବାଦ ଇଲେଭେନ ଚିତ୍ତାକର୍ଷକ ବିଜୟ ସହ ଚତୁର୍ଥ ଦଳ ଭାବେ ସେମି ଫାଇନାଲ କୁ ପ୍ରବେଶ କରିଛି । ଅନୁଷ୍ଟିତ ପ୍ରଥମ ମ୍ୟାଚରେ ନାଗପୁର ଦଳ ପେନାଲ୍ଟି ସୁଟ ଜରିଆରେ ଝାରଖଣ୍ଡ ଅମିତ୍ ବ୍ରଦରକୁ ୪-୨ ଗୋଲରେ ପରାସ୍ତ କରିଥିଲା ।ଦ୍ଵିତୀୟ ମ୍ୟାଚରେ ଝାରଖଣ୍ଡ ଏକ୍ସ ଆଇ ଦଳ ୨-୦ ଗୋଲରେ ଜାମସେଦପୁର ରିମିକ୍ସ ସ୍ପୋଟିଂକୁ ପରାସ୍ତ କରିଥିଲା।ତୃତୀୟ ମ୍ୟାଚ ଅର୍ଥାତ କ୍ୱାଟର ଫାଇନାଲ ମ୍ୟାଚ୍ ନାଗପୁର ବନାମ ଝାଡ଼ଖଣ୍ଡ ମଧ୍ୟରେ ଅତ୍ୟନ୍ତ ସଂଘର୍ଷପୂର୍ଣ୍ଣ ହୋଇଥିଲା ଖେଳ ଶେଷ ହେବାକୁ ଆଉ ମାତ୍ର କିଛି ସମୟ ବାକି ଥିବାବେଳେ ଝାଡ଼ଖଣ୍ଡ ଦଳର ଖେଳାଳି ମାନେ ଉଚ୍ଚ କୋଟିର ଖେଲ ପ୍ରଦର୍ଶନ କରି ପ୍ରତିପକ୍ଷ ଦଳ ନାଗପୁର କୁ ୧-୦ ଗୋଲ ଦେଇ ବିଜୟ ହୋଇଥିଲେ । ଟୁର୍ଣ୍ଣାମେଣ୍ଟର  ଖେଲ ଗୁଡ଼ିକୁ ଜିତେନ୍ଦ୍ରିୟ ଥନାପତି,ସୁବ୍ରତ ପୁରୋହିତ,ସହିଲ ବେହେରା,ଜିତୁ ପାତ୍ର,ସଞ୍ଜୟ କୁଦେଇ ପରିଚାଳନା କରିଥିଲେ ।ପୁରସ୍କାର ବିତରଣି ଉତ୍ସବରେ ମୁଖ୍ୟ ଅତିଥି ଭାବେ କୁହିବାହାଲ ସରପଞ୍ଚ ତଥା ପ୍ରଜାମଙ୍ଗଲ କ୍ଲବ ସଭାପତି  ସୁଦାମ ପ୍ରଧାନ ଯୋଗଦେଇ ଖେଳାଳୀ ମାନଙ୍କୁ ଟ୍ରଫି ପ୍ରଦାନ କରିଥିଲେ।ଅନୁଷ୍ଟିତ ଏହି କାର୍ଯ୍ୟକ୍ରମରେ କ୍ଳବର ସମସ୍ତ ସଦସ୍ୟ ଉପସ୍ଥିତ ଥିଲେ।ଆସନ୍ତାକାଲି ମଙ୍ଗଳବାର ଦିନ ପ୍ରଥମ ସେମି ଫାଇନାଲ ବୀରମହାରାଜପୁର ବନାମ ସୁନ୍ଦରଗଡ଼,ଦ୍ଵିତୀୟ ସେମି ଫାଇନାଲ ଝାଡ଼ଖଣ୍ଡ ବନାମ ରାଉରକେଲା ମଧ୍ୟରେ ଅନୁଷ୍ଟିତ ହେବ। ଫାଇନାଲ ବିଜେତା ଦଳକୁ ଟ୍ରଫି ସହ ନଗଦ ୧ଲକ୍ଷ ଟଙ୍କା ଏବଂ ଉପ ବିଜେତା ଦଳକୁ ଟ୍ରଫି ସହ ନଗଦ ୭୦ହଜାର ଟଙ୍କା ପ୍ରଦାନ କରାଯିବ ବୋଲି ଆୟୋଜକଙ୍କ ସୂତ୍ରରୁ ପ୍ରକାଶ।