06-Sep-2025

ବିନିକା(ହିମାଂଶୁ ଶେଖର ପୁଟେଲ) ଆଜି ଭୋର ସକାଳେ ବିନିକା ସହରର ନୂଆବଜାରରେ ଗଞ୍ଜେଇ ଭର୍ତ୍ତି ଏକ ନମ୍ବର ବିହୀନ ଆର୍ଟିଗାଁ ଗାଡି ହଠାତ ହୁତୁ ହୁତୁ ହୋଇ ଜଳି ଯାଇଥିଲା ଗାଡ଼ିରେ ଥିବା ଡ୍ରାଇଭର ଜଣକ ନିମିଷକ ମଧ୍ୟରେ ଅନ୍ତର୍ଦ୍ଧାନ ହୋଇଗଲା Iଖବର ପାଇ ଘଟଣା ସ୍ଥଳକୁ ଅଗ୍ନିଶମ ବାହିନୀ ପହଂଚି ନିଆକୁ ଆୟତ୍ତ କରିଥିବା ବେଳେ ବିନିକା ପୁଲିସ ପହଞ୍ଚି ଗଞ୍ଜେଇ ଗାଡିକୁ ଜବତ କରିଛି Iତେବେ ଗାଡି ଭିତରୁ ୨କୁଇଣ୍ଟାଲରୁ ଅଧିକ କିଲୋ ଗଞ୍ଜେଇ ବାହାରିଛି I ଦୃତ ଗତିରେ ଏହି ରାସ୍ତାଦେଇ ଯାଉଥିବା ଉକ୍ତ ଗାଡିର ଆଗ ଚକ ଫାଟି ଯିବାରୁ ଗଞ୍ଜେଇ ଭର୍ତ୍ତି ଗାଡ଼ିଟି ଆଗକୁ ଆଉ ଯାଇ ପାରି ନଥିଲା ।ଫଳରେ ଗାଡି ଡ୍ରାଇଭର ପୋଲିସ ଭୟରେ ବୋଧେ  ପେଟ୍ରୋଲ ଢାଳି ଗାଡିକୁ ଜାଳି ଫେରାର ମାରିଥିବା ପ୍ରତ୍ୟକ୍ଷଦର୍ଶୀଙ୍କ ଠାରୁ ଶୁଣିବାକୁ ମିଳୁଛି I ସୂଚନା ଅନୁସାରେ ଆଜି ସକାଳୁ ସୋନପୁର ପଟରୁ ଗଂଜେଇ ଭର୍ତ୍ତି କରି ବିନିକା ଦେଇ ଏକ ଆର୍ଟିଗା ଗାଡି ଯାଉଥିବା ବେଳେ ନୁଆଁବଜାର ନିକଟରେ ଗାଡିର ଚକା ଫାଟିଯାଇଥିଲା ଫଳରେ ଡ୍ରାଇଭର ଜଣକ ଗାଡିରୁ ଓହ୍ଲାଇ ଗାଡିର ନମ୍ବର ପ୍ଲେଟକୁ ଖୋଲି ଗାଡ଼ିରେ ପେଟ୍ରୋଲ ଝିଣ୍ଟି ନିଆଁ ଲଗାଇ ଦେଇଥିଲା।ପ୍ରତ୍ୟକ୍ଷଦର୍ଶୀଙ୍କ କହିବା ଅନୁଯାୟୀ ଠିକ ସେତିକି ବେଲେ ଗଞ୍ଜେଇ ଭର୍ତ୍ତି କାରର ଆଗ ପଛରେ ଆଉ ୨ ଗୋଟି ଗାଡ଼ି ଯାଉଥିଲା ।ଡ୍ରାଇଭର ଜଣକ ପଛ ଗାଡ଼ିରେ ବସି ଚଂପଟ ମାରିଥିଲା । ନିଆଁ ଲାଗିଥିବା କାରଟି ହୁ ହୁ ଜୋରରେ ଜଳିବା ପରେ କାଳେ ନିଆଁ ଅନ୍ୟ ସ୍ଥାନକୁ ପ୍ରଘଟ ହେବ ସେନେଇ ରାସ୍ତାରେ ଯିବା ଆସିବା କରୁଥିବା ଲୋକେ ତୁରନ୍ତ ଦମକଳ ବାହୀନିକୁ ଖବର ଦେବାପରେ ଅଗ୍ନିଶମ କର୍ମଚାରୀ ପହଞ୍ଚି ନିଆଁକୁ ଲିଭାଇଥିଲେ। ତେବେ ଘଟଣା ସ୍ଥଳକୁ ମାଜିଷ୍ଟ୍ରେଟ ଦାୟୀତ୍ୱରେ ଥିବା ଅତିରିକ୍ତ ତହସିଲଦାର ଦୟାରାମ ମେହେର, ବିନିକା ଥାନା ଅଧିକାରୀ ସତ୍ୟନାରାୟଣ ପଧାନ ପହଂଚି  ଗାଡି ଏବଂ ପ୍ରାୟ ୨.୫୦ କ୍ୱିଣ୍ଟାଲ ଗଂଜେଇ ଜବତ କରି ତଦନ୍ତ ଚଳାଇଥିବା ପୁଲିସ ସୂଚନା ଦେଇଛି |