22-Aug-2025

ଗଞ୍ଜାମ: ଓଡିଶା ଅଙ୍ଗନୱାଡି ଲେଡ଼ିଜ ୱାକର୍ସ ଆସୋସିଏସନ ରାଜ୍ୟ ସଂଘ ତରଫରୁ ଗଞ୍ଜାମ ଜିଲ୍ଲପାଳଙ୍କୁ ୧୧ଦଫା ଦାବୀ ନେଇ ସ୍ମାରକ ପତ୍ର ପ୍ରଦାନ କରିଥିଲେ। ସରକାରୀକରଣ ନହେବା ପର୍ଯ୍ୟନ୍ତ ଅଙ୍ଗନୱାଡି ମାନଙ୍କୁ ୧୮ହଜାର ଏବଂ ସହାୟିକା ମାନଙ୍କୁ ୯ହଜାର ଦିଆଯାଉ। ଅବସର ପରେ ଅଙ୍ଗନୱାଡି ମାନଙ୍କୁ ୧୦ଲକ୍ଷ ଏବଂ ସହାୟିକା ମାନଙ୍କୁ ୫ଲକ୍ଷ ସହିତ ପେନସନ ଯଥାକ୍ରମେ ୫ହଜାର ଓ ୩ହଜାର ଟଂକା ଦିଆ ଯାଉ।ସମସ୍ତ ପ୍ରକାର କାର୍ଯ୍ୟ ଅନଲାଇନ ରେ ହେଉଥିବା ଯୋଗୁଁ ଉନ୍ନତ ମାନର ମୋବାଇଲ ପ୍ରଦାନ କରିବା। ଅନଲାଇନରେ ହଉଥିବ କାର୍ଯ୍ୟକୁ ଅଫଲାଇନ୍ ରେ ବନ୍ଦ କରିବା।ଅଙ୍ଗନାୱାଡି ମାନଙ୍କୁ ସିଧାସଳଖ ୫୦%ପଦୋନ୍ନତି 

ସହିତ ପିଏଫ ଗ୍ରାଚ୍ୟୁୟାଟି ପ୍ରଦାନ ଭଳି ମୁଖ୍ୟ ଦାବି ରହିଥିଲା।ପ୍ରତି ଶନିବାର କିଶୋରୀ ବାଳିକା ନିମନ୍ତେ ଏମଏସପିୱାଇ ଦୁଇଟି ସିଝା ଅଣ୍ଡା ଏବଂ ଦୁଇଟି କଞ୍ଚା ଅଣ୍ଡା ପାଇଁ ଆସୁଥିବା ଅର୍ଥରାଶି ଜଏଣ୍ଟ ଆକାଉଣ୍ଟରେ ପୂର୍ଵରୁ ଜମା କରାଯାଉ ଏବଂ ସିଝା ଅଣ୍ଡା ପାଇଁ ଜାଳେଣି ଖର୍ଚ୍ଚ କେଉଁ ଟଙ୍କାରୁ କରାଯିବ ତାହା ସ୍ପଷ୍ଟ କରାଯାଉ। ଉନ୍ନତମାନର କେନ୍ଦ୍ର ତିଆରି ସହିତ ଜଳ ଯୋଗାଣ ଏବଂ ବିଦ୍ୟୁତ ସଂଯୋଗ କରାଯାଉ।କାର୍ଯ୍ୟରତ ସମୟରେ ମୃତ୍ୟୁ ବରଣ କଲେ ଅଙ୍ଗନୱାଡି କର୍ମୀ ଏବଂ ସହାୟିକା ମାନଙ୍କୁ ସଙ୍ଗେସଙ୍ଗେ ସହାୟତା ପ୍ରଦାନ ସହିତ

ଯୋଗ୍ୟତା ଭିତିରେ ପରିବାରର ଜଣକୁ ସେହି ସ୍ଥାନରେ ନିଯୁକ୍ତି ପ୍ରଦାନ କରାଯାଉ।୨୦୨୪ ବିଧାନସଭା ନିର୍ବାଚନ ଇସ୍ତାହାର ରେ ବେତନ ବୃଦ୍ଧି ପ୍ରତିଶୃତି କୁ ତୁରନ୍ତ ଲାଗୁକରି କର୍ମୀ ମାନଙ୍କ ମନୋବଳ ବୃଦ୍ଧି କରିବା ସହିତ । ଏହି କାର୍ଯ୍ୟକ୍ରମରେ ଭାରତୀୟ ମଜଦୁର ସଂଘର ଗଞ୍ଜାମ ଜିଲ୍ଲା ସମ୍ପାଦକ ଉମା ଶଙ୍କର ସାହୁ, ଉପସଭାପତି ଅର୍ଜୁନ କୁମାର ବେହେରାଙ୍କ  ସହ ଅଲ ଓଡିଶା ଅଙ୍ଗନୱାଡି ଲେଡ଼ିଜ ୱାର୍କସ ଏସୋସିଏସନର ଗଞ୍ଜାମ ଜିଲ୍ଲା ସଭାନେତ୍ରୀ ହେମଲତା ମହାନ୍ତି,ସମ୍ପାଦିକା ବାସନ୍ତୀ କୁମାରୀ ପ୍ରଧାନ ସହିତ ଗଞ୍ଜାମ ଜିଲ୍ଲାର ବିଭିନ୍ନ ବ୍ଲକ ରୁ ଶତାଧିକ ଅଙ୍ଗନୱାଡି କର୍ମୀ ରାଲିରେ ଯୋଗ ଦେଇ ଜିଲ୍ଲାପାଳଙ୍କ କାର୍ଯ୍ୟଳୟ ସମୁଖରେ ବିକ୍ଷୋଭ କରିବା ସହ ନାରାବାଜି ଦେଇ ଦାବୀ ପତ୍ର ପ୍ରଦାନ କରିଥିଲ।

■ଗଞ୍ଜାମରୁ ଭଗବାନ ପାଢ଼ୀଙ୍କ ରିପୋର୍ଟ