16-Aug-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
 ସୁବର୍ଣ୍ଣପୁର ବରିଷ୍ଠ ନାଗରିକ ସଂଘ ପକ୍ଷରୁ ସ୍ଥାନୀୟ ଭିନ୍ନକ୍ଷମ ବିଦ୍ୟାଳୟ ଠାରେ ପଠନ ଲିଖନ ସାମଗ୍ରୀ ବଣ୍ଟନ କରାଯାଇଥିଲା l ପ୍ରଥମେ ଅନୁଷ୍ଠାନର ଛାତ୍ରଛାତ୍ରୀ ମାନେ ସଙ୍ଗୀତ ପରିବେଷଣ ଦ୍ଵାରା ଅତିଥି ଓ ବରିଷ୍ଠ ନାଗରିକ ମାନଙ୍କୁ ସ୍ୱାଗତ କରିଥିଲେ l ସଂଘର ସଭାପତି ଡ଼ଃ ଜ୍ୟୋତି ରଞ୍ଜନ ବହିଦାର ଙ୍କ ସଭାପତିତ୍ବରେ ଅନୁଷ୍ଟିତ ଏହି କାର୍ଯ୍ୟକ୍ରମରେ ସମ୍ପାଦକ ଜ୍ୟୋତି ରଞ୍ଜନ ପଟ୍ଟନାୟକ ସ୍ୱାଗତ ଭାଷଣ ଦେଇଥିବା ବେଳେ ସଂଘ ଉପଦେଷ୍ଟା ଗୋରେଖ ନାଥ ସାହୁ, ସନ୍ତୋଷ ପାଢ଼ୀ, ଇନ୍ଦୁମତି ପୁରୋହିତ, ବିଦ୍ୟାଳୟ ପ୍ରତିଷ୍ଠାତା ଉତ୍ତମ ଦେହୁରୀ ସଭାରେ ମଞ୍ଚାସୀନ ଥିଲେ l ସମସ୍ତ ଛାତ୍ରଛାତ୍ରୀଙ୍କୁ ଶିକ୍ଷା ସାମଗ୍ରୀ ବଣ୍ଟନ ସହିତ ବିଭିନ୍ନ ସମସ୍ୟା ଉପରେ ପଚାରି ବୁଝିଥିଲେ l ଏହି ବିଦ୍ୟାଳୟ ରେ ପୁର୍ବରୁ ଦିଆଯାଉଥିବା ମଧ୍ୟାହ୍ନ ଭୋଜନ ପ୍ରାୟ ୧୨ ବର୍ଷ ହେଲା ବନ୍ଦ ହୋଇଯାଇଥିବା ବିଷୟ ଶୁଣି ନାଗରିକ ସଂଘ ଖୁବ୍ ଉଦବେଗ ପ୍ରକାଶ କରିଥିଲେ ଓ ରାଜ୍ୟରେ ଶିକ୍ଷା ବିଭାଗରେ ହେଉଥିବା କୋଟି କୋଟି ଟଙ୍କାର ମହା ଦୁର୍ନୀତି ସବୁକୁ ସରକାର ରୋକି ନ ପାରି ଏ ଜିଲ୍ଲା ର ନିରୀହ ଭିନ୍ନକ୍ଷମ ପିଲାଙ୍କ ପେଟରେ ଲାତ ମାରି ସ୍ୱଳ୍ପ ମାତ୍ର ଚାଉଳ ଟିକେ  ବଞ୍ଚାଇ ରାଜ୍ୟ ରାଜ କୋଷକୁ ସରକାର କେତେ ମଜଭୁତ କରି ପାରିଛି ସଂଘ ଏହାର ସୁଚନା ମାଗିବ ବୋଲି ପ୍ରକାଶ କରି ସମାଲୋଚନା କରିଛନ୍ତି l ଅନ୍ୟ ମାନଙ୍କ ମଧ୍ୟରେ ବ୍ରଜ ମୋହନ ଦାନୀ, ଶ୍ରୀବତ୍ସ ମଲ୍ଲିକ, ଦେବ କିଶୋର ଦାନୀ, ଆର୍ତ୍ତତ୍ରାଣ ବାବୁ, ହରିହର ଶତପଥି, ଦିଲ୍ଲୀପ ରଥ , ଦୟାନିଧି ସେଠି, ଧୁବେଇ ଦାଶ, ପୂର୍ଣ୍ଣ ଚନ୍ଦ୍ର ଦାଶ, ରାଧାକୃଷ୍ଣ ଅଗ୍ରୱାଲ, ରଘୁମଣି ଦେହୁରୀ, ଯଜ୍ଞେଶ୍ଵର ପୁଜାରୀ ପ୍ରମୁଖ ସମସ୍ତ ସଦସ୍ୟ ଉପସ୍ଥିତ ଥିଲେ l *ଅନ୍ଧ କଲ ହେ ପ୍ରଭୂ* ଭଜନ ସଙ୍ଗୀତ ପରିବେଷଣ ମାଧ୍ୟମରେ ପ୍ରଦୀପ ପୁରୋହିତ ଧନ୍ୟବାଦ୍ ଅର୍ପଣ କରିଥିଲା ବେଳେ ତାହା ଉପସ୍ଥିତ ସମସ୍ତଙ୍କୁ ଭାବ ବିହ୍ବଳ କରିଦେଇଥିଲା l