16-Aug-2025

ବରପାଲି(ସୁଦାମ ଦୀପ)
 ସରସ୍ଵତୀ ଶିଶୁ ବିଦ୍ୟା ମନ୍ଦିର ଠାରେ  ୭୯ ତମ ସ୍ଵାଧୀନତା ଦିବସ ସହ ଶ୍ରୀକୃଷ୍ଣ ଜନ୍ମାଷ୍ଟମୀ  ଉତ୍ସବ  ମହା ସମାରୋହରେ ପାଳିତ ହୋଇ ଯାଇଛି। ସ୍ଵାଧୀନତା ଦିବସରେ ମୁଖ୍ୟ ଅତିଥି ଭାବେ ଜିଲ୍ଲା ପ୍ରମୁଖ  ଡା. ଶଙ୍କର୍ଷଣ ମେହେର ରାଷ୍ଟ୍ରୀୟ ଧ୍ୱଜ ଉତ୍ତୋଳନ କରି ଏହି ଦିବସର ବୈଶିଷ୍ଟ୍ୟ ସହ ମହାପୁରୁଷ ଜୀବନୀ ପାଠ ସହ ତାଙ୍କ ପଦାଙ୍କ ଅନୁସରଣ କରିବାର ଆବଶ୍ୟକତା ବିଷୟରେ ଭାଇ ଭଉଣୀ ଙ୍କୁ ଅବଗତ କରାଇଥିଲେ।ଅତିଥିଙ୍କ ପରିଚୟ ପ୍ରଦାନ ପ୍ରଧାନ ଆଚାର୍ଯ୍ୟ ଶ୍ରୀଯୁକ୍ତ ନିରଞ୍ଜନ ହୋତା ଓ ସଂଯୋଜନା ଶ୍ରୀଯୁକ୍ତ ଧର୍ମେନ୍ଦ୍ର ପୂଜାରୀ କରିଥିଲେ। ମଞ୍ଚରେ ସଭାପତି ଶ୍ରୀଯୁକ୍ତ ଯଦୁମଣି ବିଶି ,କୋଷାଧ୍ୟକ୍ଷ ଓମ୍ ବାରିକ,ସଦସ୍ୟା ସଂଘମିତ୍ରା ସିଂ ବରିହା ଉପସ୍ଥିତ ଥିଲେ ଓ ପରିଶେଷରେ ଗୁରୁଜୀ ବୀରେନ ମିଶ୍ର ଧନ୍ୟବାଦ୍ ଅର୍ପଣ କରିଥିଲେ ।

ଠିକ୍ ସେହିପରି ଜନ୍ମାଷ୍ଟମୀ ଉତ୍ସବର ସଂଗୀତ ଗାନ କରିଥିଲେ ଆଚାର୍ଯ୍ୟ ବଳରାମ  ପାଣିଗ୍ରାହୀ ଓ ଆଚାର୍ଯ୍ୟା ଝରଣା ମାହାଣା ଓ ଭଉଣୀ ଜେନିଷା ପୁହାଣ ଓ  ସେୟଲ ଶ୍ରୀୟା ମାହାଣା ତତ୍ ପରେ  ଗୁରୁମା,ଭଉଣୀ ଓ ଅଭିଭାବିକା ଗଣ କୃଷ୍ଣଙ୍କୁ ଦୋଳି ଝୁଲାଇବା ସହ ଜଗତର କଲ୍ୟାଣ ନିମିତ୍ତ  ଭକ୍ତି ପୁଷ୍ପାଞ୍ଜଳି ଅର୍ପଣ କରିଥିଲେ।ପରେ ବାଳ ଶ୍ରୀକୃଷ୍ଣ ଙ୍କ ଦ୍ଵାରା ଦଧିଭାଣ୍ଡ ଭଞ୍ଜନ ହୋଇଥିଲା।ଏହି କାର୍ଯ୍ୟକ୍ରମରେ  ପ୍ରାୟ ୯୫ ଜଣ ଶିଶୁ ଭାଇ ଭଉଣୀ ଶ୍ରୀକୃଷ୍ଣ ଓ ଶ୍ରୀରାଧା ବେଶରେ ସଜ୍ଜିତ ହୋଇ ଆସିଥିଲେ।