13-Aug-2025

ସିନାପାଲି (ଚିନ୍ତା ମଣି ନେତାମ)
 ନୂଆପଡା ଜିଲ୍ଲା ସିନାପାଲି ବ୍ଲକ ଅନ୍ତର୍ଗତ ହାତୀବନ୍ଧା ସରସ୍ବତୀ ଶିଶୁମନ୍ଦିରଠାରେ ସଂକୁଳ ସ୍ତରୀୟ  ଜ୍ଞାନ ବିଜ୍ଞାନ ମେଳା ଅନୁଷ୍ଠିତ ହୋଇଯାଇଛି  l ଏହି ଉପଲକ୍ଷେ ଅନୁଷ୍ଠିତ ହୋଇଥିବା ସଭାରେ  ପରିଚାଳନା ସମିତିର ସଭାପତି ଶ୍ରୀଯୁକ୍ତ ହୁକୁମଚନ୍ଦ ଅଗ୍ରୱାଲ ସଭାପତିତ୍ୱ କରିଥିବାବେଳେ  ମୁଖ୍ୟ ଅତିଥି ଭାବରେ ପୂର୍ବତନ  ଵି :ଜେ :ପି  ଜିଲ୍ଲା ସଭାପତି ଶ୍ରୀଯୁକ୍ତ ସୁବ୍ରତ କୁମାର ଠାକୁର, ସମ୍ମାନିତ ଅତିଥି ଭାବରେ  ସଂକୁଳ ପ୍ରମୁଖ  ଶ୍ରୀଯୁକ୍ତ  ତୁଳସୀ ରାମ  ମେହେର,ଚରଣ ନେତାମ ଓ ବିଦ୍ୟାଳୟର   ପ୍ରଧାନ ଆଚାର୍ଯ୍ୟ ଶ୍ରୀଯୁକ୍ତ ଖଗେଶ୍ୱର ଦାସ   ମଞ୍ଚାସିନ ଥିଲେ  ଏବଂ ସମରୋପ କାର୍ଯ୍ୟକ୍ରମ ରେ  ମୁଖ୍ୟ ଅତିଥି ଭାବରେ ଜିଲ୍ଲା ପରିଷଦ ସଦସ୍ୟା ଶ୍ରୀମତୀ ଆଶା ଜୈନ, ସମ୍ମାନିତ ଅତିଥି ଭାବରେ  ସଂକୁଳ ପ୍ରମୁଖ ସଂଯୋଜକ  ପ୍ରଧାନ ଆଚାର୍ଯ୍ୟ ମଞ୍ଚାସିନ ଥିଲେ l    ଦେବପୁଜନ କାର୍ଯ୍ୟକ୍ରମ ସମାପନ ପରେ ସଭାପତି ଓ ସମ୍ମାନିତ ଅତିଥିଗଣ ଜୀବନର ପ୍ରତ୍ୟେକ କାର୍ଯ୍ୟରେ ବୈଜ୍ଞାନିକ ମନୋବୃତ୍ତି ପୋଷଣ କରିବା ପାଇଁ  କୁନି ଵିଜ୍ଞାନୀ ଶିଶୁ ଭାଇଭଉଣୀ ମାନଙ୍କୁ ଉତ୍ସାହିତ କରିବା  ସଙ୍ଗେ ସଙ୍ଗେ ବିଜ୍ଞାନ ଓ କାରିଗରୀ  ବିଦ୍ୟା ଜୀବଜଗତର ହିତ ସାଧନ ପାଇଁ ଉଦ୍ଦିଷ୍ଟ, ଅନିଷ୍ଟ ପାଇଁ ନୁହେଁ ବୋଲି ମତ ପୋଷଣ କରିଥିଲେ  l ବିଦ୍ୟାଳୟର  ଯୁଗ୍ମ ସଂଯୋଜକ ଶ୍ରୀଯୁକ୍ତ  ଗୁଣନିଧି ବେହେରା  ଉପସ୍ଥିତ ରହି  ଶିଶୁ ଭାଇ ଭଉଣୀ  ମାନଙ୍କୁ  ଉତ୍ସାହିତ କରିଥିଲେ  l  ଉକ୍ତ କାର୍ଯ୍ୟକ୍ରମରେ  ସଂକୁଳର ସମସ୍ତ  ବିଦ୍ୟାଳୟ ର ପ୍ରଧାନ ଆଚାର୍ଯ୍ୟ, ସଂକୁଳ  ବିଜ୍ଞାନ ପ୍ରମୁଖ,ଗଣିତ ପ୍ରମୁଖ,ସଂସ୍କୃତି ଜ୍ଞାନ ପ୍ରମୁଖ  ଏବଂ  ପରିଚାଳନା କରିବା ପାଇଁ ଆସିଥିବା ସମସ୍ତ ଗୁରୁଜୀ  ଗୁରୁମା  ଏବଂ  ବିଚାରକ ଭାବରେ ବିଜ୍ଞାନ ଶିକ୍ଷକ ଶ୍ରୀଯୁକ୍ତ ଡୋଳାମଣୀ ମେହେର, ବାସୁଦେବ ବିଶି,ରୁପେଶ କୁମାର ମେହେର, ଅଜିତ କୁମାର ମେହେର, ଧବଳେଶ୍ୱର ମେହେର,ଶ୍ରୀମତୀ  କାଞ୍ଚନ ଵାଲା ଜେନା, ଉପେନ୍ଦ୍ର କାଣ୍ଡ, ନୀତେଶ କୁମାର ମେହେର, ଜୟଦେବ  ମେହେର  ଯୋଗଦାନ  କରିଥିଲେ  l  ଉକ୍ତ କାର୍ଯ୍ୟକ୍ରମ ରେ  ଆଚାର୍ଯ୍ୟ ପ୍ରତିନିଧି ସରୋଜ କୁମାର ପରିଚାଳନା କରିଥିବା ବେଳେ ଲର୍କା  ପ୍ରଧାନ ଆଚାର୍ଯ୍ୟ  ଶଙ୍କର ଲାଲ ରାଉତ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ  l କାର୍ଯ୍ୟକ୍ରମ ଆୟୋଜନ କରିବାରେ  ସମସ୍ତ ଆଚାର୍ଯ୍ୟ ଓ ଆଚାର୍ଯ୍ୟା ସହଯୋଗ କରିଥିଲେ  l