20-Jul-2025

ଡୁଙ୍ଗୁରିପାଲିରୁ ଅରବିନ୍ଦ ମିଶ୍ରଙ୍କ ରିପୋର୍ଟ

ଡୁଙ୍ଗୁରିପାଲି, କିଟ୍ କିଟ୍ ଅନ୍ଧାର । କିଛି ଦେଖାଯାଇନି । କିଏ ଜଣେ ମୋବାଇଲର ଲାଇଟ୍ ସୁଇଚ୍ ଅନ୍ କଲେ ଲାଇନ୍ ଆସିଗଲା କି ବୋଲି କୁହାକୁହି ହେଉଛନ୍ତି। ହେଲେ ମୋବାଇଲ ଲାଇଟ୍ କେତେ ସମୟ ଧରି ଚାଲିବ ? ଲାଇନ୍ ଗଲେ ଆସିବାର ନା ଧରୁନି I ଜେନେରେଟର କାମ କରୁନି । ୨୪ ଘଣ୍ଟିଆ ଜରୁରୀକାଳୀନ ସ୍ଥାନରେ ବିଜୁଳି ନାହିଁ ।

ଏଭଳି ଦୂରାବସ୍ଥା ଓ କିଛି ଅଭାବନୀୟ ଚିତ୍ର ଦେଖିବାକୁ ମିଳିଛି ସୋନପୁର ଜିଲ୍ଲା ଡୁଙ୍ଗୁରିପାଲି ଡାକ୍ତରଖାନାରେ ।
ବର୍ଷା ଦିନ I ବର୍ଷା ଦିନରେ ବର୍ଷା ନହେବ ଆଉ କଣ ଶୀତ ହେବ କି ? ଏଥି ପାଇଁ ଡାକ୍ତରଖାନା କର୍ତ୍ତୃପକ୍ଷ ଏହାର ସୂବ୍ୟବସ୍ଥା କରିବା କଥା। କିନ୍ତୁ ଡୁଙ୍ଗୁରିପାଲି ଡାକ୍ତରଖାନା ନାହିଁ ନାହିଁରେ ଚାଲିଛି। ବର୍ଷା ଦିନ ପୂର୍ବରୁ ଜେନେରେଟର ସଜଡ଼ା ଯିବା କଥା। ଏହାର ବ୍ୟାଟେରୀ ଚାଲୁଛି କି ନାହିଁ ପରୀକ୍ଷା କରାଯିବା କଥା। ଚିକିତ୍ସା ସୁବିଧା ପାଇଁ ସମସ୍ତ ସୁବିଧା କରିବା  ଡାକ୍ତରଖାନା କର୍ତ୍ତୃପକ୍ଷଙ୍କ  ଦାୟିତ୍ଵ l ଏହି ପରିପ୍ରେକ୍ଷୀରେ ଡୁଙ୍ଗୁରିପାଲି ଭଳି ବ୍ଲକ ମୁଖ୍ୟାଳୟ ଡାକ୍ତରଖାନରେ ଘଣ୍ଟା ଘଣ୍ଟା ଧରି ବିଜୁଳି ଗାଏବ୍ ରହିବା ସାଧାରଣରେ ଆଲୋଚ଼ନ ସୃଷ୍ଟି କରିଛି I ଡାକ୍ତରଖାନା ଅନ୍ଧାରମୟ ହେବା ଯୋଗୁଁ ରୋଗୀ ତଥା ସମ୍ପର୍କୀୟ ନାହିଁନଥିବା ଅସୁବିଧାର ସମ୍ମୁଖୀନ ହୋଇଛନ୍ତି। କେବଳ ଆଜି ନୁହେଁ ବର୍ଷା ଦିନ ଆରମ୍ଭରୁ ଡାକ୍ତରଖାନାରେ ବିଦ୍ୟୁତ ବିଭ୍ରାଟ ଦେଖିବାକୁ ମିଳୁଛି।  କର୍ତ୍ତୃପକ୍ଷ, ଜିଲ୍ଲା ପ୍ରଶାସନର ଦୃଷ୍ଟି ଆକର୍ଷଣ କରାଯାଇଥିଲେ ହେଁ ସମାଧାନ କରାଯାଇନାହିଁ । ରୋଗୀ କଲ୍ୟାଣ ସମିତି ବୈଠକ ବସୁଛି,  ବୈଠକରେ ସମସ୍ୟା ଉଠୁଛି କିନ୍ତୁ ସମାଧାନ ହେଉନାହିଁ। ରାଜ୍ୟ ତଥା କେନ୍ଦ୍ର ସରକାର ସ୍ବାସ୍ଥ୍ୟ ବ୍ୟବସ୍ଥା ର ଉନ୍ନତି ଦିଗରେ ଗୁରୁତ୍ବ ଦେଉଥିବା କହୁଛନ୍ତି । ଏଥି ପାଇଁ ବିପୁଳ  ଅନୁଦାନ ଦିଆଯାଉଥିବା ହାଯାଉଛି । କିନ୍ତୁ ଡୁଙ୍ଗୁରିପାଲି ଡାକ୍ତରଖାନାରେ ବତି ଗୁଲ୍ ହେବା କଥାକୁ ସହଜରେ ଗ୍ରହଣ କରାଯାଇ ପାରୁନାହିଁ। ଡାକ୍ତରଖାନା ଅନ୍ଧାରରେ ରହିବା ଯୋଗୁଁ ଚିକିତ୍ସା କ୍ଷେତ୍ରରେ ବ୍ୟାପକ ବ୍ୟାଘାତ ସୃଷ୍ଟି ହୋଇଥିଲା। ତୀର୍ଘ ସମୟ ଧରି ଚିକିତ୍ସାଧୀନ ରୋଗୀ ଚିକିତ୍ସାରୁ ବଞ୍ଚିତ ହୋଇଥିବା ଅଭିଯୋଗ ହୋଇଛି। ଠିକ୍ ସମୟରେ ସାଲାଇନ, ମେଡିସିନ ପ୍ରଦାନ କରାଯାଇ ନଥିବା ବେଳେ ଜରୁରୀ ଚିକିତ୍ସା ପାଇଁ ଆସିଥିବା ରୋଗୀଙ୍କୁ ମୋବାଇଲ ଟର୍ଚ୍ଚ ରେ ଚିକିତ୍ସା କରାଯାଇଥିବା ଅଭିଯୋଗ ହୋଇଛି । ଯଦି ୨୪ ଘଣ୍ଟିଆ ଜରୁରୀ ସରକାରୀ ସ୍ବାସ୍ଥ୍ୟ ସେବା ଅନୁଷ୍ଠାନରେ ଏଭଳି ବ୍ୟତିକ୍ରମ ଦେଖାଯାଏ ତାହେଲେ ଏଠି ଦୋଷୀ କିଏ ବୋଲି ସାଧାରଣରେ ପ୍ରଶ୍ନବାଚୀ ସୃଷ୍ଟି ହେଉଛି ।
ସୂଚନାଯୋଗ୍ୟ ଯେ,  ଡୁଙ୍ଗୁରିପାଲି ଅଞ୍ଚଳରେ ବର୍ଷା ହେବାରୁ ବିଦ୍ୟୁତ ସରବରାହ ବନ୍ଦ ରହିଛି । ସନ୍ଧ୍ୟାରୁ ବିଦ୍ୟୁତ ନଥୁବା ବେଳେ ଡାକ୍ତରଖାନାରେ ଜେନେରେଟର କେବେ ଚାଲିବ ବୋଲି ରୋଗୀ ଓ ସମ୍ପର୍କୀୟ ପ୍ରଶ୍ନ କରିଛନ୍ତି । ରାଜ୍ୟ ସରକାର ତୁରନ୍ତ ଏହାର ଆସୁ ସମାଧାନ କରିବା ପାଇଁ ଜନସାଧାରଣରେ ଦାବି ହେଉଛି।