04-Jun-2025

ନୂଆପଡ଼ା(ପରମେଶ୍ୱର ମେହେର): ଗତ ୧୫-୫-୨୦୨୫ ତାରିଖରୁ ପ୍ରାରମ୍ଭ ହୋଇଥିବା ବ୍ୟାଡମିଣ୍ଟନ ଓ ଭାରୋତ୍ତଳନ ଅଣ ଆବାସିକ ପ୍ରଶିକ୍ଷଣ ଶିବିର ଉଦଯାପିତ ହୋଇଯାଇଛି।୧୫ ଦିନ ଧରି ଚାଲିଥିବା ଏହି ପ୍ରଶିକ୍ଷଣ ଶିବିରରେ ଅଭିଜ୍ଞ ପ୍ରଶିକ୍ଷକଙ୍କ ଦ୍ଵାରା ମୋଟ ୫୮ ଜଣ କ୍ରୀଡାବିତଙ୍କୁ ବ୍ୟାଡମିଣ୍ଟନ ଓ ଭାରୋତ୍ତଳନ କ୍ରୀଡ଼ା ଉପରେ ତାଲିମ ପ୍ରଦାନ କରାଯାଇଛି । ନୂଆପଡ଼ା ସହରରେ ଥିବା ଇନ ଡୋର ଷ୍ଟାଡିୟମ୍ ଓ ଖରୀଆର ରୋଡ ରେ ଥିବା ଇନ ଡୋର ଷ୍ଟାଡିୟମରେ ପ୍ରଶିକ୍ଷଣ ଶିବିର ଆୟୋଜିତ ହୋଇଥିଲା।ଓଡ଼ିଶା ରାଜ୍ୟ କ୍ରୀଡ଼ା ଓ ଯୁବ ସେବା ବିଭାଗ ତଥା ଜିଲ୍ଲା ପ୍ରଶାସନ ନୂଆପଡ଼ାଙ୍କ ଦ୍ଵାରା ଆୟୋଜିତ ଉକ୍ତ ପ୍ରଶିକ୍ଷଣ ଶିବିରରେ  ଅଭିଜ୍ଞ ବ୍ୟାଡମିଣ୍ଟନ ଓ ଭାରୋତ୍ତଳାନ ପ୍ରଶିକ୍ଷକ ଚିନ୍ମୟ ବେହେରା, ସନ୍ତୋଷ କୁମାର ମାଟି ଓ  ଭାଗବତ ରାଉତଙ୍କ ଦ୍ଵାରା ପ୍ରଶିକ୍ଷଣ ପ୍ରଦାନ କରାଯାଇଥିଲା । ଉଦଯାପନୀ ଉତ୍ସବରେ ନୂଆପଡ଼ା ଜିଲ୍ଲାପାଳ ଶ୍ରୀଯୁକ୍ତ ମଧୁସୂଦନ ଦାଶ ମୁଖ୍ୟ ଅତିଥି ଭାବରେ ଯୋଗଦେଇ କ୍ରୀଡାବିତ୍ ମାନଙ୍କୁ ମାନପତ୍ର ପ୍ରଦାନ କରିବା ସହିତ ସେମାନଙ୍କୁ ଉତ୍ସାହିତ କରିଥିଲେ । ଜିଲ୍ଲା କ୍ରୀଡ଼ା ଅଧିକାରୀ  ରାଜେନ୍ଦ୍ର ପ୍ରସାଦ ବଢ଼ାଇଙ୍କ ପ୍ରତ୍ୟକ୍ଷ ତତ୍ତ୍ଵାବଧାନ ରେ ନୂଆପଡ଼ା ଓ ଖରୀଆର ରୋଡ ଇନଡୋର ଷ୍ଟାଡିୟମରେ ପ୍ରଶିକ୍ଷଣ ଶିବିର ଆୟୋଜିତ ହୋଇଥିଲା ।