17-May-2025

କଣ୍ଟାମାଳ(ଜୟ କୁମାର ମହାରଣା): ବୌଦ୍ଧ ବ୍ଲକ ଲଷ୍ମୀପ୍ରସାଦ ପଂଚାୟତ ଅନ୍ତର୍ଗତ ଜଗତି ସରକାରୀ ଉଚ୍ଚ ବିଦ୍ୟାଳୟ ଖେଳ ପଡିଆରେ ଗତ ୧୧ ତାରିଖରୁ ଚାଲିଥିବା   ଚତୁର୍ଥ  ଗନ୍ଧରାଢ଼ୀ  ଲୋକକଳା  ମହୋସବ ଓ ପଲ୍ଲିଶ୍ରୀ ମେଳା ରଙ୍ଗାରଙ୍ଗ କାର୍ଯ୍ୟକ୍ରମ ସହିତ ବିଳମ୍ବିତ ରାତ୍ରିରେ ଉଦଯାପିତ ହୋଇ ଯାଇଛି।   ମହୋତ୍ସବ କମିଟି ସଭାପତି ଅଶୋକ କୁମାର ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉଦଯାପନୀ  ସାଂସ୍କୃତିକ  ସଭାରେ ମୁଖ୍ୟଅତିଥି ଭାବେ ବୌଦ୍ଧ ବିଧାୟକ ତଥା ସରକାରୀ ଦଳ ମୁଖ୍ୟ ସଚେତକ ସରୋଜ କୁମାର  ପ୍ରଧାନ,ସମ୍ମାନିତ ଅତିଥି ଭାବେ  ଜିଲ୍ଲା ପରିଷଦ ସଭାପତି ପ୍ରଭାସିନୀ ଦାସ, ବୌଦ୍ଧ ଜିଲ୍ଲାପାଳ ସୁବ୍ରତ କୁମାର ପଣ୍ଡା, ଉପ ଜିଲ୍ଲାପାଳ ପ୍ରବୀଣ   ବ।ଣୁଆ, ଅତିରିକ୍ତ ଜିଲ୍ଲାପାଳ ଅନିରୁଦ୍ଧ ପ୍ରଧାନ, ଅବସରପ୍ରାପ୍ତ ପ୍ରାଧ୍ୟାପକ ଡଃ ଜ୍ୟୋତି ରଞ୍ଜନ ବହିଦାର, ବୌଦ୍ଧ ବ୍ଲକ ଅଧ୍ୟକ୍ଷ ପ୍ରତ୍ୟୁଷ ପ୍ରିୟଦର୍ଶୀ ରଥ,ଫିରିଙ୍ଗିଆ ବ୍ଲକ ଅତିରିକ୍ତ ତହସିଲଦାର ପୃଥ୍ୱୀରାଜ ମହାନନ୍ଦିଆ, ଉଦ୍ୟୋଗପତି

ନୀଳକଣ୍ଠ ମହାନ୍ତି ଯୋଗ ଦେଇ ଅଞ୍ଚଳର ବିକାଶରେ ମହୋତ୍ସବ ଜରୁରୀ, ମହୋତ୍ସବ ଲୋକକଳାକୁ ବଞ୍ଚିବାର ରାହା ଦେଖାଇବା ସହିତ କଳା ପ୍ରଦର୍ଶନର ମାଧ୍ୟମ ହୋଇଥାଏ ବୋଲି ବକ୍ତବ୍ୟରେ କହିଥିଲେ। ମହୋତ୍ସବ  କେବଳ ମନରଞ୍ଜନ ଦିଏ ନାହିଁ, ନୂତନ କଳାକାର ସୃଷ୍ଟି କରିବାରେ ସହାୟକ ହୋଇଥାଏ ବୋଲି ଅତିଥିମାନେ ତାଙ୍କ  ବକ୍ତବ୍ୟରେ କହିଥିଲେ   ।  ଉପ ସଭାପତି ମନୋରଞ୍ଜନ ପୁରୋହିତ   ଅତିଥି ପରିଚୟ  ଓ ଶମ୍ଭୁ  ଗିରି ସମ୍ପାଦକୀୟ ବିବରଣୀ ପାଠ କରିଥିଲେ  l   ଶିକ୍ଷକ ବସନ୍ତ ସାହୁ ମଞ୍ଚ ପରିଚାଳନା କରିଥିବା ବେଳେ ସହ ସମ୍ପାଦକ ସ୍ୱାଧୀନ କୁମାର ପ୍ରଧାନ    ଧନ୍ୟବାଦ ଅର୍ପଣ  କରିଥିଲେ।ଏହି ଅବସରରେ ଅତିଥିମାନଙ୍କୁ 'ଗନ୍ଧରାଡ଼ି 'ସ୍ମରଣିକା ପ୍ରଦାନ କରାଯାଇଥିଲା। ପରେ ବିଭିନ୍ନ ସାଂସ୍କୃତିକ ଦଳ ଓ ବିଭିନ୍ନ କ୍ଷେତ୍ରରେ ପାରଦର୍ଶିତା ଲାଭ କରିଥିବା ବ୍ୟକ୍ତି ବିଶେଷଙ୍କୁ ମାନପତ୍ର ଓ ଉପଢୌକନ ଦେଇ  ଅତିଥି ମାନେ ସମ୍ମାନିତ କରିଥିଲେ।ଏହି ଅବସରରେ ସ୍ଥାନୀୟ ଛାତ୍ରୀଛାତ୍ର ଓ କଳାକାରଙ୍କ ଦ୍ବାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା ।ରସ ଜାମୁଡାଲି  ସମ୍ବଲପୁରୀ ଗୀତର ତାଳେ ତାଳେ ଦର୍ଶକ ନାଚିଥିଲେ । ଲୋକ ମହୋତ୍ସବକୁ  ଆର୍କଷଣୀୟ କରିବାକୁ ମୀନାବଜାର ପଡିଥିବାବେଳେ  ବେଳେ ଦର୍ଶକ ବୁଲି ବୁଲି  ଖାଦ୍ୟ ଷ୍ଟଲର ମଜ୍ଜା ନେଇଥିଲେ ।ଜହ୍ନ।ପଙ୍କ  ସରସ୍ବତୀ ଶିଶୁ ମନ୍ଦିର, ଜହ୍ନପଙ୍କ ସରକାରୀ ଉଚ୍ଚ ବିଦ୍ୟାଳୟ, ଜଗତି ସରକାରୀ ଉଚ୍ଚ ବିଦ୍ୟାଳୟ, କମିରା ଉଚ୍ଚ ପ୍ରାଥମିକ ବିଦ୍ୟାଳୟ, ଲଷ୍ମୀପ୍ରସାଦ ଉଚ୍ଚ ପ୍ରାଥମିକ ବିଦ୍ୟାଳୟ, ଓଡିଶା ଷ୍ଟେଟ ବ୍ରିଗେଡ ସ୍କୁଲ ର ଛାତ୍ର ଛାତ୍ରୀ ସହିତ ଗେହ୍ଲା ମା  କଳାନିକେତନ ଓ ପ୍ରଣାମ  ବୌଦ୍ଧ  ମଧ୍ୟରାତ୍ରି ପର୍ଯ୍ୟନ୍ତ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ।ସାଂସ୍କୃତିକ ମଞ୍ଚକୁ ଜଗନ୍ନାଥ ସାହୁ,ସୁରେନ୍ଦ୍ର କର୍ଣ୍ଣ, ଶ୍ରଦ୍ଧାଞ୍ଜଳି ସାହୁ  ଓ ସିମରନ ମହାପାତ୍ର  ପରିଚାଳନା କରିଥିଲେ ।ପ୍ରତିକୂଳ ପାଗ ସତ୍ୱେ କାର୍ଯ୍ୟକ୍ରମକୁ ହଜାର ହଜାର ଦର୍ଶକ ମଧ୍ୟରାତ୍ରି ପର୍ଯ୍ୟନ୍ତ ଉପଭୋଗ

କରିଥିଲେ।ସାଂସ୍କୃତିକ କାର୍ଯ୍ୟକ୍ରମକୁ ଶିକ୍ଷକ ଶବର ସେଠି, ସଂଗୀତ ନିର୍ଦେଶକ ବ୍ରହ୍ମା କୁମ୍ଭାର ଓ ସାଥି ପାଞ୍ଚଦିନ ଧରି ଚାଲିଥିବା ଏହି ମହୋତ୍ସବରେ ଉପ ସଭାପତି ବିଦ୍ୟାଧର ସ୍ୱାଇଁ, ପ୍ରଭାତ ପ୍ରଧାନ, ମନୋଜ ଗୁରୁ, ଆଦି ଜେନା, ଅକ୍ଷୟ କୁମାର ସ୍ୱାଇଁ, ଅଭେଦା କଲତା, ଜୟଦେବ କଲତା, ସ୍ଵପ୍ନେଶ୍ଵର ମହାନ୍ତି, ମୋହନ କୁମାର ସାହୁ, ଅର୍ଥ କମିଟିର ଅଧ୍ୟକ୍ଷ ଗଜେନ୍ଦ୍ର ବାରିକ, ପ୍ରଚାର ପ୍ରସାର କମିଟିର ଅଧ୍ୟକ୍ଷ ସୁଧାଂଶୁ ଶେଖର ମିଶ୍ର, ଜଗତି ଗ୍ରାମବାସୀ ସମେତ ଆଖ ପାଖ ଅଞ୍ଚଳବାସୀ ସହଯୋଗ କରିଥିଲେ।