29-Mar-2025

ସିନାପାଲି (ଚିନ୍ତାମଣି  ନେତାମ )
ନୂଆପଡ଼ା ଜିଲ୍ଲା ବୋଡେ଼ନ ବ୍ଲକ ସରକାରୀ  ଉଚ୍ଚ ପ୍ରାଥମିକ ବିଦ୍ୟାଳୟ ଧରଣୀମାଲ ୨୦୨୪/୨୫ର ଶିକ୍ଷାବର୍ଷ ପାଇଁ ବାର୍ଷିକ ଉତ୍ସବ ସ୍କୁଲ୍ ପରିସରରେ ଅନୁଷ୍ଠିତ ହୋଇଯାଇଛି l ଏଥିରେ ପ୍ରଧାନ ଶିକ୍ଷକ ଶ୍ରୀଯୁକ୍ତ ଚଣ୍ଡିରାମ ବାଗଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉତ୍ସବରେ
 ମୁଖ୍ୟ ଅତିଥି ଭାବରେଅବସର ପ୍ରାପ୍ତ ଶିକ୍ଷକ ଶ୍ରୀଯୁକ୍ତ  ହୃଷିକେଶ କଟା,  ସମ୍ମାନିତ ଅତିଥିଭାବରେ 
ଧରଣୀମାଳ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀଯୁକ୍ତ  ଲିଙ୍ଗରାଜ କଟା, ବିଦ୍ୟାଳୟ ପରିଚାଳନା କମିଟିର ସଭାପତି ଶ୍ରୀଯୁକ୍ତ ମହେନ୍ଦ୍ର ଭୋଇ, ୱାର୍ଡମେମ୍ବର ଶ୍ରୀଯୁକ୍ତ ସୋନୁ କୁମାର ସିଂ ଓ ସିନାପାଲି ବ୍ଲକ ପ୍ରତିନିଧି ସାମ୍ବାଦିକ ଶ୍ରୀଯୁକ୍ତ ଚିନ୍ତାମଣି ନେତାମ ମଞ୍ଚାସିନ ଥିଲେ  l  ପ୍ରାରମ୍ଭରେ ସହ ଶିକ୍ଷକ ଶ୍ରୀଯୁକ୍ତ ହେମନ୍ତ କୁମାର ସତନାମୀ  ସମସ୍ତ ଙ୍କୁ  ସ୍ୱାଗତ କରିବାସହ  ପରିଚୟ ପ୍ରଦାନ କରିଥିଲେ  l  ଛାତ୍ରଛାତ୍ରୀ ଓ ସହକାରୀ ଶିକ୍ଷୟିତ୍ରୀଗଣ  ଅତିଥି ମାନଙ୍କୁ  ଫୁଲ ଚନ୍ଦନ ଓ  ଓପଢୌକନ  ଦେଇ  ସମ୍ମର୍ଦ୍ଧିତ  କରିଥିଲେ  l ପରେ ଅତିଥିଗଣ ଦ୍ୱାରା  ଦେବ ପୂଜନ ହେଲାପରେ ସଭାକାର୍ଯ୍ୟ ଆରମ୍ଭ କରାଯାଇଥିଲା  l ଶିକ୍ଷା ହିଁ ଏକ ସୁସ୍ଥ ସମାଜ ଗଠନର ମୂଳ ଆଧାର  l ତେଣୁ ଶିକ୍ଷା ମାଧ୍ୟମରେ ସମାଜକୁ ଆଗେଇ ନିଆଯାଇ ପାରିବବୋଲି ଏ ଅବସରରେ ଅତିଥିମାନେ ସାମୁହିକ ମତବ୍ୟକ୍ତ କରିଥିଲେ   l
 ପ୍ରଧାନ ଶିକ୍ଷକ ଶ୍ରୀଯୁକ୍ତ  ଚଣ୍ଡୀରାମ ବାଗ ବାର୍ଷିକ ବିବରଣୀ ପଠନ କରିଥିବା ବେଳେ 
ସହ ଶିକ୍ଷକ  ହେମନ୍ତ କୁମାର ଶତନାମୀ ମଞ୍ଚ ପରିଚାଳନା କରିଥିଲେ, l  ଛାତ୍ରଛାତ୍ରୀ ମାନେ ସାଂସ୍କୃତିକ କାର୍ଯ୍ୟକ୍ରମରେ ଭାଗ ନେଇ ନୃତ୍ୟ ପରିବେଷଣ କରିଥିଲେ l ପରେ ପୁରସ୍କାର ବିତରଣ ଉତ୍ସବରେ କୃତି ଛାତ୍ର, ଛାତ୍ରୀ ମାନଙ୍କୁ ପୁରସ୍କୃତ କରାଯାଇଥିଲା l ଶେଷରେ ସହ ଶିକ୍ଷୟିତ୍ରୀ  ଅଞ୍ଜଳି ଦୁବେ ଧନ୍ୟବାଦ୍ ଅର୍ପଣ କରିଥିଲେ l ସହ ଶିକ୍ଷକ ଭାନୁପ୍ରକାଶ ଜଗତ,  ଶିକ୍ଷକ କୃଷ୍ଣ ଚନ୍ଦ୍ର ମାଝୀ, ସହ ଶିକ୍ଷୟିତ୍ରୀ  ଅମିତା ସୀ ଓ ସ୍କୁଲ ପରିଚାଳନା କମିଟିର ପ୍ରମୁଖ ସଦସ୍ୟ   ସହଯୋଗ କରିଥିଲେ l