15-Feb-2025

ବଲାଙ୍ଗୀର(ପ୍ରେରଣାଖବର): ସ୍ଥାନୀୟ ପିପି ଏକାଡେମୀ ର ସଭାଗୃହଠାରେ ଜିଲ୍ଲା ଜୁନିୟର ରେଡକ୍ରସ ପରାମର୍ଶଦାତାଙ୍କ ଏକଦିବସୀୟ ପ୍ରଶିକ୍ଷଣ କାର୍ଯ୍ଯକ୍ରମ ଅନୁଷ୍ଠିତ ହୋଇଯାଇଛି। ବିଦ୍ୟାଳୟର ଭାରପ୍ରାପ୍ତ ପ୍ରଧାନ ଶିକ୍ଷୟିତ୍ରୀ ଅଂଶୁପା ଭୋଇଙ୍କ ସଭାପତିତ୍ବରେ ଅନୁଷ୍ଠିତ ପ୍ରଥମ ଅଧିବେଶନର କାର୍ଯ୍ଯକ୍ରମ ରେ ମୁଖ୍ଯଅତିଥି ଭାବେ ଜିଲ୍ଲା ଶିକ୍ଷା ଅଧିକାରୀ ପ୍ରଦୀପ କୁମାର ନାଗ ଯୋଗଦେଇ ରେଡକ୍ରସ ଆନ୍ଦୋଳନର ନୀତି ଓ ଆଦର୍ଶକୁ ସମସ୍ତଙ୍କ ପାଖରେ ପହଞ୍ଚାଇବା ଓ ସମସ୍ତଙ୍କ ପାଇଁ ମାନବୀୟ କାର୍ଯ୍ଯକୁ ପ୍ରାଥମିକତା ଦେବା ବୋଲି କହିବା ସହ ଉତ୍ସାହର ସହ କାର୍ଯ୍ଯ କଲେ ଯେ କୌଣସି କ୍ଷେତ୍ରରେ ସଫଳତା ମିଳେ ବୋଲି କହିଥିଲେ। ଜିଲ୍ଲା ଶାରୀରିକ ଶିକ୍ଷା ଅଧିକାରୀ ପ୍ରଦୀପ

ପାତ୍ର ନିଜ ବକ୍ତବ୍ଯରେ ଦେଶର ସମସ୍ତ ବିପର୍ଯ୍ୟୟରେ ରେଡକ୍ରସର ସ୍ବେଚ୍ଛାସେବୀମାନେ ଯେଉଁ ସେବା ମନୋଭାବ ନେଇ କାମ କରୁଛନ୍ତି ତାହା ପ୍ରଶଂସା ଯୋଗ୍ୟ ବୋଲି କହିବା ସହ ସମସ୍ତ ପରାମର୍ଶଦାତାଙ୍କୁ ପ୍ରତିଟି କାର୍ଯ୍ଯକୁ ହୃଦୟର ସହ କରିବା ପାଇଁ ମାର୍ଗଦର୍ଶନ ଦେଇଥିଲେ। ଜେଆରସିଓ ବିକାଶ ରଂଜନ ସାହୁ କାର୍ଯ୍ଯକ୍ରମର ଲକ୍ଷ୍ୟ ଓ ଉଦ୍ଦେଶ୍ଯ ସଂପର୍କରେ କହିଥିଲେ। କାର୍ଯ୍ଯକ୍ରମର ଦ୍ବିତୀୟ ଅଧିବେଶନରେ ଆହତ ବ୍ୟକ୍ତିକୁ କିଭଳି ପ୍ରାଥମିକ ଚିକିତ୍ସା ଦିଆଯିବ,ବିଦ୍ୟାଳୟ ଗୁଡ଼ିକରେ ଜେଆରସି ୟୁନିଟ ଗଠନ ଓ ସଡକ ସୁରକ୍ଷା  ସଂପର୍କରେ ବିସ୍ତୃତ ଭାବେ ସାଧନକର୍ମୀ ରଶ୍ମିରାଣୀ ଦାଶ ଓ

ପୂର୍ଣ୍ଣଚନ୍ଦ୍ର ତ୍ରିପାଠୀ କହିଥିଲେ। ସାଧନକର୍ମୀ ପ୍ରସନ୍ନ ଗଡତ୍ଯା ଏଡ୍ସ ରୋଗ ବିଷୟରେ ସମସ୍ତ ପରାମର୍ଶଦାତାଙ୍କୁ ଅବଗତ କରାଇଥିଲେ। ଜିିଲ୍ଳାର ଆଗଲପୁର, ଲୋଇସିଂହା, ପୁଇଁତଳା,ଦେଓଗାଁ,ଗୁଡଭେଲା ଓ ସଦରବ୍ଲକ ରୁ ୧୦୦ରୁ ଊର୍ଦ୍ଧ୍ବ ଜୁୁୁନିୟର ରେଡକ୍ରସ ପରାମର୍ଶଦାତା ଏହି ପ୍ରଶିକ୍ଷଣ କାର୍ଯ୍ୟକ୍ରମ ରେ ଯୋଗ ଦେଇଥିଲେ। ଶେଷରେ ମିଥୁନ କୁଅଁର ଧନ୍ୟବାଦ ଅର୍ପଣ କରିଥିଲେ।