12-Feb-2025

ବରଗଡ଼:(ନିରଞ୍ଜନ ତ୍ରିପାଠୀ)-ପବିତ୍ର କୁମ୍ଭ ସଂକ୍ରାନ୍ତି ଅବସରରେ ବରଗଡ଼ ଜିଲ୍ଲା ବିଜେପୁର ବ୍ଲକ୍ ଅନ୍ତର୍ଗତ ଗ୍ରାମ ପହଣ୍ଡି ଜଗନ୍ନାଥ ମନ୍ଦିର ପ୍ରତିବର୍ଷ ପରି ଚଳିତବର୍ଷ ମଧ୍ଯ ଗୀତାଯଜ୍ଞ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏଥିରେ ଗ୍ରାମ ତଥା ପାଖଆଖର ଶତାଧିକ ଧର୍ମ ପିପାସୁ ପୁରୁଷମହିଳା ଯୋଗଦାନ କରିଥିଲେ। ଶ୍ରୀମାନ୍ ଅକ୍ଷୟ କୁମାର ସାହୁ ଓ ତାଙ୍କ ଧର୍ମପତ୍ନୀ ଶ୍ରୀମତୀ ଲୋପାମୁଦ୍ରା ସାହୁ କର୍ତ୍ତା ଦାୟିତ୍ବ ତୁଳାଇଥିବା ବେଳେ ପଣ୍ଡିତ ନରେନ୍ଦ୍ର କୁମାର ଦାଶ ଏବଂ ପଣ୍ଡିତ ନରେନ୍ଦ୍ର ପଣ୍ଡା ପୁରୋହିତ କାର୍ଯ୍ଯ କରିଥିଲେ। ଯୋଖିପାଲି ମଠାଧୀଶ ଶ୍ରୀ ଶ୍ରୀ ସୁରେଶ୍ବରାନନ୍ଦ ବାଳହଂସ ଜୀ ମହାରାଜଙ୍କ ମାର୍ଗଦର୍ଶନରେ ଗୀତାଶ୍ଳୋକ ଆବୃତ୍ତି ସହିତ ଯଜ୍ଞରେ ଘୃତାହୂତି ପ୍ରଦାନ କରାଯାଇଥିଲା। ଉପଦେଷ୍ଟା ଶ୍ରୀଯୁକ୍ତ ପବିତ୍ର ଚରଣ ଦାଶଙ୍କ ସହିତ ଅନନ୍ତ କୁମାର ସାହୁ, ରାଧେଶ୍ୟାମ ସାହୁ, ପ୍ରମୋଦ କୁମାର ସାହୁ, ଡୋଳାମଣି ସାହୁ, ଜନ୍ମ ସାହୁ, ଦୁର୍ବାଦଳ ପଟେଲ,ପ୍ରଶାନ୍ତ ପଧାନ ପ୍ରଭୃତି କମିଟୀ ସଭ୍ଯଗଣ ସହଯୋଗ କରିଥିଲେ ।