03-Feb-2025

ଧର୍ମଗଡ଼(ଜ୍ୟୋତିରଞ୍ଜନ ବେମାଲ ) କଳାହାଣ୍ଡି ଜିଲ୍ଲା ଧର୍ମଗଡ଼ ବ୍ଲକ ଅନ୍ତର୍ଗତ ପର୍ଲା ସ୍ଥିତ ସରସ୍ୱତୀ ଶିଶୁ ବିଦ୍ୟା ମନ୍ଦିର ର ବାର୍ଷିକ ଉତ୍ସବ ସହ ନୂତନ ଶ୍ରେଣୀ ଗୃହ ର ଉଦଘାଟନ ହୋଇଯାଇଛି।ଆଜି ମାଆ ବିଦ୍ୟାଧାତ୍ରୀ ସରସ୍ୱତୀ ପୂଜା।ପ୍ରତ୍ୟେକ ଶିକ୍ଷା ଅନୁଷ୍ଠାନ ମାନଙ୍କରେ ଦେବୀଙ୍କ ପୂଜା ଆଡମ୍ବ ସହ ପାଳିତ ହୋଇଛି।ଏହି ପରିପେକ୍ଷିରେ ପର୍ଲା ସରସ୍ବତୀ ଶିଶୁ ବିଦ୍ୟା ମନ୍ଦିରରେ ପୂଜାର୍ଚ୍ଚନା ହୋଇଯାଇଛି।ଏଥିସହ ବିଦ୍ୟାଳୟ ୧୫ତମ ବାର୍ଷିକ ଉତ୍ସବ ଅନୁଷ୍ଠିତ ହୋଇଥିବା ବେଳେ ମୁଖ୍ୟ ଅତିଥି ଭାବେ ଧର୍ମଗଡ଼ ବିଧାୟକ ସୁଧୀର ରଞ୍ଜନ ପଟ୍ଟଯୋଶୀ ଯୋଗ ଦେଇ ଛାତ୍ରଛାତ୍ରୀ ଙ୍କୁ ଉସ୍ଛାହିତ କରିଥିଲେ।ସର୍ବ ପ୍ରଥମେ ମାଆ  ବିଦ୍ୟାଧାତ୍ରୀ ସରସ୍ୱତୀ ଙ୍କ ପୂଜାର୍ଚ୍ଚନାରେ ସାମିଲ ହୋଇ ଆଶୀର୍ବାଦ ଭିକ୍ଷା କରିଥିଲେ ଓ ନୂତନ ବିଦ୍ୟାଳୟ ଶ୍ରେଣୀ ଗୃହ କୁ ଉଦଘାଟନ କରିଥିଲେ।କୋମଳ ଶିଶୁ ମାନଙ୍କୁ କୌଣସି ଚାପ ନ ଦେଇ ମାନସିକ ସ୍ତରରେ ସରଳ ଶିକ୍ଷା ପ୍ରଦାନ କରିବା ସମେତ ଚରିତ୍ର ଗଠନ ପ୍ରତି ଧ୍ୟାନ ଦେବା ଆବଶ୍ୟକ ବୋଲି ଅଭିଭାଷଣ ପ୍ରଦାନ କରିଥିଲେ।ସମ୍ମାନୀୟ ଅତିଥି ଭାବେ ଧର୍ମଗଡ଼ ଗୋଷ୍ଠୀ ଶିକ୍ଷା ଅଧିକାରୀ-ପଙ୍କଜିନି ମାଝୀ,ଅବସର ପ୍ରାପ୍ତ କିରାଣୀ ସୁଶାନ୍ତ ଦାସ,ଅନନ୍ତ ପ୍ରାସାଦ ଦାସ ଉଚ୍ଚ ବିଦ୍ୟାଳୟ ପ୍ରଧାନ ଶିକ୍ଷୟିତ୍ରୀ ମନୋରମା ତ୍ରିପାଠୀ, ଅବସର ଶିକ୍ଷକହେତୁରାମ ମେହେର ପ୍ରମୁଖ ଯୋଗ ଦେଇଥିବା ବେଳେ ବିଦ୍ୟାଳୟ ର ସଭାପତି ହୃଷିକେଶ ସାହୁ ସଭାର ସଭାପତିତ୍ୱ କରିଥିଲେ। କାର୍ଯ୍ୟକ୍ରମ କୁ ବିଦ୍ୟାଳୟ ର ପ୍ରଧାନ ଆଚାର୍ଯ୍ୟ ସୁଧୀର ଗୋପାଳ ପରିଚାଳନା କରିଥିବାବେଳେ   ଗୁରୁମା -  ଦୀପାଞ୍ଜଳିବାରିକ,ସସ୍ମିତା ଦାସ,ସୁଶ୍ରୀ ବର୍ଷା ବାରିକ,ଭାଗ୍ୟଶ୍ରୀ ଖମାରି,ଗୁରୁଜୀ-ଜ୍ୟୋତିରଞ୍ଜନ ଗୋପାଳ, ମୁରଲୀଧର ସାହୁ ପ୍ରମୁଖ ସହଯୋଗ କରିଥିଲେ।ପରିଶେଷରେ ଛାତ୍ରଛାତ୍ରୀ ମାନଙ୍କ ମଧ୍ୟରେ ହୋଇଥିବା ନାନା ପ୍ରକାର ପ୍ରତିଯୋଗିତା ଉର୍ଣ୍ଣିତ ଯୋଗ୍ୟ ଛାତ୍ରଛାତ୍ରୀ ଙ୍କୁ ପୁରସ୍କାର ବିତରଣ କରାଯାଇଛି।ବିଦ୍ୟାଳୟ ଛାତ୍ରଛାତ୍ରୀ ଙ୍କ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।କାର୍ଯ୍ୟକ୍ରମ ରେ ବିଦ୍ୟାଳୟ ସମସ୍ତ ଛାତ୍ରଛାତ୍ରୀ ,ଅବିଭାବକ ଓ ଗ୍ରାମବାସୀ ଉପସ୍ଥିତ ରହିଥିଲେ।