07-Jan-2025

ବରଗଡ:(ନିରଞ୍ଜନ ତ୍ରିପାଠୀ)-ବରଗଡ ଜିଲ୍ଲା ପଦ୍ମପୁର ବ୍ଲକ ଅନ୍ତର୍ଗତ ବୁଡେନ ଗ୍ରାମପଞ୍ଚାୟତ ସ୍ତରୀୟ ଗନ୍ଧମାର୍ଦ୍ଦନ ସୁରକ୍ଷା ଯୁବ ପରିଷଦର ଆହ୍ୱାନ କ୍ରମେ ଏକ ବଡଧରଣ ସଭା ଅନୁଷ୍ଠିତ ହୋଇଯାଇଛି। ଏହି ଗ୍ରାମ ପଞ୍ଚାୟତରେ ଯାଉଥିବା ୧୨ ଟି ଗ୍ରାମର ଲୋକେ ଏହି ସଭାରେ ସାମିଲ ହୋଇଥିଲେ। ଗନ୍ଧମାର୍ଦ୍ଦନ ସୁରକ୍ଷା ଯୁବ ପରିଷଦ, ପଦ୍ମପୁର ଶାଖାର ଆବାହକ ଶ୍ରୀ ଭାସ୍କର ମହାନନ୍ଦ ଙ୍କ ରଣ ହୁଙ୍କାରକୁ ଉପସ୍ଥିତ ସମସ୍ତ ଗ୍ରାମର ଅଧିବାସୀ ବିପୁଳ ମାତ୍ରରେ ସମର୍ଥକ ଜଣାଇଥିଲେ। ଏହି ସଭାରେ ବୁଡେନ ପଞ୍ଚାୟତର ୧୨ ଗୋଟି ଗ୍ରାମ ବ୍ୟତୀତ ବଲାଙ୍ଗିର ଜିଲ୍ଲା ପାଟଣାଗଡ଼, ଖପ୍ରାଖୋଲରୁ ମଧ୍ୟ ଅନେକ ସଂଗ୍ରାମୀ ଆସି ଏହି ସଭାରେ ସାମିଲ ହେବା ଦେଖିବାକୁ ମିଳିଥିଲା। ଆସନ୍ତା ତା ୧୨.୦୧.୨୦୨୫ ରିଖ ରବିବାର ଦିନ ହେବାକୁ ଥିବା ମହା ସମାବେଶ ରେ ବିପୁଳ ସଂଖ୍ୟାରେ ଯୋଗଦାନ କରିବାକୁ ଏଠାରେ ସମର୍ଥନ ଦେଖିବାକୁ ମିଳିଛି।ଏହି ସଭାରେ ରାଜବୋଡାସମ୍ବର ବ୍ଲକ ଅଧ୍ୟକ୍ଷ ଶ୍ରୀ ରଣଜିତ ସିଂ ବରିହା, ପାଟଣାଗଡ଼ରୁ ସୁଶିଲ ନାୟକ,ମାଣ୍ଡୋସିଲିର ଗିରିଶ ଡନସନା, ଠାକୁର ପଣ୍ଡା, ଜଳନ୍ଧର ତାଣ୍ଡି, ଜୟନ୍ତ କୁମାର ପାଣିଗ୍ରାହୀ ପ୍ରମୁଖ ନେତୃସ୍ଥାନୀୟ ବ୍ୟକ୍ତିମାନେ ଯୋଗଦାନ କରି ଆଗାମୀ ଦିନର କାର୍ଯ୍ୟପନ୍ଥା ଉପରେ ବିଶଦ ଭାବରେ ଆଲୋଚନା କରିଥିଲେ। ଆଗାମୀ ଦିନରେ ଆଦାନୀ ହଟାଓ, ଗନ୍ଧମାର୍ଦ୍ଦନ ବଚାଓ ସ୍ଲୋଗାନରେ ସଭାସ୍ଥଳ ପ୍ରକମ୍ପିତ ହୋଇ ଉଠିଥିଲା।ଶେଷରେ ଗନ୍ଧମାର୍ଦ୍ଦନ ସୁରକ୍ଷା ଯୁବ ପରିଷଦର ପୂର୍ବତନ ଆବାହକ ରାଜକୁମାର ସେଠ ଧନ୍ୟବାଦ ଅର୍ପଣ କରିଥିଲେ।