07-Jan-2025

ନାକଟିଦେଉଳ(କନ୍ଦର୍ପ ବେହେରା): ଗ୍ରାମାଞ୍ଚଳ ର ସେବା କରିବା, ଜନସାଧାରଣ ଙ୍କର ଦୁଃଖ ସୁଖର ସାଥି ହେବା ପାଇଁ ଜନ ପ୍ରତିନିଧି ମାନେ ନିର୍ବାଚିତ ହୋଇ ଛନ୍ତି l ହେଲେ ଲୋକଙ୍କ ସେବା ବଦଳରେ ଠିକା କାମରେ ବ୍ୟସ୍ତ ଏଇ ନେତା ମାନେ l ପଂଚାୟତ ରେ ଲୋକ ଙ୍କର ଦୁଃଖ କଣ ବୁଝିବେ ପ୍ରାୟ ସମୟ ବ୍ଲକ ଅଫିସ ରେ ଠିକା କାମରେ ବିଲ ପାଇଁ ବିଡ଼ିଓ ଙ୍କ ପାଖରେ ଘଣ୍ଟା ଘଣ୍ଟା ଧରି ବସି ରହିବା ଏପରିକି ବଡ ବାବୁଙ୍କ ଠାରୁ ଆରମ୍ଭ କରି ବ୍ଲକ ଅଧ୍ୟକ୍ଷା ପର୍ଯ୍ୟନ୍ତ ଦୌଡୁଥିବା ଦେଖିବାକୁ ମିଳୁଛି l
ପ୍ରାୟ ସମୟ ଏଇ ନେତା ମାନେ ବିଡ଼ିଓ ଙ୍କ ପାଖରେ ବସି ରହୁଥିବାରୁ ସାଧାରଣ ଜନତା ନିଜ ନିଜ ର ଅଭିଯୋଗ ବିଡ଼ିଓ ଙ୍କ ପାଖରେ ଦାଖଲ କରି ପାରୁ ନାହାନ୍ତି l
ଏପରିକି ଜେଇ ମାନଙ୍କୁ ହାତ ବାରିଷି କରି ମନ ଇଛା କାମର ଲେଆଉଟ ଦେଉ ଥିବା ଜଣା ପଡିଛି l ଏଇ ସବୁ କାମ ପାଇଁ ଦଳ ଦଳ ମଧ୍ୟରେ ମଧ୍ୟ ବଚଷା ହେଉଛି l ବ୍ଲକରେ ଜୋର ଯାର ମୁଲକ ତାର ନୀତିରେ ନେତା ମାନେ କାମ କରୁଛନ୍ତି l ଜନ ନେତା ମାନଙ୍କ ଛଡା ଅନ୍ୟ କୌଣସି ବ୍ୟକ୍ତି ଠିକା କାମ କରି ପାରୁନାହାନ୍ତି l ଯଦି ବି ଅନ୍ୟ କେହି କାମ କଲା ସେ ବିଲ ପାଇବାକୁ ବର୍ଷ ବର୍ଷ ଲାଗୁଛି l ଏପରିକି ସେଇ ବ୍ୟକ୍ତି କୁ ହଇରାଣ କରୁଛନ୍ତି ଜେଇ ମାନଙ୍କୁ ନିଜ ଅକ୍ତିଆର ରେ ରଖି l ଜେଇ ମହାଶୟ ମାନେ ହଇରାଣ ମଧ୍ୟ କରୁଛନ୍ତି l ଜନ ନେତା ମାନେ ଠିକା କାମ କଲେ ବିଲ ପାଇବାରେ କୌଣସି ଅସୁବିଧା ହେଉ ନାହିଁ l ବ୍ଲକ ଅଫିସରେ ମାସର ସବୁ ସମୟରେ ଏଇ ଜନ ପ୍ରତି ନିଧି ମାନଙ୍କର ଅଡ୍ଡା ଜମୁଥିବାରୁ ସାଧାରଣ ଜନତା ଅସୁବିଧା ର ସମ୍ମୁଖୀନ ହେଉ ଛନ୍ତି l