11-Nov-2024

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ସୋହେଲା ବ୍ଲକ ଅନ୍ତର୍ଗତ କନଗାଁ ଉଚ୍ଚ ପ୍ରାଥମିକ ବିଦ୍ୟାଳୟରେ ବିଦ୍ୟାଳୟସ୍ତରୀୟ ବିଜ୍ଞାନ ମେଳା ଅନୁଷ୍ଠିତ ହୋଇ ଯାଇଛି । ଭାରପ୍ରାପ୍ତ ପ୍ରଧାନ ଶିକ୍ଷକ ଶିଶିର ନାୟକଙ୍କ ସଭାପତିତ୍ବରେ ଅନୁଷ୍ଠିତ କାର୍ଯ୍ୟକ୍ରମ ରେ କନଗାଁ ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷକ ଡୋଲାମଣୀ ସାହୁ, ବିଜ୍ଞାନ ଶିକ୍ଷକ ଚିନ୍ତାମଣୀ ପାତ୍ର ଏବଂ  ସି ଆର ସି ସି କେଦାରନାଥ ସାହୁ ଯୋଗ ଦେଇ ଥିଲେ । ଏହି ମେଳାରେ ବିଦ୍ୟାଳୟର ତିରିଶ ଜଣ ଛାତ୍ରଛାତ୍ରୀ ବିଭିନ୍ନ ପ୍ରକଳ୍ପ ପ୍ରଦର୍ଶନ କରିଥିଲେ । ବିଦ୍ୟାଳୟର ଶିକ୍ଷକ ପିଣ୍ଟୁ ବାରିକ ଏବଂ ମମତା ପଧାନ ବିଚାରକ ଦାୟିତ୍ବ ନିର୍ବାହ କରିଥିଲେ ।  ଶିକ୍ଷକ ପ୍ରଫୁଲ୍ଲ କୁମାର ପଣ୍ଡା କାର୍ଯ୍ୟକ୍ରମ ସଂଯୋଜନା କରିଥିଲେ ।

ସଭା ପ୍ରାରମ୍ଭରେ ଅତିଥିମାନେ ଜାତୀୟ ଶିକ୍ଷା ଦିବସ ଅବସରରେ ଦେଶର ପ୍ରଥମ ଶିକ୍ଷାମନ୍ତ୍ରୀ ସ୍ବର୍ଗତ ମୌଲାନା ଆବୁଲ କଲାମ ଆଜାଦଙ୍କ ଫଟୋଚିତ୍ର ସମ୍ମୁଖରେ  ଦୀପ ପ୍ରଜ୍ବଳନ କରିଥିଲେ। କ୍ଲଷ୍ଟରର ଅଧିନସ୍ଥ ବିଭିନ୍ନ ବିଦ୍ୟାଳୟରୁ  ତୁଷାରକାନ୍ତ ସାହୁ, ସଂଜୀବ କୁମାର ପଧାନ, ସୁରେନ୍ଦ୍ର ବୁଧିଆ, ବିଜୟା ମଗ୍ରୀ, ହେମଚନ୍ଦ୍ର ବେହେରା, ମଙ୍ଗଳ ପଧାନ, ଗଣେଶରାମ ଦିଶ୍ରୀ ପ୍ରମୁଖ ଶିକ୍ଷକ ଶିକ୍ଷୟିତ୍ରୀଙ୍କ ସହ ଅଭିଭାବକ ଯୋଗଦେଇ ଛାତ୍ରଛାତ୍ରୀଙ୍କୁ ଉତ୍ସାହିତ କରିଥିଲେ ।