03-Nov-2024

(ଡୋଲେଶ୍ଵସର  ବାଗ )
 ନୂଆପଡ଼ା ଜିଲ୍ଲା ସିନାପାଲି ଶିକ୍ଷା ବିଭାଗ ତରଫରୁ ନବ ନିଯୁକ୍ତ କନିଷ୍ଠ ଶିକ୍ଷକ ଶିକ୍ଷୟିତ୍ରୀଙ୍କୁ ଶନିବାର ସ୍ବାଗତ କରାଯାଇଛି। ଶିକ୍ଷାଧିକାରୀ ଯତିନ୍ଦ୍ର କୁମାର ସେଠ ଅଧ୍ଯକ୍ଷତାର ଏନେଇ ସ୍ଥାନୀୟ ନିଲଜୀ ଉଚ୍ଚ ପ୍ରାଥମିକ ବିଦ୍ଯାଳୟ ଠାରେ ଅନୁଷ୍ଠିତ ସ୍ବାଗତ ସଭାରେ ମୁଖ୍ଯ ଅତିଥି ଭାବରେ ଏବିଇଓ ପ୍ରଦୀପ କୁମାର ପଣ୍ତା ଓ ସମ୍ମାନିତ ଅତିଥି ଭାବରେ ବିଭାଗୀୟ ସେକ୍ସନ୍ ଅଫିସର କମଳ ଚରଣ ମାଝୀ, ବରିଷ୍ଠ ଶିକ୍ଷକ ସତ୍ଯବ୍ରତ ଗହୀର, ବ୍ଲକ ପ୍ରାଥମିକ ଶିକ୍ଷକ ସଂଘ ସଭାପତି ପ୍ରସନ୍ନ କୁମାର ମାଝୀ ଯୋଗଦେଇ ଉପସ୍ଥିତ ଶିକ୍ଷକଙ୍କୁ ମାର୍ଗଦର୍ଶନ କରିଥିଲେ ା ପ୍ରାରମ୍ଭରେ ନିଲଜୀ ସିଆରସିସି ରାକେଶ ମିଶ୍ର ସମସ୍ତଙ୍କୁ ସ୍ବାଗତ କରିଥିବା ବେଳେ ବ୍ରାହ୍ମଣୀଗୁଡ଼ା ସିଆରସିସି ଖଗେଶ୍ୱର ନିଆଲ ସଭା ପରିଚାଳନା କରିଥିଲେ ା ଏହା ପରେ ନବନିଯୁକ୍ତ ଶିକ୍ଷକଶିକ୍ଷୟିତ୍ରୀ ନିଜନିଜ ପରିଚୟ ପ୍ରଦାନ କରିଥିବା ବେଳେ ସେମାନଙ୍କୁ ଶିକ୍ଷା ବିଭାଗ ତରଫରୁ ସ୍ୱାଗତ କରାଯାଇଥିଲା। ଦ୍ୱିତୀୟ ପର୍ଯ୍ଯାୟ ବୈଠକରେ ସିଆରସିସି ମହେଶ୍ୱର ଗୁଆଲ, କ୍ଷିରସିନ୍ଦୁ ମେହେର ଓ ଖଗେଶ୍ୱର ନିଆଲ ଶିକ୍ଷାବିଭାଗର ବିଭିନ୍ନ ନୀତିନିୟମ ବିଷୟରେ ଅବଗତ କରାଇଥିଲେ। କାର୍ଯ୍ଯକ୍ରମରେ ସିନାପାଲି ବ୍ଲକର ନବନିଯୁକ୍ତ ସମସ୍ତ ଶିକ୍ଷକଶିକ୍ଷୟିତ୍ରୀ ଉପସ୍ଥିତ ଥିଲେ।