03-Nov-2024

ବଲାଙ୍ଗୀର(ମଳୟ ମିଶ୍ରଙ୍କ ରିପୋର୍ଟ) ବଲାଙ୍ଗୀର ବନଖଣ୍ଡର ଲଗାତାର ତିନୋଟି ବଣୁଆ ଦନାହାତୀ ହତ୍ୟା ଘଟଣା ଚାଞ୍ଚଲ୍ଯ ସୃଷ୍ଟିଛି । ସେହିଦିନ ବଲାଙ୍ଗୀର ଜିଲ୍ଲାଗସ୍ତରେ ଆସି ଠିକ୍ ସେତେବେଳେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ପାଟଣାଗଡ ରାଜଖମାରରେ ଉପମୁଖ୍ଯମନ୍ତ୍ରୀ କନକବର୍ଦ୍ଧନ ସିଂଦେଓଙ୍କ ବାସବଭନରେ ମଧ୍ୟାହ୍ନଭୋଜନ କରୁଥିବା ବେଳେ ଅଳ୍ପଦିନ ତଳେ ସେଇ ଲରମ୍ଭା ସେକସନ୍ ରେ ଯାଇ ବୃକ୍ଷରୋପଣରେ ମହାଦୁର୍ନୀତି ଅଭିଯୋଗରେ ହଙ୍ଗାମା କରିଥିବା ଓ ସେହି ଘଟଣାରେ ଜଣେ ଫରେଷ୍ଟର ପ୍ରିୟବ୍ରତ ନାଏକଙ୍କୁ ସଙ୍ଗେ ସଙ୍ଗେ ନିଲମ୍ବନ କରାଯାଇଥିବା ସତ୍ତ୍ୱେ ସ୍ଥାନୀୟ ବିଧାୟକ କନକବର୍ଦ୍ଧନ ସିଂହଦେଓ ଏ ସମ୍ପର୍କରେ ମୁଖ୍ୟମନ୍ତ୍ରୀଙ୍କ କର୍ଣ୍ଣଗୋଚର କରିଥିଲେ କି ବୋଲି ଜନସାଧାରଣଙ୍କ ପକ୍ଷରୁ ପ୍ରଶ୍ନ ଉଠିଛି । 

କୌତୁହଳର ବିଷୟ ଯେ, ବନଖଣ୍ଡର ବିଭିନ୍ନ ଅଞ୍ଚଳରେ ଚୋରାବିଦ୍ୟୁତ୍ ବାର୍ହାଫାଶରେ ବାରମ୍ବାର ହାତୀମୃତ୍ୟୁର ଗୋଟିଏ କାରଣ ଧରାପଡି ୫ ଜଣ ଚୋରାଶିକାରୀ ଗିରଫ ହୋଇଥିଲା ବେଳେ ପରବର୍ତ୍ତୀ ପୁରୁଣାପାଣି ସୁଲିଆଘାଟୀର ଦନ୍ତାମୃତ୍ୟୁ ସହ ଗତକାଲି ପାଟଣାଗଡ ରେଞ୍ଜ୍ ଲରମ୍ଭା ସେକ୍ ସନ୍ ଠେଲକୋଛାପର ବିଟ୍ ଅନ୍ତର୍ଗତ ଗଡିଆଯୋର ଗାଁ'ର ଡ୍ୟାମ୍ ନିକଟରେ ଏଲ୍ ଆଇ ପଏଣ୍ଟ୍ ରୁ ଚୋରି ବିଦ୍ୟୁତ୍ ତାରରେ ଲାଗି ମୃତ ତୃତୀୟ ଦନ୍ତାହାତୀର ମୃତ୍ୟୁକୁ ବନବିଭାଗ ବୃଦ୍ଧାବସ୍ଥାର ସ୍ବାଭାବିକ୍ ମୃତ୍ୟୁ ବୋଲି ସଫେଇ ଦେଉଛି !  ସମ୍ପୃକ୍ତ ଫରେଷ୍ଟର କୁଆଡେ ଏହା କହିଥିବା ପ୍ରକାଶ ।  ଉକ୍ତ ହାତୀ ମରିଥିବାର ଖବର ଗତକାଲି ଦିନ ୧୦ଟା ସୁଦ୍ଧା ବନବିଭାଗ ପାଖରେ ନଥିଲା । ସୁଲିଆମାଲ୍ ଓ ଗଡିଆଯୋରର ଗ୍ରାମବାସୀଙ୍କ ଠାରୁ ଖବରପାଇ ପ୍ରାୟ ୧୨ ଟାବେଳେ ଡିଏଫଓ ସୁଦର୍ଶନ ବେହେରା ପାଟଣାଗଡ ରେଞ୍ଜର ଆନନ୍ଦ ଚନ୍ଦ୍ର ବିଶି, ଫରେଷ୍ଟର ବିରଞ୍ଚି କୁମ୍ଭାର, ଲୋକଙ୍କ କହିବାନୁଯାୟୀ ପ୍ରାୟତଃ ପାଟଣାଗଡରେ ରହୁଥିବାରୁ ଏହି ହାତୀମୃତ୍ୟୁର ଖବର ଦେଇ ନଥିବା  ମହିଳା ଫରେଷ୍ଟ୍ ଗାର୍ଡ ସ୍ବର୍ଣ୍ଣଲତା ଭୋଇ ପ୍ରମୁଖ ଘଟଣାସ୍ଥଳରେ ପହଞ୍ଚିଥିଲେ । ଏଇ କିଛିସମୟ ପୂର୍ବରୁ ବଲାଙ୍ଗୀର ଏସିଏଫ୍ ଜିତେନ୍ଦ୍ର ସାହୁ କାଲି ଖବର ପ୍ରକାଶ ପରେ ଜଣେ ସାମ୍ବାଦିକଙ୍କୁ ' ଏହା ଏଲ୍ ଆଇ ପଏଣ୍ଟ୍ ରୁ ବିଦ୍ୟୁତ୍ ଚୋରି କରି କି ? ' ବୋଲି ପଚାରୁଥିବା ପ୍ରକାଶ ।