29-Oct-2024

ବରଗଡ:(ନିରଞ୍ଜନ ତ୍ରିପାଠୀ)-ବରଗଡ ଜିଲ୍ଲା ବରପାଲି ଜି.ଏମ ପ୍ରଡକସନ ପ୍ରାୟୋଜିତ କ୍ଷୁଦ୍ର ସମ୍ବଲପୁରୀ ଫିଲ୍ମ ଚଳଚିତ୍ର ଭକୁଆ ଲୋକ୍ ବେଷ୍ଟ କମେଡି ସିନେମା ଭାବେ କଟକରେ ଆଯୋଜିତ ସିଲଭର ସିଟି ଅନ୍ତର୍ଜାତୀୟ ଫିଲ୍ମ ଫେଷ୍ଟିଭାଲରେ ପୁରସ୍କୃତ ହୋଇଛି। ଚଳଚିତ୍ରର ଲେଖକ ନିର୍ଦ୍ଦେଶକ ଓ ପ୍ରଯୋଜକ ସରୋଜ କୁମାର ମେହେରଙ୍କ ସମେତ କଳାକାର ଅଭିନେତାଙ୍କୁ ପୁରସ୍କୃତ କରାଯାଇଥିଲା। ସମାରୋହରେ ଅତିଥି ଭାବରେ ସିନେ ସଙ୍ଗୀତଜ୍ଞ ଓ ନିର୍ଦ୍ଦେଶକ ଅରୁଣ ମହାନ୍ତି, ଅଭିନେତା ଶ୍ରୀତମ ଦାସ, ନିର୍ଦ୍ଦେଶକ ସୁରଜ ମିଶ୍ର ଓ ନବକିଶୋର ଦାସ ପ୍ରମୁଖ ଅନେକ ବରିଷ୍ଠ କଳାକାର ମାନେ ମଞ୍ଚାସୀନ ଥିଲେ। ୮ଟି ବିଦେଶୀ ସିନେମା ସହ ୩୦ଟି ଭାରତ ର ଭିନ୍ନ ଭିନ୍ନ ଭାଷାର ସିନେମା ପ୍ରଦର୍ଶିତ ହୋଇଥିଲା।ସମ୍ବଲପୁରୀ ସିନେମା ଭକୁଆ ଲୋକ୍ ଦ୍ୱିତୀୟ ଶ୍ରେଷ୍ଠ କମେଡି ସିନେମା ଭାବରେ ପୁରସ୍କୃତ ହେବାର ଖବର ପ୍ରସାରିତ ହେବାପରେ ଅଞ୍ଚଳର କଳାକାର ଓ କଳପ୍ରେମୀ, ବୃଦ୍ଧିଜିବୀ ମହଲରେ ଆନନ୍ଦର ବାତାବରଣ ଖେଳି ଯାଇଛି।ସିନେମା ରଚନା ନିର୍ଦ୍ଦେଶନା ଓ ପ୍ରଯୋଜକ ସରୋଜ କୁମାର ମେହେର କରିଥିବା ବେଳେ ଅଭିନୟ କରିଛନ୍ତି ବିର ବଜରଙ୍ଗ ମେହେର,ବୁଲୁ ରଣା,ଟଙ୍କଧର ଭୋଇ,ଦିଲୀପ ଲହରିୟା,ପ୍ରକାଶ ବେହେରା,ବନ୍ଦିତା ମିଶ୍ର, ଆଲୋକ ନାଗ,ସରୋଜ କୁମ୍ଭାର, ମ୍ୟୁଜିକ ଅଭିମନ୍ୟୁ ମେହେର, କେମେରା ଏଡିଟିଙ୍ଗ ରାହୁଲ ଷ୍ଟୁଡିଓ (ସରୋଜ) ବିଶେଷ ସହଯୋଗରେ ନବକିଶୋର ମେହେର, ଘନଶ୍ୟାମ ଥଇତ, କ୍ରିଷ୍ଣା ମେହେର।