23-Oct-2024

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ବିଜେପୁର ସ୍ଥିତ ରେଡିଏନ୍ସ ଶିକ୍ଷାନୁଷ୍ଠାନ ପରିସରରେ ଆସନ୍ତା ଜାନୁୟାରୀ ୨୦୨୫ ରେ ହେବାକୁ ଥିବା ୧୦୮ କୁଣ୍ଡୀୟ ଗାୟତ୍ରୀ ମହାଯଜ୍ଞ ପାଇଁ ଭୂମିପୂଜନ ଓ ଶୁଭସ୍ତମ୍ଭ ସ୍ଥାପନ ତଥା ଦେବଦମ୍ପତି ସମ୍ମିଳନୀ ଶାନ୍ତିକୁଞ୍ଜ, ହରିଦ୍ବାର ଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଆଧ୍ୟାତ୍ମିକ ପରିବେଶ ମଧ୍ୟରେ ଅନୁଷ୍ଠିତ ହୋଇଯାଇଅଛି। ପ୍ରାୟ ୧୦୦୦ରୁ ଉର୍ଦ୍ଧ୍ବ ଗାୟତ୍ରୀ ପରିଜନ ତଥା ୨୦୦ ଦେବ ଦମ୍ପତ୍ତି ଉପସ୍ଥିତ ଥିଲେ। ଏଥିରେ ଶାନ୍ତିକୁଞ୍ଜ ପ୍ରତିନିଧି ଶ୍ରୀ ସୁନିଲ ଶର୍ମା ଓ ବିଘ୍ନେଶ୍ୱର ମହାପାତ୍ର ଉପସ୍ଥିତ ଥିବା ବେଳେ ସରୋଜ କୁମାର ପଧାନ ଓ ସୁବାସ ଚୌହାନ ତାଙ୍କୁ ସହଯୋଗ କରିଥିଲେ। ଭୂମିପୂଜନ ଉପଲକ୍ଷେ ଏକ କୁଣ୍ଡୀୟ ଗାୟତ୍ରୀ ଯଜ୍ଞ ଅନୁଷ୍ଠିତ ହୋଇଥିଲା ଏଥିରେ କେଦାରନାଥ ନାୟକ ସପତ୍ନୀକ ମୁଖ୍ୟ କର୍ତ୍ତା ଦାୟିତ୍ବ ତୁଲାଇଥିଲେ। ଉକ୍ତ କାର୍ଯ୍ୟକ୍ରମକୁ ସୂଚାରୁ ରୁପେ ପରିଚାଳନା କରିଥିବାରୁ ସଭାପତି ଶ୍ରୀଯୁକ୍ତ ପ୍ରଫୁଲ୍ଲ କୁମାର ନାୟକ ସମସ୍ତ ପରିଜନ ମାନଙ୍କୁ ସାଧୁବାଦ ଜଣାଇଛନ୍ତି।