23-Oct-2024

ତୁଷୁରା (ପଞ୍ଚାନନ ନାଏକ) ରାଜ୍ୟ ସରକାର ଗ୍ରାମାଞ୍ଚଳ ମାନଙ୍କରେ ରାଜ୍ୟ ସ୍ତରୀୟ ଓ ଅନ୍ତଃରାଷ୍ଟ୍ରୀୟ ଖେଳାଳି ସୃଷ୍ଟି କରିବା ପାଇଁ ନୂତନ ଖେଳ ପଡିଆ କରିବା ସହ କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି। କିନ୍ତୁ ବଲାଙ୍ଗୀର ଜିଲ୍ଲା ତୁଷୁରା ଏନଏସିର ୨ନମ୍ବର ୱାର୍ଡ ସ୍ଥିତ ଖର୍ଡା ଗ୍ରାମ ପାଖରେ ଥିବା ରୁଗୁଡିଖାଳ ଫୁଟବଲ ଖେଳ ପଡିଆର ନୂତନ ଭାବେ ନିର୍ମିତ ହୋଇଥିବା ପାରେରୀ ନିମ୍ନ ମାନର ହୋଇଥିବାରୁ ବର୍ଷେ ନପୁରୁଣୁ କାନ୍ଥ ଆଁ କରିବା ସହ ଭାଙ୍ଗିବା ଆରମ୍ଭ ହୋଇ ଥିବା ଦେଖିବାକୁ ମିଳିଛି।ଖର୍ଡା ତଥା ଆଖପାଖର ଖେଳ ପ୍ରେମୀ ମାନଙ୍କ ସୁବିଧାକୁ ଦୃଷ୍ଟିରେ ରଖି ରୁଗୁଡି ଖାଳରେ ନୂତନ ଫୁଟବଲ୍ ପଡ଼ିଆ  ତିଆରି ଆରମ୍ଭ ହୋଇ ଥିଲା। ପଡିଆକୁ ଖେଳ ଉପଯୋଗୀ କରିବା ସହ ପାଚେରୀ ନିର୍ମାଣ କାର୍ଯ୍ଯ ପାଇଁ ୫ଟି ମହିଳା ସଂୟ ସହାୟିକା ଗୋଷ୍ଠୀଙ୍କୁ ଆତ୍ମନିର୍ଭରଶୀଳ ହେବା ଉଦ୍ଦେଶ୍ଯରେ ସରକାର ୨୦ ଲକ୍ଷ ଟଙ୍କାର ୱାର୍କୱଡର ଦେଲେ। କିନ୍ତୁ ଉକ୍ତ ମହିଳା ସଂୟ ସହାୟିକା ଗୋଷ୍ଠୀର ମହିଳା ମାନେ ଉକ୍ତ କାର୍ଯ୍ୟକୁ ସ୍ଥାନୀୟ ଏକ ଠିକାଦାରଙ୍କୁ ବିକ୍ରୀ କରି ଦେଇ ଥିବା ଜଣାପଡିଛି। ଉକ୍ତ ଠିକାଦାର ଓ ବିଭାଗୀୟ ଜେଇଙ୍କ ମଧୁଚନ୍ଦ୍ରିକା ଯୋଗୁଁ କାର୍ଯ୍ଯ ଅତି ନିମ୍ନମାନର ହୋଇ ଥିବାରୁ ବର୍ଷେ ନପୁରୁଣୁ କାନ୍ଥ ଆଁ କରିବା ସହ ଭାଙ୍ଗିବା ଆରମ୍ଭ ହେଲାଣି। ଏ ନେଇ  ଏନଏସି ଅଧ୍ୟକ୍ଷ ଅଜୟ କୁମାର ଜୟଶ୍ବାଲଙ୍କୁ ପଚାରିବାରୁ କହନ୍ତି ଯେ, ଏନେଇ ତଦନ୍ତ କରିବାକୁ ବିଭାଗୀୟ କର୍ତ୍ତୃପକ୍ଷଙ୍କୁ କହିଛି, ରିପୋର୍ଟ ଆସିବା ପରେ ତୁରନ୍ତ ପଦକ୍ଷେପ ନିଆଯିବ ବୋଳି ସଫେଇ ଦେଇଥିଲେ। ଅନ୍ୟ ପକ୍ଷରେ ଏହି ପଡିଆ ଉପରେ ବିପଦପୂର୍ଣ୍ଣ ଭାବରେ ଡୁଡୁମା ଲାଇନ ତାର ଯାଇଥିଲେ ମଧ୍ୟ ଆଶ୍ଚର୍ଯ୍ୟ ଜଣକ ଭାବେ ତୁଷୁରା ଏନଏସି ପ୍ରଶାସନ କିପରି ଏହି ଜମିକୁ ଖେଳପଡିଆ ଚିହ୍ନଟ କରିଥିଲେ । କେଉଁ ଉଦ୍ଦେଶ୍ୟରେ ସେଠାରେ ଫୁଟବଲ ପଡିଆ ତିଆରି କରାଯାଇଛି ତାହା ମଧ୍ଯ ତଦନ୍ତ ସାପେକ୍ଷ ବୋଲି ସାଧାରଣରେ ଚର୍ଚ୍ଚା ହେଉଛି।  ଅପରପକ୍ଷରେ ନୂତନ ପଡ଼ିଆ ବାବଦକୁ ୨୦ ଲକ୍ଷ ଟଙ୍କା ଖର୍ଚ୍ଚ ହୋଇ ଥିବା କୁହାଯାଉଥିଲେ ମଧ୍ଯ ଆଖିଦୃଶିଆ କାର୍ଯ୍ଯ ହୋଇ ନାହିଁ। ଏହାର ତଦନ୍ତ ଶିଘ୍ର କରା ନଗଲେ ଆଗାମୀ ଦିନରେ ଏନଏସି ସମ୍ମୁଖରେ ୨ନମ୍ବର ୱାର୍ଡର ଖର୍ଡା ଗ୍ରାମର କ୍ରୀଡା ପ୍ରେମୀ ଯୁବ ନେତା ନରେନ୍ଦ୍ର ସୁନା  
ଧାରଣା ଦେବାକୁ ଗଣମାଧ୍ୟମ ଆଗରେ କହିଛନ୍ତି।