20-Sep-2024

ଫୁଲବାଣୀ(କ୍ଷୀରୋଦ କୁମାର ସାହାଣୀଙ୍କ ରିପୋର୍ଟ ) ଓଡ଼ିଶା ସରକାରଙ୍କର ୧୦୦ ଦିନ ପୂର୍ତ୍ତି ଉପଲକ୍ଷେ ସାରା ରାଜ୍ୟରେ ୧୯ ସେପ୍ଟେମ୍ବର ରୁ ୨୨ ସେପ୍ଟେମ୍ବର ପର୍ଯ୍ୟନ୍ତ ପ୍ରଗତିର ନୂତନ ସୂର୍ଯ୍ୟୋଦୟ କାର୍ଯ୍ୟକ୍ରମ, ବିକାଶ ମେଳା ଆୟୋଜନ କରାଯାଉଛି। ଏହି କାର୍ଯ୍ୟକ୍ରମ ଅବସରରେ କନ୍ଧମାଳ ଜିଲ୍ଲାରେ ୨୨ ସେପ୍ଟେମ୍ବର ରୁ ୨୪ ସେପ୍ଟେମ୍ବର ପର୍ଯ୍ୟନ୍ତ ଏହି ବିକାଶ ମେଳା ପ୍ରଦର୍ଶନୀ ଆୟୋଜନ କରାଯିବ ବୋଲି ମୁଖ୍ୟ ଉନ୍ନୟନ ଅଧିକାରୀ -ତଥା-କାର୍ଯ୍ୟନିର୍ବାହୀ ଅଧିକାର, ଶ୍ରୀ ରତ୍ନାକର ସାହୁ ସୂଚନା ଦେଇଛନ୍ତି ।  ୨୨ ତାରିଖ ପୁର୍ବାହ୍ନ ୧୧ ଘଟିକା ସମୟରେ ମାନ୍ୟବର ମତ୍ସ୍ୟ ଓ ପ୍ରାଣୀ ସମ୍ପଦ ବିକାଶ ଏବଂ ସୂକ୍ଷ୍ମ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ ରାଷ୍ଟ୍ରମନ୍ତ୍ରୀ(ସ୍ଵାଧୀନ) ଗୋକୁଳାନନ୍ଦ ମଲ୍ଲିକ ପ୍ରଦର୍ଶନକୁ ଉଦ୍‌ଘାଟନ କରିବେ ଏବଂ ସ୍ଥାନୀୟ କନ୍ଧମାଳ ସାଂସଦ ସୁକାନ୍ତ କୁମାର ପାଣିଗ୍ରାହୀ, ସମେତ ଫୁଲବାଣୀ ନିର୍ବାଚନ ମଣ୍ଡଳୀର ବିଧାୟକ ଉମଚରଣ ମଳିକ ମଧ୍ୟ୍ୟ ସନମାନୀତ ଅତିଥିଭାବେ ଯୋଗଦାନ କରିବା ଜଣାପଡିଛି | ଏହି ଉଦ୍‌ଘାଟନୀ ଉତ୍ସବରେ ସୁଭଦ୍ରା ଯୋଜନାର ହିତାଧୁକାରୀମାନଙ୍କୁ ମୁଖ୍ୟ ଅତିଥିଙ୍କ ଦ୍ଵାରା ସହାୟତା ରାଶି  ମଧ୍ୟ୍ୟ ପ୍ରଦାନ କରାଯିବ । ସରକାରଙ୍କ ପ୍ରଣୀତ ପ୍ରମୁଖ ଯୋଜନା ସମ୍ବଦ୍ଧରେ ସୂଚନା-ଶିକ୍ଷାସଜ୍ଜାର ଭିତ୍ତିକ ଦୃଶ୍ୟ-ଶ୍ରାବ୍ୟ ଚିତ୍ର ପ୍ରଦର୍ଶନ ସହିତ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେବ, ବିକାଶ ମେଳା ପ୍ରଦର୍ଶନୀ ମାଧ୍ୟମରେ ରାଜ୍ୟ ସରକାରଙ୍କ ଦ୍ୱାରା ଫଳପ୍ରସୂ ପଦକ୍ଷେପ ଏବଂ ପ୍ରଣୀତ ବିବିଧ ଯୋଜନା ଗୁଡ଼ିକର ଉଦ୍ଦେଶ୍ୟ ଓ କାର୍ଯ୍ୟାନ୍ଵୟନ ସମ୍ପର୍କରେ ଜନସାଧାରଣଙ୍କୁ ଅବଗତ କରାଇବା ସହିତ ବହୁବିଧ କଲ୍ୟାଣକାରୀ ଦିଗ ଗୁଡ଼ିକ ସମ୍ପର୍କରେ ଜନସଚେତନତା ସୃଷ୍ଟି କରିବା ଓ ରାଜ୍ୟ ସରକାରଙ୍କୁ ଲୋକଙ୍କର ନିକଟତର କରାଯିବ। ବିଭିନ୍ନ ସରକାରୀ ଯୋଜନା ଏବଂ ଗୋଷ୍ଠୀ ଭିଭିକ ଅନୁଷ୍ଠାନ ଦ୍ବାରା ଗ୍ରାମୀଣ ଉତ୍ପାଦ ବିକ୍ରି ଓ ପ୍ରଦର୍ଶନ ପାଇଁ ପ୍ରାୟ ୪୫ରୁ ଅଧ‌ିକ ଷ୍ଟଲ୍ ନିର୍ମାଣ କରାଯିବ। ବିଭିନ୍ନ ସରକାରୀ ଯୋଜନା ସମ୍ପର୍କରେ ସଚେତନତା କରାଯିବ ପ୍ରତିଦିନ ସନ୍ଧ୍ୟା ୬ ଘଟିକାରୁ ରାତ୍ର ୧୦ ଘଟିକା ପର୍ଯ୍ୟନ୍ତ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେବ ବୋଲି ଶ୍ରୀ ସାହୁ ସୂଚନା ଦେଇଛନ୍ତି ।