05-Sep-2024

ହରଭଙ୍ଗା(ସାଶ୍ୱତ କୁମାର ଦାସ): ଗୋ ସୁରକ୍ଷା, ଗୋ ବଂଶ ରକ୍ଷା ଓ ଗୋ ପାଳନ କରି ସ୍ୱାବଲମ୍ବୀ ହେବା ପାଇଁ ଆଜି ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ରାମଗଡ ପଂଚାୟତ କାର୍ଯ୍ୟାଳୟ ସଭାଗୃହ ଠାରେ ରାଷ୍ଟ୍ରୀୟ କୃଷି ବିକାଶ ଯୋଜନା ଆନୁକୂଲ୍ୟରେ ମା ବୁଢ଼ୀ ବାଉରୀ ଦୁଗ୍ଧ ଉତ୍ପାଦକ ସମବାୟ ସମିତି ଲିଃ କୁ ନେଇ ତିନି ଦିନିଆ ଗୋ ପରିଚାଳନା ଦକ୍ଷତା ତାଲିମ ଶିବିର ଆଜି  ଉଦଘାଟିତ ହୋଇଯାଇଛି l ଉଦ୍ଘାଟନୀ ଦିବସରେ ରାମଗଡ ପଂଚାୟତ ସରପଞ୍ଚ ପ୍ରବାସିନୀ ଯୋଶୀ ଯୋଗ ଦେଇଥିବା ବେଳେ ସମ୍ମାନିତ ଅତିଥିଭାବେ ସମ୍ବଲପୁର, ବରଗଡ଼, ଝାରସୁଗୁଡା, ଦେବଗଡ, ସୋନପୁର ଓ ବୌଦ୍ଧ ଆଦି 6ଗୋଟି ଜିଲ୍ଲାର ଦାୟିତ୍ୱ ନିଭାଉଥିବା   ଓମଫେଡ଼ ଜୋନାଲ ମ୍ୟାନେଜର ଡା. ସରୋଜ କୁମାର ସାହୁ, ହରଭଙ୍ଗା ପ୍ରାଣୀ ଚିକିତ୍ସା ଅଧିକାରୀ ଡା. ପ୍ରିୟବ୍ରତ ବେହେରା ଉପସ୍ଥିତ ରହି ଥିଲେ l ଏହି ତାଲିମ ଶିବିର ଚାରିଛକ ଓମଫେଡ଼ ର ମାର୍ଗ ଦର୍ଶକ ଅମୁଲ୍ୟ ଓଝା ମଞ୍ଚ ପରିଚାଳନା କରିଥିଲେ l ଡା. ବେହେରା ଦୁଧିଆଳୀ ଗାଈ ସୁରକ୍ଷା ଓ ଦୁଗ୍ଧ ଉତ୍ପାଦନ ବୃଦ୍ଧି, ଗାଈ ର ଯତ୍ନ ଉତ୍ତମ ମାନର କ୍ଷୀର ଉପରେ ତାଲିମ ଦେବା ସହ ଗୋ ପାଳନ କରି ଆର୍ଥିକ ଅଭିବୃଦ୍ଧି ସ୍ୱଚ୍ଛଳ ଉପରେ ମତ ରଖିଥିବା ବେଳେ ଡା. ଶ୍ରୀ ସାହୁ ଚାଷୀଙ୍କୁ ସରକାରୀ ଯୋଜନା ଉପରେ ତାଲିମ ଦେବା ସହିତ ଚାଷୀ ଙ୍କ ଦକ୍ଷତା ବୃଦ୍ଧି ଉପରେ ଗୁରୁତ୍ୱl ରୋପ ମତ ଦେଇଥିଲେ l ମା ବୁଢ଼ୀ ବାଉରୀ ଦୁଗ୍ଧ ଉତ୍ପାଦକ ସମବାୟ ସମିତି ଲିଃ 2021ମସିହା ଜାନୁୟାରୀ ମାସ ଏକ ତାରିଖ ରେ ଗଠିତ ହୋଇଥିବା ବେଳେ ଏହି ସମବାୟ ସମିତି ରୁ ପ୍ରତିଦିନ ପ୍ରାୟ 400ଲିଟର କ୍ଷୀର ଉତ୍ପାଦନ ହେଉଥିବା ସହିତ ଚାରିଛକ ଦୁଗ୍ଧ ସିଲତ ଭଣ୍ଡାର ରେ ଏକ ନଂ ସ୍ଥାନ ଅଧିକାର କରିଛି l ଏହି ଶିବିରରେ ସମିତିର 50ରୁ ଉର୍ଦ୍ଧ ଚାଷୀ ତାଲିମ ନେଇଥିବା ବେଳେ ସମିତିର ସମ୍ପାଦକ ପୂର୍ଣ୍ଣ ଚନ୍ଦ୍ର ଯୋଶୀ ସମ୍ପୂର୍ଣ ସାହାଯ୍ୟ ସହଯୋଗ କରିଥିଲେ ଓ ଏହି ତାଲିମ ଶିବିର ତିନିଦିନ ଧରି ଚାଲିବା ନେଇ ସୂଚନା ଦେଇଥିଲେ ।