05-Sep-2024

ଫୁଲବାଣୀ(କ୍ଷୀରୋଦ କୁମାର ସାହାଣୀଙ୍କ ରିପୋର୍ଟ ) କନ୍ଧମାଳ ଜିଲ୍ଲା ସ୍ଥାୟୀ ଲୋକ ଅଦାଲତ, ଫୁଲବାଣୀ ସ୍ଥାନୀୟ TPSODL କତୃପକ୍ଷ ଙ୍କୁ ଟାଟା ପାୱାର ର ମନମୁଖୀ କାର୍ଯ୍ୟ କଳାପ ଓ ଏକଚାଟିଆ ବ୍ୟବସାୟିକ ମନୋବୃତ୍ତିକୁ ନାପସନ୍ଦ କରି ଇତି ମଧ୍ୟରେ ଏକ ଏୈତିହାସିକ ରାୟ ପ୍ରକାଶ କରିଛନ୍ତି |
ସୂଚନାପ୍ରକାରେ, ଜିଲ୍ଳା ସ୍ଥାୟୀ ଲୋକ ଅଦାଲତ ର ଅଧ୍ୟକ୍ଷ ଶ୍ରୀ ଦୋଳଗୋବିନ୍ଦ ବାରିକ ଓ ସଦସ୍ୟ ଶ୍ରୀ ଚନ୍ଦ୍ରହସ ନାୟକ ଫୁଲବାଣୀ ସହର ର ସାତ ଜଣ ଆବେଦନକାରୀ ଙ୍କ ସମସ୍ୟା କୁ ବିଚାର କୁ ନେଇ ମାମଲା ସଂଖ୍ୟା (23 /2023 ରୁ 30 /2023) ର  ରାୟ ପ୍ରକାଶ କରି TPSODL ର ନିର୍ବାହୀ ଯନ୍ତ୍ରୀ ଙ୍କୁ ତୁରନ୍ତ ମହମଦ ନାସ୍ରୂଲା, ଶ୍ରୀମତୀ ରାଜଲକ୍ଷ୍ମୀ ସାହୁ, ଶ୍ରୀ ନରେଶ ମୁଦୁଲି, ଶ୍ରୀ ରଞ୍ଜନ ମହାନ୍ତି ଙ୍କ ସମେତ ଅହି ସାତ ଜଣ ଙ୍କ ଜମି ତଥା ଘର ଉପରେ ବିପଦ ଜନକ ଭାବେ ଯାଇ ଥିବା 33 K V ବିଦ୍ୟୁତ୍ ଲାଇନ ଓ ପୋତା ଯାଇ ଥିବା ବିଦ୍ୟୁତ୍ ଖୁଣ୍ଟ କୁ ତୁରନ୍ତ ହଟାଇବା ପାଇଁ ନିର୍ଦେଶ ଦେଇଛନ୍ତି | ବିଦ୍ୟୁତ୍ କତୃପକ୍ଷ ସମ୍ପୃକ୍ତ ଜମି ମାଲିକଙ୍କ ଠାରୁ ଆଗୁଆ ଅନୁମତି  ନେଇ ନଥିବା ଓ ଅନ୍ୟ ପକ୍ଷରେ ଲାଇନ୍ ଓ ଖୁଣ୍ଟ କୁ ସ୍ଥାନାନ୍ତର କରିବା ପାଇଁ ବେଆଇନ୍ ହଜାର ହଜାର ଟଙ୍କା ଦାବି କରିଥିବା  ପକ୍ଷଗଣ ଆବେଦନରେ ଦର୍ଶାଇଥିଲେ |
ଅଦାଳତ ରାୟ ରେ କହିଛନ୍ତି ଯେ, TPSODL ନିର୍ବାହୀ ଯନ୍ତ୍ରୀ ଯଦି ନିର୍ଦେଶ କୁ ଅବମାନନା କରନ୍ତି ତାହେଲେ, ପକ୍ଷଗଣ ସ୍ଥାନୀୟ ସିଭିଲ ଅଦାଲତ ରେ ଟାଟାପାୱାର ବିରୋଧରେ Ligal Service Act - 1987 ର ଧାରା 22-E  ପ୍ରକାରେ ସମସ୍ତେ "କୋରଖୀ ମାମଲା" ଦାୟର କରି କାର୍ଯ୍ୟ ହାସଲ କରିପାରିବେ |
ପ୍ରକାଶ ଥାଉ କି, ଟାଟା ପାୱାର ଜିଲ୍ଲାରେ ବିଦ୍ୟୁତ୍ ସରବରାହ ଓ ବିତରଣ ଦାୟିତ୍ଵ ନେବା ପରେ କମ୍ପାନୀ ବିରୁଦ୍ଧରେ ଅନ୍ୟନ ଅଭିଯୋଗ ସହ ବିଭିନ୍ନ ଜମି  ଉପରେ ବିନାନୁମତିରେ ଘର ଉପରେ ବା ନିକଟରେ ତଥା ଜମି ଉପରେ ବିପଦଜ୍ଜନକ ଭାବେ କାର୍ଯ୍ୟ କରୁ ଥିବା ଅଭିଯୋଗ ହୋଇଛି | 
   ଏଭଳି ଘଟଣା କେବଳ ଫୁଲବାଣୀ ସହରରେ ଦେଖିବାକୁ ମିଳୁଛି ତା ନୁହଁ, ଜିଲ୍ଲାର ବିଭିର୍ଣ୍ଣ ଗ୍ରାମାଞ୍ଚଳ ରେ ମଧ୍ୟ୍ୟ ଏପରି ବିଜୁଳି ତାର ବିପଦ ପୂର୍ଣ୍ଣ ଅବସ୍ଥାରେ ଝୁଲି ରହିବା ସହିତ ଅତି ବିପଦ ସଂକୁଳ ଅବସ୍ଥାରେ ରାସ୍ତା କଡରେ ଟ୍ରାନ୍ସଫରମର ଗୁଡିକ ବିନା ବ୍ୟାରିକେଡ଼ ରେ ରହିଛି, ଯାହାକି ଟିକିଏ ଅସାବଧାନତା ହେଲେ ପିଲା ଛୁଆଁ ସହିତ ସାଧାରଣ ଲୋକଙ୍କ ର ଜୀବନ ଚାଲିଯିବାର ବହୁ ଆଶଙ୍କା ରହିଛି | ଏହାର ଜ୍ୱଳନ୍ତ ଉଦାହରଣ ହେଉଛି ଫୁଲବାଣୀ ବ୍ଲକ ବିଶିପଡା ଗ୍ରାମପଞ୍ଚାୟତ ଅନ୍ତର୍ଗତ ପଡିଆ ବେ୍ରେଣା ଓ ଆଶ୍ରିସାହି ଗ୍ରାମରେବିନା ବ୍ୟାରିକେଡ଼ ରେ ଥିବା  ଦୁଇଟି ଟ୍ରାନ୍ସଫରମର | ଆଶ୍ରିସାହି ଓ ପଡିଆ ବେ୍ରେଣା ଗ୍ରାମ୍ୟ ରାସ୍ତାରେ ଶତାଧିକ ଜନସାଧାରଣ ,ଛାତ୍ର ଛାତ୍ରୀ, ଗାଡି ମୋଟର ଦୈନନ୍ଦିନ ଯାତାୟାତ କରୁଛି, ଯାହାକି ଗ୍ରାମର ଯାତାୟାତ କରୁଥିବା ସମସ୍ତ ଜନସାଧାରଣ ଙ୍କ ପାଇଁ ବିପଦ କହିଲେ ଅତ୍ୟୁକ୍ତି ହେବନାହିଁ | ଏଣୁ ଏହି ଦୁଇଟି ଟ୍ରାନ୍ସଫରମର ଅନ୍ୟତ୍ର ସ୍ଥାନାନ୍ତର କରିବା ପାଇଁ ଟାଟା ପାୱାର ଦୁଷ୍ଟି ଆକର୍ଷଣ କରିଛନ୍ତି ଗ୍ରାମବାସୀ, ଦେଖାଯାଉ ଏହି ବିପଦ ସଂକୁଳ ଟ୍ରାନ୍ସଫରମର କୁ କେବେ ସ୍ଥାନାନ୍ତର କରୁଛି ଟାଟା ପାୱାର, ତାହା ଆଗାମୀ ଦିନରେ ଜଣା ପଡିବ |