25-Aug-2024

ସମ୍ବଲପୁର: ଉପର ମୁଣ୍ଡରେ ବର୍ଷା ହେବା ଯୋଗୁଁ ହୀରାକୁଦ ଡ୍ୟାମ୍ ର ଜଳସ୍ତର ବୃଦ୍ଧି ପାଇବାରେ ଲାଗିଛି।ସୁରକ୍ଷା ଦୃଷ୍ଟିରୁ ଆଉ ୬ ଗୋଟି ଗେଟ୍ ଖୋଲି ୨୦ ଗୋଟି ଗେଟ୍ ଦେଇ ଜଳଭଣ୍ଡାର ରୁ ୩ ଲକ୍ଷ ଘନଫୁଟ ବନ୍ୟାଜଳ ନିଷ୍କାସିତ ହେଉଛି।ପ୍ରତି ସେକେଣ୍ଡ ରେ ହୀରାକୁଦ ଜଳଭଣ୍ଡାରରୁ ୨ ଲକ୍ଷ ୫୯ କ୍ୟୁସେକ୍ ଜଳ ନିଷ୍କାସିତ ହେଉଥିବା ବେଳେ ଜଳ ଭଣ୍ଡାର ରେ ଜଳସ୍ତର ୬୨୧.୯୭ ଘନଫୁଟ ଜଳ ରହିଛି।ପ୍ରତି ସେକେଣ୍ଡ ରେ ଜଳଭଣ୍ଡାର କୁ ୩ ଲକ୍ଷ ୫୯ କ୍ୟୁସେକ ଜଳ ପ୍ରବେଶ କରୁଛି।ଗେଟ୍ ଖୋଲାଯିବା ଯୋଗୁଁ ତଳିଆ ଅଞ୍ଚଳରେ ବନ୍ୟା ହେବାର ଆଶଙ୍କା ନାହିଁ।କାରଣ ଗେଟ୍ ଖୋଲାଯିବା ପୂର୍ବରୁ ତଳିଆ ଅଞ୍ଚଳର ଜନସାଧାରଣ ଙ୍କୁ ସତର୍କ ରହିବାକୁ ଜିଲ୍ଲା ପ୍ରଶାସନ ପକ୍ଷରୁ ସୂଚାଇ ଦିଆଯାଉଛି।ଆଗକୁ ଲଘୁଚାପ ହେବାର ସମ୍ଭାବନା କୁ ଏଡାଇ ଦିଆଯାଇନପାରେ।ଏଣୁ ଉପର ମୁଣ୍ଡରେ ଅଧିକ ବର୍ଷା ହେବାର ସମ୍ଭାବନା ରହିଥିବା ବେଳେ ହୀରାକୁଦ ଜଳଭଣ୍ଡାର ର ଜଳସ୍ତର ବୃଦ୍ଧି ପାଇପାରେ।ବର୍ତ୍ତମାନ ପର୍ଯ୍ୟନ୍ତ ୨୦ ଗୋଟି ଗେଟ୍ ଖୋଲାଯାଇ ଜଳ ନିଷ୍କାସନ ଜାରି ରହିଛି।ଆଗକୁ ଯଦି ୨୦ ରୁ ଅଧିକ ଗେଟ୍ ଖୋଲାଯାଏ ତେବେ ତଳିଆ ଅଞ୍ଚଳରେ ବନ୍ୟା ର ସମ୍ଭାବନା ଦେଖା ଦେଇପାରେ।