25-Aug-2024

ବୀରମହାରାଜପୁର,( ବିନୋଦ ପାଣ୍ଡେ) : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ପଞ୍ଚାୟତ ସମିତି ସଭାଗୃହ ଠାରେ ରବିବାର ସମସ୍ତ ପଞ୍ଚାୟତର ଲକ୍ଷପତି ଦିଦି ଏବଂ ଗୋଷ୍ଠୀ ସହାୟିକାଙ୍କୁ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଯାଇଛି।  ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ପଞ୍ଚାୟତ ସମିତି ଅଧ୍ୟକ୍ଷା  ଶାନ୍ତି ଲୁହା , ଉପାଧ୍ୟକ୍ଷ  ନାରାୟଣ ଲୁହା , ବଲାଙ୍ଗୀର ସାଂସଦ ପ୍ରତିନିଧି  ନଲିନୀ ପଣ୍ଡା, ପୂର୍ବତନ ଜିଲ୍ଲା ପରିଷଦ ସଭାନେତ୍ରୀ  ଉଷା କୁମାରୀ , ସରପଞ୍ଚ ଓ ପଞ୍ଚାୟତ ସମିତି ସଭ୍ୟ ସଭ୍ୟା , ପଞ୍ଚାୟତ ସ୍ତରୀୟ ସଂଘ ର ଏମବିକେ ଓ ସଭାନେତ୍ରୀ ଉପସ୍ଥିତ ଥିଲେ। ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ  ପୁରୁଷୋତ୍ତମ ଧରୁଆ କାର୍ଯ୍ୟକ୍ରମ କୁ ପରିଚାଳନା କରିଥିଲେ। ଏଥିରେ ୧୫ ଟି ପଞ୍ଚାୟତ ର ୮୦ ଜଣ ଲକ୍ଷପତି ଦିଦି ଓ ୩୩  ଗୋଷ୍ଠୀ ସହାୟିକା ମାନଙ୍କୁ ମାନପତ୍ର ଦେଇ ସମ୍ମାନିତ କରାଯାଇଥିଲା।  ଗୋଷ୍ଠୀ ସହାୟିକା ଙ୍କୁ  ୨୨ ଲକ୍ଷ ଓ ୬୨ ଲକ୍ଷ ବିଭିନ୍ନ ବିଭାଗ ରୁ ୠଣ ପ୍ରଦାନ କରାଯାଇଥିଲା।ସମସ୍ତ ଲକ୍ଷପତି ଦିଦି ମାନେ ନିଜ ନିଜ ସଫଳତା ର କାହାଣୀ ଙ୍କୁ ଉକ୍ତ ଉତ୍ସବରେ ମତବ୍ୟକ୍ତ କରିଥିଲେ।  ଓଡ଼ିଶା ଜୀବିକା ମିଶନ ତଥା ବ୍ଲକ୍ ପ୍ରଶାସନ ର ସହାୟତା ରେ ସରକାରୀ ସ୍ତର ରୁ ଋଣ ଓ ଅନ୍ୟାନ୍ୟ ସହାୟତା ପାଇ ହଜାର ହଜାର ମହିଳା ଆଜି ସ୍ବାବଲମ୍ବୀ ହେବା ସହ ସଫଳତା ର ନା ଲେଖି ପାରିଛନ୍ତି। ଘର ଭିତରେ ବାନ୍ଧି ନ ହୋଇ ନିଜେ ସ୍ବାବଲମ୍ବୀ ହେବାର ବାଟ ଖୋଜି ପାରିଛନ୍ତି ଏବଂ ସାମାଜିକ ପରିବର୍ତ୍ତନ ର ବାର୍ତ୍ତାଵହ ପାଲଟିଛନ୍ତି ନାରୀ ଶକ୍ତି। ଓଡ଼ିଶା ଜୀବିକା ମିଶନ ର ସମସ୍ତ କର୍ମକର୍ତ୍ତା ଙ୍କ ସହାୟତା ରେ ଉକ୍ତ କାର୍ଯ୍ୟକ୍ରମ ଟି ସୁଚାରୁ ରୁପେ ଚାଲିଥିଲା। ଶେଷରେ ଓଡ଼ିଶା ଜୀବିକା ମିଶନ ର ଗୋଷ୍ଠୀ ପ୍ରକଳ୍ପ ଅଧିକାରୀ ବିପିଏମ  ମନୋଜ କୁମାର ବାଘ୍ ଧନ୍ୟବାଦ୍ ଅର୍ପଣ କରିଥିଲେ।