19-Aug-2024

ବରଗଡ଼/ବିଜେପୁର:(ନିରଞ୍ଜନ ତ୍ରିପାଠୀ)- ସରସ୍ଵତୀ ଶିଶୁ ବିଦ୍ୟାମନ୍ଦିର ବିଜେପୁରରେ ପବିତ୍ର ରକ୍ଷା ବନ୍ଧନ ଓ ସ୍ବଭାବ କବି ଗଙ୍ଗାଧର ମେହେର ଜୟନ୍ତୀ ପାଳନ ହୋଇଯାଇଛି। ଏଥିରେ ଶ୍ରୀଯୁକ୍ତ ଗୋପାଳ ଚନ୍ଦ୍ର ମିଶ୍ର ଅଧ୍ୟାପକ ସୋହେଲା ମହାବିଦ୍ୟାଳୟ ସୋହେଲା ମୁଖ୍ୟ ଅତିଥି ଭାବରେ ଯୋଗଦାନ କରିଥିଲେ। ସହ ପ୍ରଧାନ ଆଚାର୍ଯ୍ୟ ସଦାନନ୍ଦ ପଧାନ ଅତିଥି ପରିଚୟ କରିଥିବାବେଳେ ଆଚାର୍ଯ୍ୟା ମନ୍ଦାକିନୀ ସାହୁ କାର୍ଯ୍ୟକ୍ରମକୁ ସଂଯୋଜନା କରିଥିଲେ । ଦଶମ ଶ୍ରେଣୀର ଭଉଣୀମାନଙ୍କ ଦ୍ବାରା ଗଙ୍ଗାଧର ମେହେରଙ୍କ କବିତାର ସମୂହ ଗାନ ହୋଇଥିଲା ।‌ ସପ୍ତମ ଶ୍ରେଣୀର ଛାତ୍ରୀ ଜ୍ଯୋତିର୍ମୟୀ ଦାଶ ବ୍ୟକ୍ତିଗତ ଗୀତ ଗାନ କରିଥିଲେ। ଆଚାର୍ଯ୍ଯା ଗୀତାଞଳି ସାହୁ ସାମାଜିକ ସଦ୍ଭାବର ପର୍ବ ରକ୍ଷାବନ୍ଧନ ବିଷୟରେ ଅଭିଭାଷଣ ଦେଇଥିଲେ। ଆଚାର୍ଯ୍ୟ ଉମାକାନ୍ତ ଜାଲ ଅମୃତର କବି ରଙ୍ଗାଜୀବ ଗଙ୍ଗାଧର ମେହେରଙ୍କ ସାହିତ୍ୟ ସମ୍ଭାର ଓ ଜୀବନ ଦୃଷ୍ଟି ଉପରେ ଆଲୋକପାତ କରିଥିଲେ । ପ୍ରଧାନ ଆଚାର୍ଯ୍ୟ ଗୋକୁଳ ଚନ୍ଦ୍ର ଷଡ଼ଙ୍ଗୀ ବଳଭଦ୍ରଙ୍କ ଜନ୍ମକଥା ଶିଶୁଙ୍କୁ କହିଥିଲେ । ଆଚାର୍ଯ୍ୟ ଜୟନ୍ତ ପାଣ୍ଡେ ଧନ୍ୟବାଦ ଅର୍ପଣ କରିଥିଲେ ।