12-Aug-2024

ହରଭଙ୍ଗା (ଦେବବ୍ରତ ଦାଶଙ୍କ ରିପୋର୍ଟ): ବୌଦ୍ଧ ଜିଲ୍ଲାପାଳ ଓ ଆରକ୍ଷୀ ଅଧିକ୍ଷକଙ୍କ ଯୁଗ୍ମ ଅଭିଯୋଗ ଶୁଣାଣି ଓ ସମାଧାନ ଶିବିର ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ କାର୍ଯ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି l ଅନୁଷ୍ଠିତ ଅଭିଯୋଗ ଶୁଣାଣି ଶିବିରରେ ପ୍ରଥମ କରି ଜିଲ୍ଲାପାଳ ସୁବ୍ରତ କୁମାର ପଣ୍ଡା ଜନ ସାଧାରଣଙ୍କ ଅଭିଯୋଗ ଶୁଣି ସମାଧାନ କରିଥିଲେ l  ନୂତନ ଭାବେ ଯୋଗଦେଇଥିବା  ଜିଲ୍ଲାପାଳ ଙ୍କ ବୌଦ୍ଧ ଜିଲ୍ଲାରେ ପ୍ରଥମ ଅଭିଯୋଗ ଶୁଣାଣି ଶିବିର ଥିଲା  l ଉକ୍ତ ଶିବିରରେ ଜିଲ୍ଲା ଆରକ୍ଷୀ ଅଧିକ୍ଷକ ରାଜ ପ୍ରସାଦ, ଜିଲ୍ଲା ପରିଷଦ କାର୍ଯ୍ୟନିର୍ବାହୀ ଅଧିକାରୀ ଅନିରୁଦ୍ଧ ପ୍ରଧାନ, ବ୍ଲକ ଅଧ୍ୟକ୍ଷା ସ୍ନେହ ଲତା ପ୍ରଧାନ, ବିଡିଓ ଶରତ ଚନ୍ଦ୍ର ସେଠି ,ତହସିଲଦାର ବିଭୁ ପ୍ରସାଦ ସିଂ ଉପସ୍ଥିତ ରହି ଜନ ସାଧାରଙ୍କ ଅଭିଯୋଗ କୁ ଶୁଣି ସମାଧାନ କରିଥିଲେ l ଏଥିରେ  ଜିଲ୍ଲା ଓ ବ୍ଲକ ସ୍ତରୀୟ ସମସ୍ତ ଅଧିକାରୀ ଉପସ୍ଥିତ ସମସ୍ୟାର ସମାଧାନ କରିଥିଲେ l ଆଜିର ଯୁଗ୍ମ ଅଭିଯୋଗ ଶୁଣାଣି ରେ ସମୁଦାୟ 113ଟି ଅଭିଯୋଗ ଆସିଥିବା ବେଳେ ସେଥିମଧ୍ୟରୁ 106ଟି ବ୍ୟକ୍ତିଗତ 7ଟି ସାମୁହିକ ଅଭିଯୋଗ ସେଥିମଧ୍ୟରୁ 47 ଟି ତତ୍କାଳୀନ ସମାଧାନ ହୋଇଥିଲା l 10ଜଣଙ୍କୁ ନୂତନ ଭତ୍ତା ପ୍ରଦାନ କରାଯାଇଥିଲା ଓ ଦୁଇଜଣ ଙ୍କୁ 10ହଜାର ଟଙ୍କା ରେଡକ୍ରସ ସହାୟତା ପ୍ରଦାନ କରାଯାଇଥିଲା l ଅନ୍ୟପଟେ ବ୍ଲକ ର ସଦରମହକୁମା ତଥା ଚାରିଛକ ଓ ପୁରୁଣାକଟକ ବଜାରରେ ଜାତୀୟ ରାଜପଥ ବିଭାଗ ପକ୍ଷରୁ ଲଗାଯାଇଥିବା ସୋଲାର ଲାଇଟ ଅଚଳ ହୋଇପଡି ରହିଛି ଥିବା ବେଳେ ୫୭ନମ୍ବର ଜାତୀୟ ରାଜପଥ ରେ ବିଭିନ୍ନ ଜାଗାରେ ଖାଲଖମା ହୋଇ ରହିଛି । ଅନ୍ୟପଟେ ଡ୍ରେନ କଥା ନ କହିବା ଭଲ ଯାହାକୁ ସୁଧାରିବା ନେଇ ଚାରିଛକ ମହାବିନାୟକ ୟୁଥ କ୍ଳବ ପକ୍ଷରୁ ସଭାପତି ସିକନ ନାୟକ, ଉପସଭାପତି ହରିଶଙ୍କର ସାହୁ ଓ ସଦସ୍ୟମାନେ ମିଶି ଜିଲ୍ଲାପାଳ ଙ୍କୁ  ଏକ ଅଭିଯୋଗ ପତ୍ର ପ୍ରଦାନ କରିଥିଲା । ପରେ ଜାତୀୟ ପଥ ବିଭାଗ କୁ ଜିଲ୍ଲାପାଳ ଏ ନେଇ ତଗିତ କରିଥିବା ବେଳେ ଆଗାମୀ ୧୫ଦିନ ମଧ୍ୟରେ ଅସୁବିଧା ସମାଧାନ କରିବା ପାଇଁ କହିଥିଲେ ।