12-Aug-2024

ବଲାଙ୍ଗୀର (ପ୍ରେରଣା ଖବର): ସରସ୍ବତୀ ଶିଶୁ ବିଦ୍ୟାମନ୍ଦିର, ଚନ୍ଦନଭାଟି ଠାରେ ବଲାଙ୍ଗିର ସଙ୍କୁଳ ସ୍ତରୀୟ ଜ୍ଞାନ ବିଜ୍ଞାନ ମେଳା ରବିବାର ଉଦଯାପିତ ହୋଇଯାଇଛି। କାର୍ଯ୍ୟକ୍ରମ ର ଉଦଘାଟନୀ ଉତ୍ସବରେ ଚନ୍ଦନଭାଟି ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷକ ରଞ୍ଜନ ପଧାନ ମୁଖ୍ଯ ଅତିଥି ଭାବେ ଯୋଗଦେଇ ଦୀପ ପ୍ରଜ୍ବଳନ ପୂର୍ବକ କାର୍ଯ୍ୟକ୍ରମ ର ଶୁଭାରମ୍ଭ କରିଥିଲେ ତଥା ଜ୍ଞାନ ବିଜ୍ଞାନ ମେଳା ର ମହତ୍ବ ଉପରେ ଆଲୋକପାତ କରିଥିଲେ  । ମେଳା ରେ ସଂସ୍କୃତିବୋଧ ପରିଯୋଜନା, ବିଜ୍ଞାନ ଓ ଗଣିତ ବିଭାଗ ରେ ବିଭିନ୍ନ ପ୍ରତିଯୋଗିତା କରାଯାଇଥିଲା। ବଲାଙ୍ଗିର ସଙ୍କୁଳ ଅନ୍ତର୍ଗତ ୮ଟି ଶିଶୁ ବିଦ୍ୟାମନ୍ଦିର ରୁ ଶିଶୁ, ବାଲ ଓ କିଶୋର ବର୍ଗରେ ମୋଟ ୨୮୨ ଜଣ ପ୍ରତିଯୋଗୀ ଅଂଶଗ୍ରହଣ କରିଥିଲେ। ସେମାନଙ୍କ ମଧ୍ଯରୁ ବିଭିନ୍ନ ବିଭାଗ ରେ ୧୨୦ ଜଣ ଯଥାକ୍ରମେ ୧ମ, ୨ୟ ଓ ୩ୟ ସ୍ଥାନ ଅଧିକାର କରିଥିଲେ।ନିକଟସ୍ଥ ବିଭିନ୍ନ ବିଦ୍ୟାଳୟ ରୁ ବିଜ୍ଞାନ ଓ ଗଣିତ ବିଭାଗ ର ୨୦ ଜଣ ଶିକ୍ଷକ ତଥା ସଂକୁଳ ଅନ୍ତର୍ଗତ ୮ଟି ଶିଶୁ ବିଦ୍ୟାମନ୍ଦିର ରୁ ୩୦ ଜଣ ଆଚାର୍ଯ୍ୟ ବିଚାରକ ଓ ପରିଚାଳକ ଭାବରେ ପ୍ରତିଯୋଗିତା ପରିଚାଳନା କରିଥିଲେ।ଆୟୋଜିତ ପୁରସ୍କାର ବିତରଣ କାର୍ଯ୍ୟକ୍ରମରେ ମୁଖ୍ଯ ଅତିଥି ଭାବେ ପଶ୍ଚିମ ଓଡ଼ିଶା ର ବିଶିଷ୍ଟ ନାଟ୍ୟକାର ତଥା ଅବସରପ୍ରାପ୍ତ ଶିକ୍ଷକ ନାଟ୍ୟ ଭୂଷଣ ଜଗଦାନନ୍ଦ ଛୁରିଆ ଯୋଗଦେଇ ଶିଶୁ ଙ୍କୁ ସାଧନା ବଳେ ସଫଳତା କୁ ସ୍ପର୍ଶ କରିବାକୁ ନିଜ ବକ୍ତବ୍ଯ ରେ ପରାମର୍ଶ ଦେଇଥିଲେ। ଚନ୍ଦନଭାଟି ଶିଶୁ ବିଦ୍ୟାମନ୍ଦିର ପରିଚାଳନା ସମିତିର ସଭାପତି ରାମଚନ୍ଦ୍ର ପ୍ରଧାନ, ଉପ-ସଭାପତି ପ୍ରଭୁଦତ୍ତ ପ୍ରଧାନ, ସଂପାଦକ ଡ଼ ଲକ୍ଷ୍ମଣ କୁମାର ମେହେର, ଯୁଗ୍ମ-ସଂପାଦକ ତେଜରାଜ ଧରୁଆ ପ୍ରମୁଖ ଉପସ୍ଥିତ ଥିଲେ। ବଲାଙ୍ଗିର ସଙ୍କୁଳ ସଂଯୋଜକ ସୁବ୍ରତ କୁମାର ବେହେରା ଙ୍କ ପ୍ରତ୍ୟକ୍ଷ ତତ୍ତ୍ବାବଧାନ ରେ କାର୍ଯ୍ୟକ୍ରମଟି ପରିଚାଳିତ ହୋଇଥିଲା। ଉଦଘାଟନୀ ଓ ଉଦଯାପନୀ ଉତ୍ସବ ରେ ବିଦ୍ୟାଳୟ ର ପ୍ରଧାନ ଆଚାର୍ଯ୍ୟ ପ୍ରଭୁଦତ୍ତ ବିଶି ଅତିଥି ପରିଚୟ ପ୍ରଦାନ ପର୍ବକୁ ଆଗେଇ ନେଇଥିଲେ। ଉଦଘାଟନୀ ଉତ୍ସବରେ ପରିଚାଳନା ସମିତିର ଉପ-ସଭାପତି ପ୍ରଭୁଦତ୍ତ ପ୍ରଧାନ ଧନ୍ଯବାଦ ଅର୍ପଣ କରିଥିବା ବେଳେ ଉଦଯାପନୀ ଉତ୍ସବ ରେ ଆଚାର୍ଯ୍ୟ ଟିକେଶ୍ବର ମିଶ୍ର ଧନ୍ଯବାଦ ଅର୍ପଣ କରିବା ସଙ୍ଗେ ସଙ୍ଗେ ସଭା ସଂଯୋଜନା କରିଥିଲେ। ଶିଶୁ ମନ୍ଦିର ର ସମସ୍ତ ଆଚାର୍ଯ୍ୟ,ଆଚାର୍ଯ୍ୟା ତଥା ସେବକ, ସେବିକା ଉପସ୍ଥିତ ରହି ସମସ୍ତ କାର୍ଯ୍ୟ ସୂଚାରୁରୂପେ ସଂଚାଳନ କରିଥିଲେ।