08-Aug-2024

ଲୋଇସିଂହା, (ବିନୋଦ ଦୀପ) ବାଳିକା ଉଚ୍ଚ ବିଦ୍ୟାଳୟ ଲୋଇସିଂହା ଠାରେ ରାଷ୍ଟ୍ରୀୟ ଆବିଷ୍କାର ଅଭିଯାନ ଜୁନିଅର ଓ ସବ ଜୁନିଅର ଗ୍ରୁପ ର କୁଇଜ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି l ଉକ୍ତ କାର୍ଯ୍ୟକ୍ରମ ର ଉଦ୍ଘାଟନୀ ଉତ୍ସବ ରେ ଗୋଷ୍ଠୀ ଶିକ୍ଷାଧିକାରୀ ସୁଶ୍ରୀ ରୀନାକୁମାରୀ ବେହେରା ସଭାପତିତ୍ୱ କରିଥିଲେ l ମୁଖ୍ୟଅତିଥି ଭାବେ କୁସଂଗ ମହାବିଦ୍ୟାଳୟ ର ଅଧ୍ୟକ୍ଷ ଶ୍ରୀଯୁକ୍ତ ଶ୍ରୀଯୁକ୍ତ ପରମେଶ୍ୱର ସିଂ, ସମ୍ମାନିତ ଅତିଥି ଭାବେ ଏବିଇଓ ଶ୍ରୀଯୁକ୍ତ ବ୍ୟାସଦେବ ରାୟ, ଏବିଇଓ ଶ୍ରୀଯୁକ୍ତ ଟଙ୍କଧର ଭୋଇ, ବିଜ୍ଞାନ ଆବାହକ ହେମନ୍ତ କୁମାର ବାରିକ, ବିଜ୍ଞାନ ସଂଯୋଜକ ବିଷ୍ଣୁପ୍ରସାଦ ମିଶ୍ର, ବାଳିକା ଉଚ୍ଚ ବିଦ୍ୟାଳୟ ର ପ୍ରଧାନଶିକ୍ଷକ ଶ୍ରୀଯୁକ୍ତ ସଦାନନ୍ଦ ଭୋଇ, ପ୍ରାଥମିକ ର ବିଜ୍ଞାନ ସଂଯୋଜକ ଶ୍ରୀଯୁକ୍ତ କରୁଣାକର ପଟେଲ ଓ ବିଜ୍ଞାନ ଆବାହକ ଶ୍ରୀଯୁକ୍ତ ପର୍ଶୁରାମ ସୁନା ଯୋଗ ଦେଇଥିଲେ l ପରବର୍ତୀ ପର୍ଯ୍ୟାୟରେ ପୁରସ୍କାର ବିତରଣ ଉତ୍ସବ ରେ କୃତି ଛାତ୍ରଛାତ୍ରୀ ମାନଙ୍କୁ ମାନପତ୍ର ଓ ଟ୍ରଫି ଅତିଥି ମାନଙ୍କ ଦ୍ୱାରା ପ୍ରଦାନ କରାଯାଇଥିଲା l ଜୁନିଅର ଗ୍ରୁପ ରେ ହୀରାପୁର ଉଚ୍ଚ ବିଦ୍ୟାଳୟ ର କୁମାରୀ ଜୟାରଣୀ ନାଗ ପ୍ରଥମ, ଶୁଚିସ୍ମିତା ଭୋଇ ଓ କୁମୁଦିନୀ ଧରୁଆ ଦ୍ୱିତୀୟ, ସ୍ମୃତିକା ସାହୁ, ରାଜୁ ସାହୁ ଏବଂ ରୀତିକା ପଧାନ ତୃତୀୟ ସ୍ଥାନ ଅଧିକାର କରିଥିଲେ l ସବଜୁନିଅର ଗ୍ରୁପ ରେ ରୋଶନ କୁମାର ବାଗ  ଓ ସାଗରୀକା ପଧାନ ଯୁଗ୍ମ ଭାବେ ପ୍ରଥମ, ଅକ୍ଷୟ ପଟେଲ ଓ ସମୀକ୍ଷା ସାହୁ ଯୁଗ୍ମ ରେ ଦ୍ଵିତୀୟ, ପାର୍ଥ ସାରଥୀ ଭୋଇ, ରିନୁମା ପୁଟେଲ, ପ୍ରିୟଦର୍ଶିନୀ ନାଏକ ଓ ଶ୍ରୀକାନ୍ତ ବିଶ୍ୱାଳ ତୃତୀୟ ସ୍ଥାନ ଅଧିକାର କରିଥିଲେ l ପ୍ରତିଯୋଗିତା ରେ ଭାଗ ନେଇଥିବା ସମସ୍ତ ପ୍ରତିଯୋଗୀ ଙ୍କୁ ପ୍ରମାଣପତ୍ର ସହ କୁଇଜ ବହି ପ୍ରଦାନ କରାଯାଇଥିଲା l କାର୍ଯ୍ୟକ୍ରମ ରେ ଲୋଇସିଂହା ବ୍ଲକ ର ଅନେକ ସିଆରସିସି ଓ ଶିକ୍ଷକ କାର୍ଯ୍ୟକ୍ରମ ପରିଚାଳନା ରେ ସହଯୋଗ କରିଥିଲେ l