07-Aug-2024

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ) ଗତକାଲି ମଙ୍ଗଳବାର ସନ୍ଧ୍ୟା ରେ ସୁବର୍ଣ୍ଣପୁର ଜିଲ୍ଲା ବିନିକା ଥାନା ଭଣ୍ଡାର ପଞ୍ଚାୟତ ଅଧିନସ୍ଥ ଚୁଲିମାଲ ଗ୍ରାମରେ ଗୁଳିକାଣ୍ଡ ଘଟିଛି। ଏହି ଗୁଳିମାଡ଼ରେ ସୋନପୁର ବିଧାୟକ ନିରଞ୍ଜନ ପୂଜାରୀ ଙ୍କ ନୂତନ  ପିଏସଓ ଙ୍କ ସମେତ ଦୁଇ ଜଣଙ୍କ ମୃତ୍ୟୁ ହୋଇଥିବା ଜଣାପଡିଛି। ମୃତ ଦୁଇଜଣ ହେଲେ ପିଏସଓ ମନୋଜ ଝାଙ୍କର ଓ ସଂପର୍କୀୟ ଭାଈ ଶେଷଦେବ ଝାଙ୍କର। ଏହି ଘଟଣା ପ୍ରଘଟ ହେବାପରେ ତୁରନ୍ତ ଆମ୍ବୁଲାନ୍ସକୁ ଖବର ଦିଆଯାଇ ଉଭୟଙ୍କୁ ଚିକିତ୍ସା ପାଇଁ ସନ୍ଧ୍ୟା ପ୍ରାୟ ୭ ଘଣ୍ଟା ସମୟରେ ବିନିକା ଡାକ୍ତରଖାନାରେ ଭର୍ତ୍ତି କରାଯାଇଥିଲା ବେଳେ ଡାକ୍ତର ଉଭୟଙ୍କୁ ମୃତ ଘୋଷଣା କରିଥିଲେ। ସୂଚନା ଯୋଗ୍ୟ ଯେ ମନୋଜ ଏବଂ ଶେଷଦେବ ଉଭୟ କାକା ପୁଅ ଭାଇ ଅଟନ୍ତି। କେଉଁ କାରଣରୁ ଏଭଳି ଦୁଃଖଦ ଘଟଣା ଘଟିଲା ତାହା ଏବେ ଯାଏ ସ୍ପଷ୍ଟ ହୋଇପାରିନାହିଁ। କିନ୍ତୁ ଗତକାଲି ଚୁଲିମାଲ ଗାଁ ମୁଣ୍ଡରେ ଥିବା ଏକ ଫାର୍ମ ରେ ପିଏସଓ ମନୋଜ ଝାଙ୍କର କାକା ପୁଅ ଶେଷଦେବ ଓ ଆଉ ଚାରି ଜଣ ସାଙ୍ଗ ମିଶି ଭୋଜି ଭାତ କରିଥିଲେ। ଭୋଜି ଭାତ  ସନ୍ଧ୍ୟା ପର୍ଯ୍ୟନ୍ତ ଚାଲିଥିବା ବେଳେ ମନୋଜ ପୋଲିସ କର୍ମଚାରୀ ପୁଣି ବିଧାୟକ ନିରଞ୍ଜନ ପୂଜାରୀଙ୍କ ପିଏସଓ ଥିବାରୁ ସେହି ପାଖକୁ ଗ୍ରାମବାସୀ କେହି ଯାଇ ନ ଥିଲେ କିନ୍ତୁ ସନ୍ଧ୍ୟା ରେ  ଉଭୟଙ୍କ ଗୁଳିବିଦ୍ଧ ମୃତ ଦେହ ଗ୍ରାମ ମୁଣ୍ଡରେ ଥିବା ପଡିଆ ରେ ପଡ଼ିଥିବା ଡେଖି ବାକୁ ମିଳିଥିଲା। ଘଟଣାସ୍ଥଳରେ ମନୋଜଙ୍କ ସର୍ଭିସ ରିଭଲଭର ଓ ଏକ ଅଫୁଟା ଗୁଳି ପଡ଼ିଥିବା ବେଳେ କେଉଁ ପରିସ୍ଥିତିରେ ଗୁଳି ଫୁଟିଲା ? କିଏ କାହିଁକି ଗୁଳି ଚଳାଇଲା ତାହା ଜଣାପଡ଼ି ନାହିଁ। ଖବର ପାଇ ବିନିକା ପୋଲିସ ଘଟଣାସ୍ଥଳରୁ ଉଭୟଙ୍କ ମୃତ ଦେହ ଉଦ୍ଧାର କରିଥିବା ବେଳେ ସୁବର୍ଣ୍ଣପୁର ଏସପି ୟସ ପ୍ରତାପ ଶ୍ରୀମାଲ, ଏସଡିପିଓ ପ୍ରତାପ କେଶରୀ ତ୍ରୀପାଠୀ ଘଟଣାସ୍ଥଳକୁ ପହଞ୍ଚି ତଦନ୍ତ କରୁଛନ୍ତି l ରାତି ୯ଟାରେ ଉତ୍ତରାଞ୍ଚଳ ଆଇଜି ହିମାଂଶୁ ଲାଲ ବିନିକାରେ ପହଞ୍ଚିଛନ୍ତି। ଅପରପକ୍ଷେ ଘଟଣା ସମ୍ପର୍କରେ କେହି ମଧ୍ୟ ମୁହଁ ଖୋଲୁ ନାହାନ୍ତି। ଏଣେ ପୋଲିସ ସମ୍ପୃକ୍ତି ରହୁ ଥିବାରୁ ଏନେଇ ପୁଲିସ ମଧ୍ୟ ମନା କରିଦେଇ ତଦନ୍ତ ଚାଲୁଥିବା ଓ ଅତି ଶୀଘ୍ର ଘଟଣା ଜଣାପଡ଼ିବା ନେଇ ସୂଚନା ଦେଇଛି। ମନୋଜ୍ ଝlଙ୍କର  ଗୋଟେ ପଟେ ଜଣେ ବିଚକ୍ଷଣ ରାଜ ନେତା ଙ୍କ ପି ଏସ ଓ ଆଉ ଗୋଟେ ପଟେ ପୋଲିସ କର୍ମଚାରୀ ହୋଇ ଥିବା ରୁ ଘଟଣା ର ପ୍ରକୃତ ସତ୍ୟା ସତ୍ୟ ର ପର୍ଦ୍ଦା ଫାସ ହୋଇ ପାରିବ ତ ? ଲୋକେ ପ୍ରଶ୍ନ କରିଛନ୍ତି ଓ ନିରପେକ୍ଷ ତଦନ୍ତ ପାଇଁ ଦାବୀ କରିଛନ୍ତି l ଡିଉଟି ରେ ନ ଥାଇ ବି ପି ଏସ ଓ ରିଭଲଭର୍ ରଖି ପାରିବେ ବୋଲି ସାମ୍ବାଦିକଙ୍କ ପ୍ରଶ୍ନ ରେ ଏଡିପିଓ କହିଥିଲେ l ୨୦୨୪ ରେ ସୁବର୍ଣ୍ଣପୁର ଜିଲ୍ଲା ରେ ଏଭଳି ଅନେକ ଅପରାଧ ହତ୍ୟା କାଣ୍ଡ ବୃଦ୍ଧି ପାଉଥିବାରୁ ଆଇନ୍ ଶୃଙ୍ଖଳା ବିପର୍ଯ୍ୟସ୍ଥ ହୋଇ ପଡ଼ିଛି l ଯା ଫଳରେ କି ସଧାରଣ ଲୋକେ ଅସୁରକ୍ଷିତ ମଣୁଛନ୍ତି l