06-Aug-2024

ସମ୍ବଲପୁର:(ସଂଜୀବପାଣିଗ୍ରାହୀ) 
ସମ୍ବଲପୁରୀ ସାଧକ ତଥା ପ୍ରଚାରକ ଗୁରୁ ସତ୍ୟନାରାୟଣ ବହିଦାରଙ୍କ ଜନ୍ମଦିନକୁ ସମ୍ବଲପୁରୀ ପ୍ରେମୀ ସମ୍ବଲପୁରୀ ଦିନ ଭାବରେ ପାଳନ କରିଥାନ୍ତି । ଗୁରୁ ସତ୍ୟନାରାୟଣ ବହିଦାରଙ୍କୁ ସମ୍ବଲପୁରୀ ଅସ୍ମିତାର ପରିଚୟ ବୋଲି ତାଙ୍କର ସମର୍ଥକ ଦାବି କରିଥାନ୍ତି । ତେବେ ତାଙ୍କର ବାସଗୃହ ନିକଅପା କୁଟୀର ଅବହେଲିତ ଏବଂ ଭଗ୍ନ ହୋଇ ପଡି ରହିଥିବାରୁ ସମ୍ବଳପୁରୀ ପ୍ରେମୀଙ୍କ ମନରେ ଅଷନ୍ତୋଷ ଦେଖାଦେଇଛି।  ନିକଅପା କୁଟୀରକୁ ସଂରକ୍ଷଣ କରିବା ପାଇଁ ସମ୍ବଲପୁରର ବିଭିନ୍ନ ସଂଗଠନ ପକ୍ଷରୁ ଦାବି କରାଯାଉଛି।  ତେବେ ବହୁ ବର୍ଷ ପରେ ମଙ୍ଗଳବାର  ଗୁରୁ ସତ୍ୟନାରାୟଣ ବହିଦାରଙ୍କ ପରିବାର ସମ୍ବଲପୁର ଆସି ନିକଅପା କୁଟୀରର ପୁନରୁଦ୍ଧାର ନେଇ ଆଳୋଚନା କରିଛନ୍ତି।  ସୋନପୁରରେ ରହୁଥିବା ଗୁରୁ ସତ୍ୟନାରାୟଣଙ୍କ ନାତି ତରୁଣ ଏବଂ ଦୁଇ ନୁାତୁଣୀ ରୀତା ଏବଂ ଗୀତାଙ୍କ ସହ ନାତିଜ୍ୱାଇଁ ଏବଂ ଅଣନାତି ମଙ୍ଗଳବାର ସମ୍ବଲପୁର ଆସି ପ୍ରଥମେ ଗୁରୁ ସତ୍ଯ ନାରାୟଣ ସମ୍ବଲପୁରୀ ଡେରା ରେ ଉନ୍ମୋଚିତ ହୋଇଥିବା ପ୍ରତିମୁର୍ତ୍ତୀ ଦର୍ଶନ କରିବା ସହ ମାଲ୍ୟାର୍ପଣ କରିଥିଲେ । ଏହାପରେ ପରିବାର ସଦସ୍ୟ ରାମଜୀ ଗୁଡି ପଡା ସ୍ଥିତ ନିକଅପା କୁଟୀର ଯାଇ ସ୍ଥିତି ଅନୁଧ୍ୟାନ କରିଥିଲେ । ନିକଅପା କୁଟୀରର ଛାତ ଭୁଷୁଡି ଯାଇଥିବା ବେଳେ  ଗଛ  ଉଠି କାନ୍ଥ ଭାଙ୍ଗିବାକୁ ବସିଛି । ତେବେ ଗୁରୁ ବହିଦାରଙ୍କ ପ୍ରତି ସମ୍ବଲପୁରୀ ପ୍ରେମୀଙ୍କ ରହିଥିବା ଶ୍ରଦ୍ଧାକୁ ଦୃଷ୍ଟୀରେ ରଖି ନିକଅପା କୁଟୀରକୁ ବର୍ଷା ପରେ  ମରାମତି କରିବା ପାଇଁ ଆଳୋଚନା କରିଥିଲେ ।  ଏହାସହ ପରିବାର ପକ୍ଷରୁ ପଡୋଶୀ ମାନଙ୍କ ସହିତ ଆଳୋଚନା କରିବା ସହ ପୁରୁଣା ସ୍ମୁତିକୁ ମନେ ପକାଇଥିଲେ  ସତ୍ୟନାରାୟଣ ବହିଦାରଙ୍କ ନାତିନାତୁଣୀ ମାନେ ପଡୋଶୀ ଜାମିନୀ ଠାକୁର, ରାଧରାଣୀ ଠାକୁର, ତପସ୍ବିନୀ ସାହୁ, ସନ୍ତୋଷିନୀ ଭୋଇ, ରୀତା ସ୍ବାଇଁ, ଲକ୍ଷ୍ମୀପ୍ରୀୟା ପ୍ରଧାନ ଙ୍କ ସହ ଆଳୋଚନା କରିଥିଲେ । ଏହି ଅବସରରେ ପଶ୍ଚିମାଞ୍ଚଳ ଏକତା ମଞ୍ଚର ଆବାହକ ଭବାନୀଶ ଭୋଇ ଗୁରୁ ସତ୍ଯ ନାରାୟଣ ବହିଦାରଙ୍କ ସହ ଜଡିତ ବିଭିନ୍ନ ସ୍ଥାନ ବୁଲାଇ ଦେଖାଇବା ସହ ତାଙ୍କର ସାଧନା କୁଟୀର ପୁନରୁଦ୍ଧାର ପାଇଁ ଅନୁରୋଧ କରିଥିଲେ। ଏହାସହ ଗୁରୁ ସତ୍ୟନାରାୟଣ ବହିଦାରଙ୍କ ଜୀବନୀ ଉପରେ ରଚିତ ପୁସ୍ତକ ପରିବାର ଲୋକଙ୍କୁ ପ୍ରଦାନ କରିଥିଲେ।  ଏହି ଅବସରରେ
ମୁଖ୍ୟ ସଂଯାଜକ ମାନସ ରଞ୍ଜନ ବକ୍ସୀ, ସମ୍ବଲପୁରୀ ଲେଖକ ସଂଯୋଜକ ଡ ସ୍ବୟଂ ପ୍ରକାଶ ପଣ୍ଡା, ସାଂସ୍କୃତିକ ସଂଯୋଜକ ଦଶରଥ ମେହେର, କାଯର୍ୟକ୍ରମ ସଂଯୋଜକ ନିଶିକାନ୍ତ ବିଶ୍ୱାଳ, ଯୁବ ସଂଯୋଜକ ରାହୁଳ ଗୁପ୍ତା, ସମ୍ବଲପୁର ଶାଖା ଉପଦେଷ୍ଟା ସୁରେନ୍ଦ୍ର ବଗର୍ତ୍ତୀ ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ  ବର୍ଷା ଋତୁ ଶେଷ ହେବା ପରେ ନିକଅପା ଘରର ମରାମତି କରିବା ସହ ସ୍ମୁତିଭବନ ଭାବେ ବିକଶିତ କରିବାକୁ ପ୍ରତିଶ୍ରୁତି ଦେଇଥିଲେ  ।  ପଶ୍ଚିମାଞ୍ଚଳ ଏକତା ମଞ୍ଚ ପକ୍ଷରୁ ନିକଅପା କୁଟୀର ପୁନରୁଦ୍ଧାର ପାଇଁ ସମସ୍ତ ସହଯୋଗ ଯୋଗାଇ ଦେବାକୁ ପରିବାର ସଦସ୍ଯଙ୍କୁ  ପ୍ରତିଶ୍ରୁତି ଦିଆଯାଇ ଥିଲା।