05-Aug-2024

ହରଭଙ୍ଗା(ଦେବବ୍ରତ ଦାଶଙ୍କ ରିପୋର୍ଟ ):- ମରଣଯନ୍ତା ପାଲଟିଛି ଖୋର୍ଦ୍ଧା-ବଲାଙ୍ଗୀର 57ନମ୍ବର ଜାତୀୟ ରାଜପଥ । ବିଭିନ୍ନ ସମୟରେ ଘଟୁଛି ଛୋଟ ବଡ଼ ଦୁର୍ଘଟଣା ଯାଉଛି ଅନେକ ଜୀବନ ।  ଜାତୀୟ ରାଜପଥ ବିଭାଗ ପ୍ରତି ଜନସାଧାରଣ ଙ୍କ ମଧ୍ୟରେ ବଢୁଛି ଅସନ୍ତୋଷ । ସୂଚନା ଅନୁଯାଇ ଖୋର୍ଦ୍ଧା ରୁ ବଲାଙ୍ଗୀର ୫୭ନମ୍ବର ଯାଇଥିବା ବେଳେ ବୌଦ୍ଧ ଜିଲ୍ଲା ଦେଇ ୧୫୦କିଲୋମିଟର ରାସ୍ତା ଯାଇଛି ।

ସେଥିମଧ୍ୟରୁ ହରଭଙ୍ଗା ବ୍ଲକ ଦେଇ ୭୦ରୁ ଉର୍ଦ୍ଧ କିଲୋମିଟର ରାସ୍ତା ଯାଇଛି । ଏବେ ମରାମତି ଓ ରକ୍ଷଣାବେକ୍ଷଣ ଅଭାବ କାରଣ ରୁ ରାସ୍ତା ବିଭିନ୍ନ ସ୍ଥାନରେ ଖାଲଖମା ଦେଖିବାକୁ ମିଳିଛି । ଦୁର୍ଘଟଣା ପ୍ରବଣ ଅଞ୍ଚଳ ଗୁଡିକ ରେ ରାସ୍ତା କଡ ର ଡିଭାଇଡର କେଉଁଠି ଭାଙ୍ଗି ଯାଇଥିବା ବେଳେ କେଉଁଠି ଚୋରି ହୋଇଯାଇଥିବାର ଦେଖିବାକୁ ମିଳୁଛି । ଠିକାଦାର ପୋଷ ନୀତି ନେଇ ଚାଲିଛି ବିଭାଗ ମରାମତି ନାମ ରେ ନିମ୍ନମାନ ର ମରାମତି କାର୍ଯ୍ୟ କରି ଚାଲି ଯାଉଛନ୍ତି ଠିକାଦାର । ପରେ ବିଲ କରି ତମର ଅଧେ ଆମର ଅଧେ ନୀତି ଚଳାଇଛନ୍ତି ଠିକାଦାର ଓ ଯନ୍ତ୍ରୀ। ଅନ୍ୟପଟେ ରାସ୍ତା ଉପରେ ସ୍କୁଲ, କଲେଜ, ମନ୍ଦିର, ଗାଁ ଓ ଦୁର୍ଘଟଣା ପ୍ରବଣ ଅଞ୍ଚଳରେ ନାହିଁ ସୂଚନା ଫଳକ ଯାହାଦ୍ଵାରା ରାଜପଥ ଉପରେ ବିଭିନ୍ନ ସମୟରେ ଦୁର୍ଘଟଣା ଘଟୁଥିବା ଦେଖିବା ପାଇଁ ମିଳୁଛି । ଅନ୍ୟପଟେ ସହର ସ୍ଥାନ ଗୁଡିକରେ ଡ୍ରେନ ଓ ସାଧାରଣ ଲୋକଙ୍କ ପାଇଁ ଚଲାପଥ କରିବା ପାଇଁ ନିୟମ ଥିଲେ ତାହା ମଧ୍ୟ ଦୀର୍ଘ ବର୍ଷ ହେଲା ସାରି ପାରୁନି ବିଭାଗ । ଆଉ ଜାତୀୟ ରାଜପଥ ଉପରେ ଲାଗିଥିବା ସୋଲାର ଲାଇଟ କଥା ନକହିବା ଭଲ । ଲାଗିବା ଦିନ ଠାରୁ ଚାରିଛକ ର ହରଭଙ୍ଗା ବ୍ଲକ କାର୍ଯ୍ୟାଳୟ , ଗୋଳେଇ ଛକ, ଦୁଇଟି ଯାକ ସାମ୍ବାଦିକ ସଂଘ କାର୍ଯ୍ୟଳୟ ଆଗରେ ଲାଗିଥିବା

ଲାଇଟ ଜଳୁନାହିଁ ସେହିଭଳି ପୁରୁଣାକଟକ ର ଭଳି ଜନଗହଳି ପୂର୍ଣ ସ୍ଥାନ ଗୁଡିକରେ ୫ ରୁ ୧୦ ଟି ଷ୍ଟ୍ରିଟ ଲାଇଟ ଅଚଳ ହୋଇ ପଡିଛି । ବିଭାଗୀୟ ଅଧିକାରୀଙ୍କ ଖମଖାଲି ମନଭାବ ଓ ତଦାରଖା ଅଭାବରୁ ଏଭଳି ଅସୁବିଧା ଜାତୀୟ ରାଜପଥ ରେ ଲାଗି ରହିଛି ଯାହାଫଳରେ ବିଭିନ୍ନ ସମୟରେ ବଡ ବଡ ଦୁର୍ଘଟଣା ଘଟୁଛି ବୋଲି ସ୍ଥାନୀୟ ଲୋକେ ଅଭିଯୋଗ କରିଛନ୍ତି । ଏଣୁ ଜିଲ୍ଲା ପ୍ରଶାସନ ସମସ୍ତ ଘଟଣାକୁ ଦୃଷ୍ଟିରେ ରଖି ବିଭାଗୀୟ ଅଧିକାରୀଙ୍କୁ ତାଗିତ କରିବା ସହିତ ଜାତୀୟ ରାଜପଥ ର ଅବସ୍ଥା ସୁଧାରିବାକୁ ପୂର୍ବତନ ଜିଲ୍ଲା ପରିଷଦ ଉପାଧ୍ୟକ୍ଷ ଅକ୍ରୁର ସେଠି ଓ ପୁରୁଣାକଟକ ଗ୍ରାମପଞ୍ଚାୟତ ସରପଞ୍ଚ ଅଶୋକ ସେଠି ଦାବି କରିଛନ୍ତି ।