22-Jul-2024

ଆଗଲପୁର, (ବିନୋଦ କୁମାର ଦୀପ)  ଆଗଲପୁର ବ୍ଲକ ପାଇଁ ବଲାଙ୍ଗୀର ସାଂସଦ ଶ୍ରୀମତୀ ସଂଗୀତା କୁମାରୀ ସିଂ ଦେଓ ଙ୍କ ପ୍ରତିନିଧି ଭାବରେ କ୍ରମାଗତ ଦ୍ଵିତୀୟ ଥର ପାଇଁ ମନୋନୀତ ହୋଇଛନ୍ତି ଶ୍ରୀଯୁକ୍ତ ଉମେଶ ପଟେଲ l ଶ୍ରୀଯୁକ୍ତ ପଟେଲ ପୂର୍ବରୁ ରୋଥ ମହାବିଦ୍ୟାଳୟ ଛାତ୍ର ସାଂସଦ ର ଦୁଇ ଥର ସଭାପତି ଥିଲେ l ପରେ ପ୍ରତ୍ୟକ୍ଷ ରାଜନୀତି କୁ ଆସି ବିଜେପି ଦଳରେ ଯୋଗଦେଇ ଆଗଲପୁର ମଣ୍ଡଳ ସଭାପତି  ଦାୟିତ୍ୱ ରେ ରହିବା ସହ ଶୃଙ୍ଖଳିତ ଭାବେ ଦଳ ପାଇଁ କାର୍ଯ୍ୟ କରି ଆସୁଛନ୍ତି l ଯାହା ଫଳରେ ସାଂସଦ ଙ୍କ ସମେତ ସମସ୍ତ ନେତା ଙ୍କ ପ୍ରିୟ ଭାଜନ ହୋଇପାରିଛନ୍ତି l ସାଂସଦ ଙ୍କ ଅନୁପସ୍ଥିତ ରେ ଆଗଲପୁର ବ୍ଲକ ର ବିଭିନ୍ନ ବୈଠକ ରେ ସାଂସଦ ଙ୍କ ପ୍ରତିନିଧି ଭାବେ ଏଣିକି ଶ୍ରୀଯୁକ୍ତ ପଟେଲ ଯୋଗଦେବେ l ସାଂସଦ ଶ୍ରୀମତୀ ସଂଗୀତା କୁମାରୀ ସିଂଦେଓ ଙ୍କ ପରାମର୍ଶ କ୍ରମେ ସମସ୍ତ ସରକାରୀ ଯୋଜନା ର ସଫଳ ରୂପାୟନ ପାଇଁ ବିଭିନ୍ନ କାର୍ଯ୍ୟ କୁ ତଦାରଖ କରି ବ୍ଲକ ର ବିକାଶ ପାଇଁ ସବୁ ସ୍ତରରେ ସମନ୍ୱୟ ରକ୍ଷା ପାଇଁ ପ୍ରୟାସ କରିବେ ବୋଲି କହିଛନ୍ତି ଶ୍ରୀଯୁକ୍ତ ପଟେଲ ଏବଂ କ୍ରମାଗତ ଦ୍ଵିତୀୟ ଥର ପାଇଁ ସାଂସଦ ଙ୍କ ଆଗଲପୁର ବ୍ଲକ ପ୍ରତିନିଧି ରୂପେ ମନୋନୀତ ହୋଇଥିବା ରୁ ସେ ସାଂସଦ ଶ୍ରୀମତୀ ସଂଗୀତା ସିଂଦେଓ, ଉପମୁଖ୍ୟମନ୍ତ୍ରୀ ଶ୍ରୀଯୁକ୍ତ କନକବର୍ଦ୍ଧନ ସିଂଦେଓ ଓ ଆଗଲପୁର ବିଜେପି ର ସମସ୍ତ କର୍ମକର୍ତ୍ତା ଙ୍କୁ କୃତଜ୍ଞତା ଜଣାଇଛନ୍ତି l