16-Jun-2024

ନୂଆପଡ଼ା (ରାମନାଥ ପଣ୍ଡା )
 ଶତାବ୍ଦୀ ପୁର୍ବରୁ ଓଡ଼ିଶାରେ ପାଳିତ ହୋଇ ଆସୁଥିବା   ଗଣ ପର୍ବ ରଜ ରାଜ୍ୟର କୋଣ ଅନୁକୋଣରେ ପାଳନ ହେଉଥିବା ବେଳେ ନୂଆପଡା ଜ଼ିଲ୍ଲା ମଧ୍ୟ ପଛରେ ପଡ଼ିନଥିଲା | ଜ଼ିଲ୍ଲାରେ  ବିକାଶ ଦିଗରେ ସହଯୋଗୀ ଭାବେ କାମ କରୁଥିବା ପିରାମଲ ଫାଉଣ୍ଡେସନର ଗାନ୍ଧୀ ଫେଲୋ ଶ୍ରାବଣ ପାଶ୍ବାନ ଆକାଂକ୍ଷା ବ୍ଲକ କୋମନାର ଭେଲା ପଞ୍ଚାୟତ ଓ ବୋଡେ଼ନ ବ୍ଲକର ଖଇରା, କର୍ଲକୋଟ ପଞ୍ଚାୟତରେ ବିଭିନ୍ନ ଅଙ୍ଗନବାଡି କେନ୍ଦ୍ରରେ କିଶୋରୀ ବାଳିକା ମାନଙ୍କ ସହିତ ଆଲୋଚନା ମାଧ୍ୟମରେ ଋତୁସ୍ରାବ ଜନିତ ସମସ୍ୟା ଓ ସ୍ୱାସ୍ଥ୍ୟ ପରିଚାଳନା ଉପାରେ ସଚେତନତା ସୃଷ୍ଟି କରିଥିଲେ | ଏହି ତିନି ଦିନରେ ଆଠ ଟି ଅଙ୍ଗନବାଡି କେନ୍ଦ୍ରରେ ମୋଟ ୭୮ କିଶୋରୀ ଅଂଶ ଗ୍ରହଣ କରି ସଚେତନତା ଉପରେ ଭୂମିକା ନିର୍ବାହ କରିଥିଲେ | ଭେଲା ପଞ୍ଚାୟତ ରେ ଦୋଳି ଖେଳ, ପୋଡ଼ ପିଠା ଓ ମିଠା ପାନ ସହିତ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ଏଥିରେ ପିରାମଲ ଫାଉଣ୍ଡେସନର ନର୍ଗିସ ପରବୀନ, ଭବାନୀ ଶଙ୍କର ନାୟକ, ଖଇରା ପଞ୍ଚାୟତ ସରପଂଚ କୈଳାସ ଦଳ ମଧ୍ୟ ଅଂଶ ଗ୍ରହଣ କରିଥିଲେ |

ଆଜି ରଜ ପର୍ବର ଶେଷ ଦିନରେ ବୋଡ଼େନ ବ୍ଲକର କର୍ଲକୋଟ ଓ ଖଇରା ପଞ୍ଚାୟତରେ କୃଷକ ତଥା ସ୍ୱୟଂ ସହାୟକ ଗୋଷ୍ଠୀର ମହିଳା ମାନଙ୍କ ସହିତ ରଜ ମୃତ୍ତିକା ଗୁଣ  ଆମ ପାଇଁ କେତେ ଫଳ ଦାୟକ ଏବଂ ସ୍ୱାସ୍ଥ୍ୟ ଓ ଉପକାରୀ ବଗିଚା  ଉପରେ ଏକ ଆଲୋଚନା ଚକ୍ର ଅନୁଷ୍ଠିତ ହୋଇଥିଲା । ରଜ ଝିଅ ପିଲାମାନଙ୍କ କଳା ଓ ସଂସ୍କୃତି ତଥା ପୁଅ ପିଲା ମାନଙ୍କ ଶକ୍ତି ଓ ସାମର୍ଥ୍ୟ କୁ ପରିପ୍ରକାଶ କରିଥାଏ ।