09-Jun-2024

ବଲାଙ୍ଗିର (ପ୍ରେରଣା ଖବର): ସ୍ୱେଚ୍ଛାସେବୀ ସଂଗଠନ ରଚନା ପକ୍ଷରୁ ସ୍ଥାନୀୟ ପି .ପି ଏକାଡେମୀ ଠାରେ ଏକ ବୌଦ୍ଧିକ ଆଲୋଚନାଚକ୍ର ଅନୁଷ୍ଠିତ ହୋଇଯାଇଛି l ରଚନାର ମାସିକ ସନ୍ଧ୍ୟା କାର୍ଯ୍ୟକ୍ରମ ରେ ଆମ ପରିବେଶ ଆମ ଦାୟିତ୍ଵ ଶୀର୍ଷକ ବିଷୟବସ୍ତୁ ଉପରେ ଆଧାରିତ ଏହି ଆଲୋଚନା ଚକ୍ରରେ ସହରର ବହୁ ବୁଦ୍ଧିଜୀବୀ, ସଚେତନ ନାଗରିକ, ପରିବେଶ ପ୍ରେମୀ ଯୋଗ ଦେଇ ଆଲୋଚନାରେ ଅଂଶଗ୍ରହଣ କରିଥିଲେ l ଅତିଥି ବକ୍ତା ଭାବେ ବରିଷ୍ଠ ଓକିଲ ତଥା ଟାଙ୍ଗିଆ ଜାମ୍ କମିଟି ଆବାହକ ଗୋପାଳ ଚନ୍ଦ୍ର ହୋତା ଯୋଗ ଦେଇ ଆଜିର ଗ୍ଲୋବାଲ ୱାର୍ମିଙ୍ଗ ପାଇଁ ଜଙ୍ଗଲର ଦ୍ରୁତ ଅବକ୍ଷୟକୁ ଦାୟୀ କରାଯାଇ ପାରିବ ବୋଲି କହିଥିଲେ lଉଦ୍ଭିଦ ବିଜ୍ଞାନ ର ପ୍ରାକ୍ତନ୍ ଅଧ୍ୟାପକ ଡ. ଅଶ୍ୱିନୀ କୁମାର ରଥ ନିଜର ବକ୍ତବ୍ୟରେ ଜଙ୍ଗଲ ପୋଡି ଯୋଗୁଁ ନା ଯେ କେବଳ ଜଙ୍ଗଲ ରେ ରହୁଥିବା ଜୀବଜଗତ ନଷ୍ଟ ହୁଏ ଜୀବଜନ୍ତୁ ନଷ୍ଟ ହୁଏ, ଜଙ୍ଗଲ ମଧ୍ଯ ୬୦ ବର୍ଷ ପଛକୁ ଚାଲିଯାଏ l ଅନ୍ୟତମ ଅତିଥି ବକ୍ତା ଭାବେ କୁମାରୀ ରେଶମା ରାଣୀ ଦାସ ମଞ୍ଚାସୀନ ରହି ପରିବେଶ ସୁରକ୍ଷା ଆମ ସମସ୍ତଙ୍କ ଦାୟିତ୍ଵ ଆଟେ ବୋଲି ବୁଝାଇ ଥିଲେ l ପରିବେଶର ସନ୍ତୁଳନ ରକ୍ଷା କରିବା ଓ ଏ ଜୀବଜଗତ କୁ ବଞ୍ଚାଇବା ପାଇଁ ଆମ ସମସ୍ତଙ୍କୁ ଗଛ ଲଗାଇବାକୁ ପଡିବ ବୋଲି କହିଥିଲେ l ପରିବେଶ ସୁରକ୍ଷା ଓ ବୃକ୍ଷରୋପଣ କାର୍ଯ୍ୟକ୍ରମ କୁ ବ୍ୟାପକ କରିବା ଦିଗରେ ବଲାଙ୍ଗିର ର ସାମାଜିକ ଅନୁଷ୍ଠାନ ଶାଗୁଆ ବଲାଙ୍ଗିରର ପଦକ୍ଷେପକୁ ଏହି ସଭା ମାଧ୍ୟମରେ ପ୍ରଶଂସା କରାଯାଇଥିଲା l ରଚନାର ସଭାପତି ସନାତନ ଠାକୁର ଓ ସମ୍ପାଦକ ଭାଗିରଥୀ ମିଶ୍ର ଙ୍କ ଦିଗଦର୍ଶନରେ ଅନୁଷ୍ଠିତ ସଭାରେ ଅନ୍ୟ ମାନଙ୍କ ମଧ୍ୟରେ ନାଗରିକ କମିଟି ସଭାପତି ଡ .ଶ୍ରୀକର ମିଶ୍ର, ଶିକ୍ଷାବିତ୍ ମନୋରଞ୍ଜନ ସାହୁ, କବି ମୃଗେଶ ବୈଷ୍ଣବ ପାଣିଗ୍ରାହୀ, ରମେଶ ପୁରୋହିତ, ଦିବାକର ହୋତା, ଡ.ପ୍ରେମଚାନ୍ଦ ମହାନ୍ତି, ନେସନାଲ୍ ପିସ୍ ୟୁନିସନ ର ସତ୍ୟରଞ୍ଜନ ମିଶ୍ର ପ୍ରମୁଖ ଆଲୋଚନାରେ ଅଂଶଗ୍ରହଣ କରିଥିଲେ lରଚନାର ଜିତେନ୍ଦ୍ରିୟ ତ୍ରିପାଠୀ ସଭା ପରିଚାଳନା କରିଥିବା ବେଳେ ସହ ସମ୍ପାଦକ ରତ୍ନମୟ ତ୍ରିପାଠୀ ଧନ୍ଯବାଦ ଅର୍ପଣ କରିଥିଲେ l