02-May-2024

ବଲାଙ୍ଗିର(ଦେବାଶିଷ ବହିଦାର) / ଆଜି ବଲାଙ୍ଗୀରର ବରିଷ୍ଠ ଆଇନଜୀବୀ ନିରଂଜନ ଗୁରୁଙ୍କ ଙ୍କ ୮୭ ବର୍ଷରେ ପରଲୋକ ହୋଇଯାଇଛି । ଗତ କିଛି ମାସ ହେଲା ଶ୍ରୀ ଗୁରୁ ବାର୍ଦ୍ଧକ୍ୟଜନିତ ଅସୁସ୍ଥତା ଯୋଗୁଁ ଶର୍ଯ୍ୟାଶାୟୀ ଥିଲେ । ଆଜି ସକାଳେ ବୁର୍ଲା ମେଡିକାଲରେ ଚିକିତ୍ସାଧୀନ ଅବସ୍ଥାରେ ଶ୍ରୀ ଗୁରୁଙ୍କ ପରଲୋକ ହୋଇଯାଇଛି । ଜଣେ ମେଳାପୀ ଓ ମିଷ୍ଠଭାଷୀ ମଣିଷ ଭାବରେ ସ୍ୱର୍ଗତ ଗୁରୁ ଜଣାଶୁଣା ଥିଲେ । ପୂର୍ବରୁ ଜଣେ ଗଭର୍ଣ୍ଣମେଣ୍ଟ ପ୍ଲିଡର୍ ଭାବରେ ଦକ୍ଷତାର ସହ ସହିତ ନିଜର ଦାୟିତ୍ୱ ତୁଲାଇ ଥିଲେ ।    ଶ୍ରୀ ଗୁରୁଙ୍କ ମରଶରୀର ତାଙ୍କ ଠିକାଦାରପଡା ସ୍ଥିତ ବାସଭବନକୁ ଆଣିବା ପରେ ବହୁ ମାଣ୍ୟଗଣ୍ୟ ବ୍ୟକ୍ତି ଆସି ତାଙ୍କ ଶେଷ ଦର୍ଶନ କରିଥିଲେ । ସ୍ଥାନୀୟ ବିଭୂତି ପଡା ସ୍ମଶାନ ଘାଟରେ ଶ୍ରୀ  ଗୁରୁ ଙ୍କ ଅନ୍ତେଷ୍ଟିକ୍ରିୟା କରାଯାଇଥିଲା ।

 ଆଜି ବଲାଙ୍ଗୀର ଜିଲ୍ଲା ଓକିଲ ସଂଘ ପକ୍ଷରୁ ସ୍ଥାନୀୟ ସିଭିଲ କୋର୍ଟ ବାର୍ ହଲ୍ ଠାରେ ଏଡ୍‌ଭୋକେଟ ନିରଂଜନ ଗୁରୁଙ୍କ ପରଲୋରେ ଏହି ଅମର ଆତ୍ମାର ସଦ୍‌ଗତି ପାଇଁ ଦୁଇ ମିନିଟ ନିରବ ପ୍ରାର୍ଥନା କରାଯାଇଥିଲା । ଜିଲ୍ଲା ଓକିଲ ସଂଘର ସଭାପତି ଅମରେଶ ତ୍ରିପାଠୀ, ସଂପାଦକ ପ୍ରମୋଦ ବହିଦାରଙ୍କ ସମେତ  ସଭ୍ୟ ବିଜୟ ମିଶ୍ର, କମଳ ମିଶ୍ର, ସୁଧୀର ବେହେରା, ପ୍ରବୀର ନାଏକ, ଦେବାଶିଷ ବିଶ୍ୱାଲ, ଗଜିନ୍ଦ୍ର ବାଗ,  ରମାକାନ୍ତ ଥନାପତ ପ୍ରମୁଖ ସ୍ୱର୍ଗତ ଗୁରୁଙ୍କ ସ୍ମତିିଚାରଣ କରିଥିଲେ ।