24-Feb-2024

ତରଭା (କପିଳାସ ସେଠ୍ ଙ୍କ ରିପୋର୍ଟ ): ତରଭା ବ୍ଲକର ବିଭିନ୍ନ ଗ୍ରାମରେ ପାନୀୟ ଜଳର ସମସ୍ୟା ରହିଥିବା ବେଳେ ଆଜି ପାନୀୟ ଜଳ ଯୋଗାଇ ଦେବା ପାଇଁ ପାଣି ପାଉ ନ ଥିବା ଅଞ୍ଚଳ ସରଗଜ ଗ୍ରାମର ମହିଳା ମାନେ ଗରିଆ , ବାଲ୍ଟି, ଧରି ଆସିବା ସହ ଥାଳି ବଜାଇ ବ୍ଲକ ପ୍ରଶାସନର ଦୃଷ୍ଟିଆକର୍ଷଣ କରିଥିଲେ  I ପାଣି ଯୋଗାଇ ଦେବା ପାଇଁ ତରଭା ବିଡ଼ିଓ ଙ୍କୁ ଲିଖିତ ଅଭିଯୋଗ କରିଛନ୍ତି I ଦୀର୍ଘ ବର୍ଷ ହେଲା ସରଗଜ ଗ୍ରାମର ପଶ୍ଚିମ ଦିଗରେ ଥିବା ନିବୃତ୍ତି ଯୋର କୂଳରେ ଆର ଡବ୍ଲୁ ଏସ ଏସ ବିଭାଗ ପକ୍ଷରୁ ଓଭର ହେଡ଼ ଟେଙ୍କ ରୁ ପାଇପ ଯୋଗେ ସରଗଜ ଗ୍ରାମବାସୀଙ୍କୁ ପାନୀୟ ଜଳ ଯୋଗାଣ କରାଯାଉଛି I ହେଲେ ଗ୍ରାମର ଉପର ମୁଣ୍ଡରେ ଥିବା ୭୦% ଗ୍ରାମବାସୀ ମାନେ ପିଇବା ପାଣି ପାଇପାରୁ ନାହାନ୍ତି I ଯାହା ଫଳରେ ମହିଳା ମାନେ ନାହିଁ ନଥିବା ଅସୁବିଧା ପାଉଛନ୍ତି  I ପାଇପ ଲାଇନ  ମାଧ୍ୟମରେ ସରଗଜ ଗ୍ରାମର ସମସ୍ତ ଅଞ୍ଚକକୁ ପାନୀୟ ଜଳ ଯୋଗାଇ ଦେବା ପାଇଁ ତରଭା ବିଡ଼ିଓ ଙ୍କୁ ଲିଖିତ ଅଭିଯୋଗ କରିବା ପାଇଁ ଆସିଥିଲେ I କିନ୍ତୁ ତାଙ୍କ ଅନୁପସ୍ଥିତି ରେ ତରଭା ବ୍ଲକ ଆର ଡବ୍ଲୁ ଏସ ଏସ ସହକାରୀ ଯନ୍ତ୍ରୀ  ରବୀନ୍ଦ୍ର ସାହୁଙ୍କୁ ଭେଟି  ପାନୀୟ ଜଳ

ସମସ୍ୟା ନେଇ ଅବଗତ କରିବା ସହ ଲିଖିତ ଭାବେ ଏକ ଦାବୀପତ୍ର ପ୍ରଦାନ କରିଥିଲେ  I ସରଗଜ ଗ୍ରାମର ପାନୀୟ ଜଳର ସ୍ଥାୟୀ ସମାଧାନ ନ ହେଲେ ଆନ୍ଦୋଳନ ପନ୍ଥା ଗ୍ରହଣ କରିବା ସହ ଆବଶ୍ୟକ ହେଲେ ଆମରଣ ଅନଶନ କରିବାକୁ ବାଧ୍ୟ୍ୟ ହେବୁ, କୌଣସି ଅସୁବିଧା ହେଲେ ପ୍ରଶାସନ ଦାୟୀ ରହିବ ବୋଲି ଲିଖିତ ଭାବରେ ଅଭିଯୋଗକାରୀ ମାନେ ଜଣାଇଛନ୍ତି  I ଏହି ଦାବୀପତ୍ର ପ୍ରଦାନ ସମୟରେ ସରଗଜ ଗ୍ରାମର ମିତ୍ରବ୍ରତ ମିଶ୍ର, ସୁବ୍ରତ ମିଶ୍ର ସମେତ ରୀନା ନାଏକ, ଲଳିତା ନାଏକ, ରଂଜିତା ବାଘ, ଶ୍ରୀୟା ବାଘ, ସୁବିଧା ଗୁରୁ, ହେମ ପରିଛାଙ୍କ ସମେତ ବହୁ ମହିଳାଙ୍କ ଦସ୍ତଖତ ସମ୍ବଳିତ ଦାବୀପତ୍ର ପ୍ରଦାନ କରାଯାଇଥିଲା  I ଦାବୀପତ୍ର ପ୍ରଦାନ ସମୟରେ ମଧ୍ୟ ମହିଳା ମାନେ ଉପସ୍ଥିତ ରହିଥିଲେ  I