20-Dec-2020

ବଲାଙ୍ଗିର, (ସନ୍ତୋଷ କୁମାର ଠାକୁର) - ଆଅଜି ପୂର୍ବାହ୍ନରେ ଲିଟିରାରି ଏଣ୍ଡ ସୋସିଆଲ କ୍ଲବରେ ବାଧିତ ଜନବନ୍ଧୁ ପ୍ରଭାକର ରଥ ସ୍ମୃତି ସମିତି ତରଫରୁ ସାମ୍ବାଦିକ ଗୌରବ ଶିବ ପ୍ରସାଦ ପାଣ୍ଡିଆଙ୍କ ସ୍ମାରକୀ ବକ୍ତୃତା ସଭାପତି ଜୟରାମ ମିଶ୍ରଙ୍କ ସଭାପତିତ୍ୱରେ  ଓ କସ୍ତୁରୀ ରଥଙ୍କ ପରିଚାଳନାରେ ଅନୁଷ୍ଠିତ ହୋଇଯାଇଛି । ମୁଖ୍ୟବକ୍ତା ଭାବରେ ଆଦର୍ଶ ଶିକ୍ଷକ ରାମ ଗୋପାଳ ଖମାରୀ ଶର୍ମା ଯୋଗଦେଇ ବାହ୍ୟ ସ୍ୱଚ୍ଛ ବନାମ ଅନ୍ତଃକରଣ ସ୍ୱଚ୍ଛତା ଉପରେ ସାରଗର୍ଭକ ମତବ୍ୟକ୍ତ କରି କହିଲେ ଯେ ବାହ୍ୟ ସ୍ୱଚ୍ଛ ସାଧାରଣ କଥା ମାତ୍ର ଅନ୍ତଃକରଣ ସ୍ୱଚ୍ଛ ପାଳନ କରିବା ସାଧନାର କଥା ବୋଲି ମତବ୍ୟକ୍ତ କରିଥିଲେ ।

ସମ୍ମାନିତ ବକ୍ତା ଭାବରେ ଯୋଗଦେଇ ସାମ୍ବାଦିକ ବିରେନ୍ଦ୍ର କୁମାର ଝାଙ୍କର ଶିବ ପ୍ରସାଦ ପାଣ୍ଡିଆଙ୍କ ବଳିଷ୍ଠ ସାମ୍ବାଦିକତା ଓ ସ୍ପଷ୍ଟବାଦିତା ଉପରେ ଦୀର୍ଘ ବକ୍ତବ୍ୟ ପ୍ରଦାନ କରିଥିଲେ । ସଭା ଆରମ୍ଭରେ ଜ୍ୟୋତିରାଣୀ ମିଶ୍ର ଅତିଥି ପରିଚୟ ପ୍ରଦାନ କରିଥିବା ବେଳେ ପଣ୍ଡିତ ବ୍ରଜ ବିହାରୀ ତ୍ରିପାଠୀ ବେଦ ପଠନ କରିଥିଲେ । ଏହି କାର୍ଯ୍ୟକ୍ରମକୁ ସହଯୋଗ କରିଥିଲେ ଆଦ୍ୟାଶକ୍ତି ନାରୀ ସଂଗଠନ, ମାଳତୀ ଉଦ୍‌ଗାତା, ତପସ୍ମିନୀ ପଶାୟତ, ଚୁଡେନ୍ଦ୍ର କୁମାର ବେହେରା, ସୁନାଧର ବନଛୋର, ପ୍ରଦୀପ ପଶାୟତ, ହୃଷିକେଶ ପୁରୋହିତ, ଅରୁଣ ଖୁଆସ, ଦୁର୍ଗା ଚରଣ ସାହୁ ଓ ମଦନ ମୋହନ ରଥ । ଏହି କାର୍ଯ୍ୟକ୍ରମରେ ବଲାଙ୍ଗିରର ବହୁ ମାନ୍ୟଗନ୍ୟ ବ୍ୟକ୍ତି ଉପସ୍ଥିତ ଥିଲେ । ଶେଷରେ ଅନୁପ୍ରିୟା ମିଶ୍ର ଧନ୍ୟବାଦ ଅର୍ପଣ କରିଥିଲେ ।