10-Feb-2024

ଜଟଣୀ (ପ୍ରେରଣା ଖବର ): - ଏସ ୟୁ ଜେ ରାଜ୍ୟ ସମ୍ମିଳନୀ ପରେ ପୁରୀ ଦର୍ଶନ ପାଇଁ ବଲାଙ୍ଗୀର ଜିଲ୍ଲା ଏସ ୟୁ ଜେ ଶାଖା ଜଗନ୍ନାଥ ପୁରୀ ରାସ୍ତାରେ ଯାଇ ପହଞ୍ଚିଥିଲେ ଶ୍ରୀକ୍ଷେତ୍ର ପୁରୀରେ।ପୁରୀରେ ଜଗନ୍ନାଥ ଦର୍ଶନ ପାଇଁ ଲମ୍ବା ଧାଡ଼ିରେ ଛିଡ଼ା ହୋଇ ଭୀଷଣ ଭିଡ଼ରେ ଜଗନ୍ନାଥ ଦର୍ଶନ  କରିଥିଲେ।ପୁରୀ ସମୁଦ୍ର କୂଳ ଉପଭୋଗ କରି ବଲାଙ୍ଗୀର ଅଭିମୁଖେ ଯାତ୍ରା କରିଥିଲେ।ପିପିଲି ଠାରୁ ଜଟଣୀ ଯିବା ବେଳେ ଅନନ୍ତ ପୂର୍ ଠାରେ ହଠାତ୍ ଗାଡ଼ି ବନ୍ଦ ହୋଇଯାଇଥିଲା।ଶୀତରେ ସଭିଏଁ ଗାଡିରୁ ଓହ୍ଲାଇ ଦେଖିଲା ବେଳକୁ ଗାଡ଼ିର ରେଡିୱାଟର ଫାଟି ପାଣି ଗଳି ଯାଇଛି।ସେତେବେଳେ ରାତି ୧୨ ଟା। ଅନନ୍ୟୋପାୟ ହୋଇ ଜଟଣୀ ର ସାମ୍ବାଦିକ ତଥା ଏସ ୟୁ 
ଜେ ଖୋର୍ଦ୍ଧା ଜିଲ୍ଲା ଆବାହକ ଅଲି ଭାଇ ଙ୍କୁ ଯୋଗାଯୋଗ କରିଥିଲେ।ଅଲି ଭାଇ ସାମ୍ବାଦିକ ମାନେ ବିପଦ ଅବସ୍ଥାରେ ପଡ଼ିଥିବା ଖବର ପାଇ ଶୀତ କୁ ଖାତିର ନ କରି ନିଜେ ଗୋଟିଏ ବୋଲେରୋ ଗାଡ଼ି କୁ ଚଳାଇ ଘଟଣା ସ୍ଥଳରେ ପହଞ୍ଚିଥିଲେ।ସମସ୍ତ ସାମ୍ବାଦିକଙ୍କୁ ନେଇ ଜଟଣୀ ର ଏକ ହୋଟେଲ ରେ ରହିବାର ବନ୍ଦୋବସ୍ତ କରିଥିଲେ।ଠିକ୍ ସମୟରେ ଆସି ବିପଦରେ ପଡ଼ିଥିବା ସାମ୍ବାଦିକ ବନ୍ଧୁ ମାନଙ୍କୁ ସାହାଯ୍ୟ ସହଯୋଗ କରିଥିବାରୁ ବଲାଙ୍ଗୀର ଜିଲ୍ଲା ଏସ ୟୁ ଜେ ଶାଖା ତରଫରୁ ଅନେକ ଧନ୍ୟବାଦ୍ ଜଣାଇଛନ୍ତି।ଏସ ୟୁ ଜେ ସଂସ୍ଥା ସବୁବେଳେ ସାମ୍ବାଦିକ ମାନଙ୍କ ବିପଦରେ ସାହାଯ୍ୟ ସହଯୋଗ କରି ଆସୁଥିବା ବେଳେ ଏହି ସଂସ୍ଥାରେ ଥିବା ସମସ୍ତ ସଦସ୍ୟ ଜଣେ ଜଣେ ବିପଦର ବନ୍ଧୁ।
ସକାଳୁ ଗାଡ଼ିକୁ ଜଟଣୀକୁ ଅଣାଯାଇ ଗ୍ୟାରେଜରେ ସଜା ଯାଇଥିଲା।ଗାଡ଼ି ସଜା ଯାଉଥିବା ସମୟରେ ଜଟଣୀରେ ଥିବା  ପ୍ରଜାପିତା ବ୍ରହ୍ମ କୁମାରୀ ଆଶ୍ରମକୁ ଯାଇଥିଲେ।ସେଠାରେ ଥିବା ଭଉଣୀ ମାନଙ୍କ ସହ ସାକ୍ଷାତ୍ କରିଥିଲେ।ବ୍ରହ୍ମ କୁମାରୀ ଜ୍ୟୋତି ଭଉଣୀ ସାମ୍ବାଦିକ ମାନଙ୍କୁ ଉପଦେଶ ଦେଇ ମାନସିକ, ବୌଦ୍ଧିକ, ଶାରୀରିକ,ଆଧ୍ୟାତ୍ମିକ ଏବଂ ସାମଗ୍ରିକ ବିକାଶ ପାଇଁ ଜୀବନରେ କିଛି ସମୟ ଧ୍ୟାନର ଆବଶ୍ୟକତା ରହିଛି ବୋଲି କହିଥିଲେ।ତାଙ୍କର ସୁନ୍ଦର ବୌଦ୍ଧିକ ଉପଦେଶ ରେ ସମସ୍ତେ ଅନୁପ୍ରାଣିତ ହୋଇ ଜୀବନରେ ଥିବା ସମସ୍ୟାକୁ ଏଡାଇ ବାରେ ସକ୍ଷମ ହେବେ ବୋଲି ଅନୁଭବ କରିଥିଲେ।ଶେଷରେ ଭଉଣୀ ଜ୍ୟୋତି ସାମ୍ବାଦିକ ମାନଙ୍କୁ ସୁନ୍ଦର ସନ୍ଦେଶ ଥିବା ଲେଖା ସହ କଲମ ମୁନକୁ ଉଚିତ୍ ଲେଖାରେ ବ୍ୟବହାର କରିବା ପାଇଁ ସମସ୍ତଙ୍କୁ ଗୋଟିଏ ଗୋଟିଏ କଲମ ଦେଇ ବିଦାୟ କରିଥିଲେ।