14-Jan-2024

ବୋଡ଼େନ ( ଡୋଲେସ୍ବର ଵାଗ )
 କେନ୍ଦ୍ର ସରକାର ଓ ରାଜ୍ୟ ସରକାରଙ୍କ ନୂଆ ନୂଆ ଯୋଜନା ଭିତରେ ଛନ୍ଦି ହୋଇଯାଇଛନ୍ତି ସାଧାରଣ ଜନତା ।ବର୍ତ୍ତମାନ ଚାଲୁରହିଥିବା ଆମ ସଂସ୍କୃତିର ସୁରକ୍ଷା ଓ ପ୍ରଚାର ପ୍ରସାର ତଥା ଭକ୍ତି ଆଧାରିତ ସରକାରୀ କାର୍ଯ୍ୟକ୍ରମ ଅଯୋଧ୍ୟାରେ ରାମ ମନ୍ଦିର ପ୍ରତିଷ୍ଠା ପାଇଁ ଅକ୍ଷତ ଚାଉଳ ବଣ୍ଟନ ଓ ନିମନ୍ତ୍ରଣ ପତ୍ର ପ୍ରଦାନ ଏବଂ  ଜଗନ୍ନାଥ ମନ୍ଦିର ପରିକ୍ରମା ଯୋଜନା ନିମିତ୍ତ ଅର୍ପଣ ରଥ ପ୍ରତି ଗାଁକୁ ପରିଭ୍ରମଣ ।  ଆଜି ବୋଡ଼େନ ବ୍ଲକର ରୋକାଲ ପଞ୍ଚାୟତର ସମସ୍ତ ଗାଁ ଖିରମାଲ୍, ରୋକାଲ,କମଲାମାଲ, ଜୟବାହାଲ ଏବଂ ତରାପୁର ଗ୍ରାମରେ ଅକ୍ଷତ ଚାଉଳ ବଣ୍ଟନ କାର୍ଯ୍ୟକ୍ରମର ସମାପ୍ତି ଘଟିଛି ।ତରାପୁର ଗ୍ରାମରେ ରାମନାଥ ପଣ୍ଡା ପ୍ରଭୁ ଶ୍ରୀ ରାମଙ୍କ ଅଯୋଧ୍ୟା ମନ୍ଦିର ପ୍ରତିଷ୍ଠା ଦିବସର ନିମନ୍ତ୍ରଣ ପତ୍ର ଓ ଅକ୍ଷତ କଳସ ପୁଡିଆ ବଣ୍ଟନ କରିଥିବା ବେଳେ ତାଙ୍କ ଧର୍ମ ପତ୍ନୀ ମିନତୀ ପଣ୍ଡା ମୁଣ୍ଡରେ ଅକ୍ଷତ କଳସ  ବୋହି ଗ୍ରାମର ପ୍ରତ୍ୟେକ ପରିବାର ପାଖକୁ ପହଞ୍ଚି ଥିଲେ ।ଗାଁ ଭ୍ରମଣ ସମୟରେ କାର୍ଯ୍ୟକ୍ରମ ସଂଯୋଜକ ବଳମତ ଶବର ,ସଙ୍କୀର୍ତ୍ତନ ମଣ୍ଡଳୀର ସୁବଳ ବାଗ,ଯୁଧିଷ୍ଠିର ବାଗ,ଉମେଶ ଯୋଶୀ,କ୍ଷୀର ସିନ୍ଧୁ ନାଗ ,ମାଧବ ବାଗ,ଜଗନ୍ନାଥ ବାଗ ପ୍ରମୁଖ ବାଦ୍ୟ ବଜାଇ ସ୍ବାଗତ ଜଣାଇବା ସହ ଗାଁ ଭ୍ରମଣରେ ସହଯୋଗ କରିଥିବା ବେଳେ ଜଗନ୍ନାଥ ମନ୍ଦିର ପୂଜକ ବିରଞ୍ଚି ନାରାୟଣ ଯୋଶୀ ,ଚିତ୍ର ରେଖା ଯୋଶୀ, ବିଳାସ ବାଗ, କୃତାଞ୍ଜଳି ବାଗ,ସରସ୍ଵତୀ ପଣ୍ଡା, ଯାଜ୍ଞସେନି ପଣ୍ଡା,ଉତ୍ତମ ପୁରୋହିତ,ଶାରିକା ମୁଣ୍ଡ,ଆରାଧ୍ୟା ପୁରୋହିତ,ଅନିତା ପଣ୍ଡା,ସୁଜାତା ପଣ୍ଡା,ମନୋରମା ପଣ୍ଡା,ନଳିନୀ ଯୋଶୀ,ରଞ୍ଜିତା ଯୋଶୀ ,ପୁଷ୍ପାଞ୍ଜଳି ପତି, ଶ୍ରେୟଶ,ବାସ୍ତବ,ହାର୍ଦିକ,ପ୍ରତ୍ୟାସା ପଣ୍ଡା,ବଂଶୀ କାଣ୍ଡ, ଗୁପ୍ତ ନିଆଳ ,ସୌରଭ ପଣ୍ଡା ପ୍ରମୁଖ ପ୍ରଭୁ ଶ୍ରୀ ରାମଙ୍କ ଫଟୋ ,ପତାକା ଓ ଅକ୍ଷତ କଳସ ବଣ୍ଟନରେ ସମ୍ପୂର୍ଣ୍ଣ ଭୂମିକା ନିର୍ବାହ କରିଥିଲେ ।ପ୍ରଭୁଙ୍କ ନାମ ଗାନ ଓ ହରିବୋଲ ଶବ୍ଦରେ ଉକ୍ତ ସମୟଟି ଲାଗୁଥିଲା ସତେ ଯେମିତି ଅଯୋଧ୍ୟାର ପରିବେଶ ତରାପୁର ଗ୍ରାମରେ ଆସିଯାଇଛି ।ଆସନ୍ତା ୨୨ ତାରିଖ ଦିନ ସନ୍ଧ୍ୟାରେ ସମସ୍ତଙ୍କ ଘରେ ୩ଟି ଲେଖାଏଁ ଦୀପ ଜାଳିବାର ଅନୁରୋଧକୁ ରକ୍ଷା କରାଯିବ ।