22-Dec-2023

ବଲାଙ୍ଗୀର(ପ୍ରେରଣା ଖବର ): ଜିଲ୍ଲାର  ତୃଣମୂଳସ୍ତରରେ ରହିଛି ଅନେକ ସମସ୍ୟା।ଯାହାକି ରାଜ୍ୟ ସରକାରଙ୍କ ଦ୍ବାରା ବଜେଟରେ ଆର୍ଥିକ ବ୍ୟବସ୍ଥା ନ କଲେ ଦୂର କରାଯାଇ ପାରିବ ନାହିଁ। ଏଣୁ  ପ୍ରାକ୍ ବଜେଟ ସମ୍ବନ୍ଧୀୟ ଏକ ଆଲୋଚନାଚକ୍ର ନୂଆଦିଲ୍ଲୀ ସ୍ଥିତ ସିବିଜିଏ ଓ ଭୁବନେଶ୍ଵର ସ୍ଥିତ ସିୱାଇଏସ୍ଡ଼ି ଦୁଇ ସଂସ୍ଥା ଦ୍ବାରା ବଲାଙ୍ଗୀରର ଜିଲ୍ଲା ପଞ୍ଚାୟତ ସାଧନ କେନ୍ଦ୍ର ରେ ଆୟୋଜିତ  ହୋଇଯାଇଛି। ସି ବି ଜି ଏ ଓ ସି ୱାଇ ଏସ୍ ଡି କେନ୍ଦ୍ର ତଥା ରାଜ୍ୟସ୍ତରରେ ଏଭଳି କାର୍ଯକ୍ରମ ବିଗତ ଏକ ଦଶନ୍ଧିରୁ ଅଧିକ ସମୟ ଧରି ଏହାକୁ ଆୟୋଜନ କରି ଆସୁଛନ୍ତି । ଆଲୋଚନାଚକ୍ରରେ ଜିଲ୍ଲାର  ବୁଦ୍ଧିଜୀବୀଙ୍କ ସମେତ ବିଭିନ୍ନ ସ୍ଵେଚ୍ଛାସେବୀ ସଂଗଠନ, କୃଷକ ସଂଘ, ଏଫ୍ ପି ଓ, ସ୍ଵୟଂ ସହାୟକ ଗୋଷ୍ଠୀ ତଥା ପଞ୍ଚାୟତିରାଜ ପ୍ରତିନିଧି ବୃନ୍ଦ ଅଂଶଗ୍ରହଣ କରିଥିଲେ। ଆଲୋଚନାର ଆଭିମୁଖ୍ୟ ଶ୍ରୀମତୀ ଅନିଶା ଅନୁସ୍ତୂପା ଉପସ୍ଥାପନା କରି ଏହି ଆଲୋଚନାରୁ ମିଳିବାକୁ ଥିବା ତୃଣମୂଳସ୍ତରର ବିମର୍ଶ ଓ ମତାମତ ରାଜ୍ୟ ସରକାରଙ୍କ ଦ୍ବାରା ଅନୁଷ୍ଠିତ ହେବାକୁ ଥିବା ପ୍ରାକ୍ ବଜେଟ ବିତର୍କରେ ଉପସ୍ଥାପନ କରାଯିବ। କୃଷି  ଓ ସାମାଜିକ ସୁରକ୍ଷା ପରି କ୍ଷେତ୍ର ସଂପର୍କରେ ହୋଇଥିବା ଆଲୋଚନାରେ ଜିଲ୍ଲାରେ କୃଷିଭିତ୍ତିକ ଉଦ୍ଯୋଗର ପ୍ରତିଷ୍ଠା, ମହୁଲ,ତଥା ଜଙ୍ଗଲଜାତ ଦ୍ରବ୍ଯର ସଠିକ ବିନିଯୋଗ, କୃଷି ଉତ୍ପାଦନର ବଜାର ଓ ସଂରକ୍ଷଣର ବ୍ୟବସ୍ଥାରେ ଉନ୍ନତି ଆଣିବା, ସ୍ବାସ୍ଥ୍ୟସେବା  ସମସ୍ୟାର ସମାଧାନ ପାଇଁ ବଜେଟରେ ବିଭିନ୍ନ ଆର୍ଥିକ ବ୍ୟବସ୍ଥା କରାଯିବା  ସହିତ ସ୍ଥାନୀୟକରଣ ଭିତ୍ତିରେ ଯୁବକମାନଙ୍କୁ କୌଶଳ ବିକାଶ ପାଇଁ  ବ୍ୟବସ୍ଥା କରିବା ସଂପର୍କରେ ମତପ୍ରକାଶ ପାଇଥିଲା। ବରିଷ୍ଠ ନାଗରିକ ମାନଙ୍କ ପାଇଁ ସରକାରଙ୍କ ଦ୍ବାରା ପ୍ରଦତ୍ତ ସାମାଜିକ ସୁରକ୍ଷା ଭତ୍ତାରେ ସଠିକ ହିତାଧିକାରୀଙ୍କ ଚିହ୍ନଟ ଓ ସେ ପରିମାଣକୁ ନିଜ ଅଞ୍ଚଳର ମୁଦ୍ରାସ୍ଫୀତି ସହିତ ଯୋଡିବା, ବଜେଟରେ ଜିଲ୍ଲାର ଗ୍ରାମାଞ୍ଚଳରେ ଥିବା ପ୍ରାଥମିକ ସ୍ବାସ୍ଥ୍ୟ କେନ୍ଦ୍ର ଗୁଡିକ ଯେଭଳି ସୁପରିଚାଳିତ ହେବ ତାହାର ପ୍ରାବଧାନ ରହିବା ପ୍ରଭୁତି

ବିଷୟ ମାନଙ୍କ ଉପରେ ବିସ୍ତୃତରୂପେ ଆଲୋଚନା ହୋଇଥିଲା । କାର୍ଯକ୍ରମକୁ ସୂଚାରୁରୂପେ ସମ୍ପାଦନ ନିମନ୍ତେ ସାଇପ୍ରସାଦ ସାମଲଙ୍କ ଯୋଗଦାନ ରହିଥିଲା। ଆଶିଷ କୁମାର ଜାଲି ଓ ପଲ୍ଲୀ ଆଲୋକ ପାଠାଗାର, ନଅଗାଁର ସଂପାଦକ  ପ୍ରଶାନ୍ତ କୁମାର ନାୟକ ଆଲୋଚନାଚକ୍ରକୁ ପରିଚାଳନା କରିଥିବା ବେଳେ ଧନ୍ୟବାଦ ଜ୍ଞାପନ କରି ସଭାସାଙ୍ଗ କରିଥିଲେ । ସନ୍ଦୀପ କୁମାର କୁଅଁର, ଜିଲ୍ଲା ଯୋଜନା ବିଶେଷଜ୍ଞ ଲଳିତ ରଂଜନ ମହାପାତ୍ର, ମଧୁସୂଦନ ଖେତି, ବିଭୁଦତ୍ତ ମିଶ୍ର, ଅନୁଗ୍ରହ ନନ୍ଦ, ନରେଶ ସାହୁ, ମହାଶକ୍ତି ,ଏଜେସଏ ଆଶା କୁଳମଣି ସାହୁ, ଗୁପ୍ତ ବିଗୋପ ପରିଡ଼ା, ଜୋନାଲ ସଂଯୋଜକ ପ୍ରେମଲାଲ ମାଝୀ, ପ୍ରମୋଦ ବାରିକ, ସି ୱାଇ ଏସ ଡି ର କର୍ମକର୍ତ୍ତା ହୃଷିକେଶ ବାଗ, ବିଜେପୁର ସରପଞ୍ଚ ଗୋପାଳ ତାଣ୍ଡି, ବାନ୍ଦୁପଲା ସରପଞ୍ଚ ପ୍ରମୁଖ ଆଲୋଚନାରେ ସକ୍ରିୟ ଅଂଶଗ୍ରହଣ କରିଥିବା ବେଳେ ପଲ୍ଲୀ ଆଲୋକ ପାଠାଗାରର କାର୍ଯ୍ୟକ୍ରମ ସଂଯୋଜକ ହୀରାଲାଲ ମିଶ୍ର ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।